သဓီု၊ သိပ်တမ်ပါ ၂၃
ပေါဲရုဲမာဲအလီ ကဝ်မယှေန်ပၞာန် သီအဝဵု ကၠောန်အာဏံ နကဵု ပရေၚ်ပံၚ်ကောံ အာက္ဍိုပ်ဂှ် ဗတိုက်သရိုဟ်အာရောၚ် မဟာဒပ်(၁) KNU ခရိုၚ်သဓီု လလောၚ်တြးဏာရ။
ပ္ဍဲကဵုလိက်လလောၚ်တြး ပတိတ်လဝ် ဂိတုသိပ်တမ်ပါ ၂၁ ဂှ် အတိုၚ် ဌာန်ဂအုပ်ဗဟဵု KNU လလောၚ်တြးလဝ်ဂှ် ဒဂေတ်ဗက် ရေၚ်တၠုၚ်အာရောၚ် ကဵုလဝ်သမ္တီရ။
တုဲပၠန် ပ္ဍဲကဵုအရာဗတိုက်သရိုဟ်အာဂှ် နကဵုပရေၚ်ပံၚ်ကောံအာက္ဍိုပ် ညးဆေၚ်စပ်တံသီုဖအိုတ် ပံၚ်ကောံဒက်ပ္တန်အာဇြဟတ်မွဲဂကောံတုဲ ဗတိုက်သရိုဟ်အာရောၚ် သ္ဂးရ။
ပ္ဍဲအရာဗတိုက်သရိုဟ်အာ ပေါဲရုဲမာဲဂှ် နနဲပကီုပရာတ်ဟွံသေၚ် ဒစဵုဒစးကၠောန်အာရောၚ် ဥက္ကဌ မဟာဒပ်(၁) KNU ခရိုၚ်သဓီု ပဒိုသဝ်သိုဝ်မျေအ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပေါဲရုဲမာဲကဝ်မယှေန်ပၞာန် ကၠောန်အာဏံဂှ် ဒုၚ်တဲဟွံမာန်ကီု ဂကောံပၠန်ဂတးတံကဵု ဂကောံကောန်ဍုၚ်အရၚ် ရပ်လွဟ် နူကဵုတွဵုရးမန်တံ လလောၚ်တြးလဝ် ဇၟာပ်ပ်ဂကောံနွံရ။
ဒပ်ကဝ်မယှေန်ပၞာန် သီအဝဵုတံဝွံ လ္တူဍုၚ် ပ္ဍဲကဵုတွဵုရးမန် နွံမံၚ် ခရိုၚ်သဓီုတံဂှ် သွက်ဂွံကၠောန်အာပေါဲရုဲမာဲ သၠုၚ်လဝ်အသိၚ်ဇြဟတ်ဒပ် ပရေၚ်ဂီုကၠီုကီု အောပ်မာကၚ်ဒမၠုက်တံကီု သွက်ဂွံပလေဝ်ပလေတ်စလဝ် ပရေၚ်ပေါဲရုဲမာဲတံဂှ် ဖန်က်ရေၚ်တၠုၚ်ကၠောန်အာမံၚ် အဆက်က်ဖိုအ်ရ။
ဆဂး ဒၞာဲ KNU ခရိုၚ်သဓီု ထိၚ်ချုက်လဝ် ကွာန်ဂမၠိုၚ်တံမ္ဂး စပ်ကဵုပရေၚ်ပေါဲရုဲမာဲတုဲ မုအရာမှလေဝ် ပရေၚ်ပလေဝ်ပလေတ်မံၚ်တံဂှ် ဟွံဂွံဆဵုဏီ။
ပရိုၚ်-သြၚ်လောန်တိုၚ်မ်
ရုပ်ဗီု – KNU