ၜါသွာၚ်၊ သိပ်တမ်ပါ ၂၂
ကဝ်မယှေန်ပၞာန်သီအဝဵု ခါန်ကၞက် သ္ကိုပ်ဝန်ဇၞော်တွဵုရးမန် ဥူအံၚ်ကျဳတိၚ်ဝွံ နူကဵုပွိုၚ်ဍုၚ်ၜါသွာၚ် ပ္ဍဲကဵုဌာန်ဇာတိညးဂှ် ဘိုအ်ဂွံလုပ်ပြိုၚ်အာ ပေါဲရုဲမာဲရောၚ် ဂွံတီ နူညးကြပ်ကဵုဗော်ညးတံရ။
ဥူအံၚ်ကျဳတိၚ်ဂှ် နူကဵုဒၞာဲဆန္ဒမာဲ စၠတ်ထဝ်တွဵုရး ပွိုၚ်ဍုၚ်ၜါသွာၚ်ဂှ် နဒဒှ် ညးစၞးဗော် ပျဳခိုၚ်ဖျိုဝ် သွက်ဂွံလုပ်ပြိုၚ်အာ မဒှ်ကီုရ။
ဥူအံၚ်ကျဳတိၚ်ဝွံ ကေတ်လဝ်တာလျိုၚ်ဥက္ကဌ ဗော်ပျဳခိုၚ်ဖျိုဝ် တွဵုရးဍုၚ်မန် မဒှ်ဗော်ဒပ်ပၞာန်ဗမာ ထံက်ဂလာန်မွဲရောၚ်ဂှ် ညးဂမၠိုၚ် တီညာတ်မံၚ်ရ။
ညးလုပ်ပြိုၚ်ပေါဲရုဲမာဲ နူကဵုပွိုၚ်ဍုၚ်ၜါသွာၚ်ဟီုဂှ် ယဝ်ရ ဇၞးအာ ပေါဲရုဲမာဲမ္ဂး သွက်ဂွံဆက်သ္ပအာ သ္ကိုပ်ဝန်ဇၞော်တွဵုရးမန်ပၠန် ဒှ်မာန်ရဂှ်လေဝ် သ္ၚဳဂၠိပ်ပါ်ပါဲမံၚ်နွံရ။
ပ္ဍဲကဵုပေါဲရုဲမာဲအကြာ ၂၀၁၇ ကဵု ပေါဲရုဲမာဗော်ဇဳ ၂၀၂၀ တံဂှ် နကဵုညးစၠး အလံၚ်အမာတ် ပွိုၚ်ဍုၚ်ၜါသွာၚ် ညးကေၚ်လုပ်ပြိုၚ်လဝ် မာဲကီုလေဝ် ဂွံလဝ်ဇၞးလေဝ်ဟၟဲပုဟ်။
ပ္ဍဲဂိတုဒဳဇြမ်ပါ ၂၈ ဏံမ္ဂး နူကဵုကဝ်မယှေန်ပၞာန်သီအဝဵု ကၠောန်အာ ပေါဲရုဲမာဲ နဒဒှ်သ္ကုတ် ၁ ဂှ် ပ္ဍဲတွဵုးရးမန် သွက်ဂွံကၠောန်အာ ပွိုၚ်ဍုၚ် ကျာ်ထဝ်၊ သထုံ၊ မတ်မလီု၊ ၜါသွာၚ်ကဵု ကျာ်မြဟ်တံမာန်ဂှ် စဳဇန်မံၚ်ရ။
နူကဵုကဝ်မယှေန်ပၞာန် ပ္ဍဲကဵုကၠောန်အာပေါဲရုဲမာဲဏံ ပ္ဍဲကဵုတွဵုးရးမန်ဂှ် ဗော်ပျဳခိုၚ်ဖျိုဝ်၊ ဗော်ညဳသၟဟ်မန်၊ ဗော်ညးဍုၚ်ကွာန်တံကီု သီုဖအိုတ် ဗော်ပရေၚ်ဍုၚ်ကွာန် ၉ ဗော် ဘိုအ်ဂွံလုပ်ပြိုၚ်အာနွံရ။
ပရိုၚ်-သြၚ်လောန်တိုၚ်မ်
Photo – MOI