ဂျေရုသလေၚ်၊ သိပ်တမ်ပါ ၁၈
အတိုၚ် အေတ်သရေဝ် ဘပလဠလဝ် စထပက်ပၞာန်ဗလးတိကု ဂါဇာသဳတဳ ပ္ဍဲသိပ်တမ်ပါ ၁၆ ဂှ် ဂါဇာပၟတ်တူမံၚ် လလောၚ်တြးရ။
အခိၚ် အေတ်သရေဝ် စထပက်ပၞာန်ဗလးတိဂှ် ကောန်ပါလေတ်သတိုၚ်ဗွဲမဂၠိုၚ် ဂြိပ်တိတ်အာတုဲ အကြာပေါဲပၞာန်ပွိုၚ်ၜါသၞာံဏံ ပရေၚ်ကြဳဗုမ်ဇြဟတ်ဇၞော်အိုတ် ဒးဆဵုဂဗမံၚ် ညးတံဟီုရ။
ပ္ဍဲဒေသၚာ်ၜဳဂါဇာ ဒၞာဲဍုၚ်အဓိက ဂါဇာသဳတဳ က္တဵုဟယိုဟ်ဇြိုဟ်ဟ်တံဂှ် ဒပ်ပၞာန် လုပ်စိုပ်အာကေတ်လဝ်ဒၞာဲယျ ညးတာလျိုၚ်ပၞာန် အေသရေမွဲတၠ ဟီုဂးဏာတုဲ အပ္ဍဲဍုၚ်ဏံ သွက်ဂွံ ဗတိုက်သၠေက်အာ ဒပ်ဟာမတ်သ် နွံမံၚ်ၜိုတ် ၃၀၀၀ ဂှ် အကြာတ္ၚဲတံဏံ ထပ်ဗပေၚ်အာ ဇြဟတ်ရောၚ် ဟီုရ။
ဍုၚ်ဂါဇာ ပၟတ်တူမံၚ်ယျ ဝန်ဇၞော်ပရေၚ်စဵုဒၞာ အတ်သရေ ကာတ်ဇ် ချူလဝ် ပ္ဍဲမဳဒဳယာပရေၚ်မၞိဟ်ရ။
ညးဒးဒုၚ်မံၚ်ပးဒၞန်တံ ညံၚ်ဂွံကလေၚ်ဗၠးၜး၊ ပရေၚ်ဗတိုက်သၠေက် ဂကောံဟာမာတ်သ်တံဂှ် နကဵုဒပ်ပၞာန် အေတ်သရေတံ သတ္တိနွံနွံ လုပ်မံၚ်ပေါဲဗတိုက်ရောၚ် ဝန်ဇၞော်ကာတ်ဇ် ဟီုရ။
နကဵုပၞာန်ကျာ၊ ပၞာန်ဍာ် ကဵု ပၞာန်တိုက်တံ အခိၚ်အေတ်သရေ သၠုၚ်အသိၚ် ဗတိုက်မံၚ် ဂါဇာသဳတဳဂှ်တှ်ေ ကရပ်ဗဒါဲတံ ပရေၚ်ဖံက်ဟတိုဟ် ဇၞော်ကဵုဇြဟတ် က္တဵုဒှ်မံၚ်ရောၚ် ညးဆဵုနမတ်တံ ဟီုရ။
အကာဲအရာ က္တဵုဒှ်မံၚ် ပ္ဍဲဂါဇာ ပရေအ်လောန်အာတုဲ နကဵုပရေၚ်ဍုၚ်ကွာန်ကီု သီုကဵု ဥပဒေ အကာဲအရာ စွံအာ ပရေၚ်အေၚ်ဒုၚ်ဟွံမာန်ရောၚ် ညးအုပ်ကာနာနာ ကုလသမဂ္ဂ အာန်တိုနဳယို ဂူတာရက်သ် ဟီုရ။
သွက်ဂွံပံက်အာ ကဝ်မယှေန် ကုလသမဂ္ဂ သွက်ဂွံစၟဳစၟတ်ဂၠိုက်ဂၠာဲ ပရေၚ်အေတ်သရေ ပွမ သ္ပမံၚ်ပရေၚ်ကာဂစိုတ်ဂကူမၞိဟ် ပ္ဍဲဂါဇာဂှ် အေတ်သရေ တးပါဲလဝ်ရ။
ယဝ်ရ ထပက်ပၞာန်ဗလးတိကု ဂါဇာသဳတဳမ္ဂး သွက်ညးဒုၚ်ပးဒၞန်တံ အန္တရာဲဒှ်အာမာန်တုဲ သွက်ဒပ် အေတ်သရေတံဂှ် ဒှ်အာ ညံၚ်ရဴ ဒၞက်ပါမ်သၟိၚ်ဂစိုတ် ဒှ်အာမာန်ဂှ် သ္ကိုပ်ဒပ် အေတ်သရေ လ္ၚဵုကဵုလဝ်သတိတုဲ အကြာ က္ဍိုပ်သ္ကိုပ်ယူရောပ်တံ ကၠောန်သ္ပပရေၚ်မာတ်ဆိုအ် ကဵုလဝ်သတိဏံ အေတ်သရေ ကၠောန်အာ ပရေၚ်ထပက်ပၞာန်ဗလးတိ မဒှ်ရ။
သမ္မတအမေရိကာန် ဒဝ်နေဝ်ထရ ဒတူလိုၚ်အာ လပါ် အေတ်သရေတုဲ နကဵု ဟာမာတ်သ်တံ သ္ပလဝ်ဂဒံၚ်မၞိဟ် လ္တူညးဒးဒုၚ်လဝ်ပးဒၞန်တံမ္ဂး ညံၚ်ရဴစှ်ေနရက်ဂျိုၚ်ၚ် မ္ဒးကလေၚ် လေဲခတှ်ဏောၚ် ဘပဠလဝ်ရ။
Ref:Reuters