ကလိၚ်အံၚ်၊ သိပ်တမ်ပါ ၂၂
ရးတနၚ်သဳ ပ္ဍဲကဵုပွိုၚ်ဍုၚ်ဍာ်ဗု ဒပ်ပၞာန်ဗမာ ဖျေံလဝ်သ္ဇိုၚ် ဍုၚ်ကလိၚ်အံၚ်၊ နူတမ်ဒပ် ခမရ ၄၀၉ ကောန်ပၞာန်ၜါတၠတံ သီုကဵု လွဟ်မကမ် ကၠုၚ်ဖျေံလွဟ်နွံမံၚ်ရဂှ် နူကဵုကရောၚ်ပၞာန် ဒူရက လလောၚ်ပတိတ်ပရိုၚ်ရ။
နူကဵု ဂိတုသိပ်တမ်ပါ ၁၉ တေံရ ကောန်ပၞာန်ၜါတၠဏံ ကေတ်နၚ် သီုကဵုလွဟ်မကမ်တံတုဲ ကၠုၚ်ဖျေံလွဟ်ကု ဒပ်ပၞာန်ဗၠးၜးထဝါဲ DNLA ရ။
ကောန်ပၞာန်ၜါတၠဖျေံလွဟ်တံဝွံ ကောန်ဒပ် အံၚ်မျိုဝ်ပိုၚ် ကဵု ကောန်ဒပ် ဟိၚ်မေန်တူ ဒှ်ညးစှ်ေကၠုၚ်လဝ် ဘာတန်ဗတောန် အရာယိုက်ဂၠေၚ်ဝန်ပၞာန် လၟေၚ် ၁၃ မဒှ်ရ။
သီုကဵုလွဟ်မကမ် လ္တူကောန်ဒပ်ၜါတၠ ကၠုၚ်ဖျေံလဝ်လွဟ်တံဂှ် နကဵုသြန် ညးမွဲတၠ ၅၀ ကိုတ် ဖျေံကဵုဏာလာဘ်တုဲ ပလံၚ်ဗစိုပ်ကဵုဏာ ဇရေၚ်ဌာန်ဒၞာဲဗၠးၜးမွဲရဒၞာဲဂှ် နကဵုတၚ်လလောၚ်တြး ဂွံတီကေတ်ရ။
လောန်ကၠုၚ် သိပ်တမ်ပါ ၁၃ ဂှ်လေဝ် တမ်ဒပ်ဖျေံလဝ်သ္ဇိုၚ် ဍုၚ်ဍာ်ဗု နူကဵု ခမရ ၄၀၆ ကောန်ဒပ် ယျေဝ်တိၚ်နိုၚ်ဂှ် သီုကဵုလွဟ်မကမ်တံ ကၠုၚ်ဖျေံလွဟ် ကုဇရေၚ်ကရောၚ်ပၞာန် ဒူရက ကီုရ။
ပရိုၚ်-သြၚ်လောန်တိုၚ်မ်
Photo – ကရေၚ်ပၞာန် ဒူရက