ပလဝ်၊ သိပ်တမ်ပါ ၂၀
ပ္ဍဲရးတနၚ်သဳ ဍုၚ်ပလ ဒၞာဲကရပ်ရုၚ်ဟပၠိုတ်ပၟတ်ဂှ် ကောန်သ္ဂံၚ်ဒပ်စဵုဒၞာညးဍုၚ်ကွာန် PDF ၜါတၠ ဒးဒုၚ်ကၠတ်ပန်တုဲ ပြဟ်လလုဲအာရဂှ် ဂွံတီကေတ် နူကဵုတမ်ဒပ်လၟိဟ်(၁) ခရိုၚ်ဗိက်ရ။
ပ္ဍဲကဵု သိပ်တမ်ပါ ၁၇ ဂှ် ကောန်သ္ဂံၚ်ၜါတၠ နူဒပ်ပၞာန်စဵုဒၞာညးဍုၚ်ကွာန် တမ်ဒပ်လၟိဟ်(၁) ခရိုၚ်ဗိက်တံဝွံ နကဵုကိစ္စပရေၚ်ကမၠောန် အဃောဍိုက်အာမံၚ်ကွဳလိုန်ဓါတ် စိုပ်ဒၞာဲကရပ်ရုၚ်ဟပၠိုတ်ပၟတ်ဍုၚ်ပလ ပ္ဍဲလ္တူဂၠံၚ်ဂှ် ဒးဒုၚ်ကၠတ်ပန်ဏာရ။
ဟိုတ်နူဒးဒုၚ်ကၠတ်ပန်တုဲ ဒုသ္ကိုပ်ဒပ်ပါ် ဗိုလ်နဳကဵု သ္ကိုပ်ဒပ်စြေက် သိတ်ယုက်(စက်ရုပ်)တံ ပြဟ်လလုဲတုဲ လွတ်မွဲဇကိုအ်ကဵု မကမ်လ္ၚဵုဆောံလေၚ်အာလဝ်နွံရဂှ် ညးတာလျိုၚ်လလောၚ်ပရိုၚ် တမ်ဒပ်လၟိဟ်(၁) ခရိုၚ်ဗိက် ဟီုကဵုဌာန်ပရိုၚ်သြၚ်လောန်တိုၚ်မ် ရ။
ရုပ်ဇွ ကောန်သ္ဂံၚ်ပြဟ်လလုဲ ၜါတၠဏံ ပ္ဍဲကဵုတ္ၚဲဒှ်ဟိုတ်မွဲတ္ၚဲဂှ်ရ ကလေၚ်ကပှ်ဂွံနၚ်တုဲ ပ္ဍဲဂိတုသိပ်တမ်ပါ ၁၉ ဂှ်ကၠောန်သ္ပစံၚ်ဇွဂြးဏာဇုတ် သ္ဂးရ။
ပ္ဍဲလ္တူဍုၚ်ပလ အကြာဒပ်ကဝ်မယှေန်ပၞာန်ကဵု ဂကောံဒပ်ပၠန်ဂတးတံ အကာဲအရာပရေၚ်ပၞာန် ကြံၚ်မ္ၚိုဟ်မံၚ်တုဲ ၜါလပါ်တံ အတန်အခၠန် မွဲဏှမွဲဏှ(မွဲခဏမွဲခဏ) ကၠတ်ဗတိုက်ပန်မံၚ်ညးသ္ကံ ရ။
ဌာန်ပရိုၚ်-သြၚ်လောန်တိုၚ်မ်
Photo – Social Media