ရေဝ်၊ သိပ်တမ်ပါ ၂၄
ပ္ဍဲတွဵုရးမန် လ္တူဍုၚ်ရေဝ် နွံမံၚ်အရာပ် ယျာန်မျိုဝ်အံၚ် သ္ၚိတၠဆေၚ်ထဝ် “ရွှေလင်းယုန်” ဒးဒုၚ်ဖံက်ကၠတ်ဂၠံက်ဏာတုဲ ထဝ်သြန်ၚုဟ်မးဟွံအောန်နူကဵု ၅၀၀၀ ကိုတ်ဒကေဝ်ပါအာရဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
လောန်ကၠုၚ်သိပ်တမ်ပါ ၂၃ အခိၚ်နူဂယးပြဟ်ၜိုတ် ၂ နာဍဳ အဃောဗြဲရိုဟ်ဂူထတ်မံၚ်ဂှ် ရဲသၟာကၠတ်ဂၠံက်တံ ဖံက်လုပ်ကၠုၚ် နူကၟဳသ္ၚိတုဲ ထဝ်လျိုၚ်ကရပ် ၅၀ ဒကေဝ်ကဵု သြန်ဂမၠိုၚ် ကေတ်ဏာလဝ်ရောၚ် သ္ဂးရ။
သ္ၚိမဒးဒုၚ်ဖံက်ကၠတ်ဏာဝွံ ဒှ်သ္ၚိတိုက်ၜါထပ်တုဲ ၐိုန်ရစဵုလဝ်ကၟာၚ်ဒပ်ခိုၚ်ၚ်ကၠိုက်က်ကီုလေဝ် ဒးဒုၚ်ဖံက်ကၠတ်ဏာ မဒှ်ရ။
ဟိုတ်နူပွမ သ္ၚိဌာန်ဒးဒုၚ်ဖံက်ကၠတ်ဂၠံက်ဏာတုဲ တၠသ္ၚိတေင်လဝ်အမှု ဇရေၚ်ရုၚ်ဗၠာဲသၟိၚ်ကီုလေဝ် တၠတဲ ကၠတ်ဂၠံက်လဝ်တံဂှ် ရပ်ဂွံဟွံမာန်ဏီ သ္ဂးရ။
လောန်ကၠုၚ် အကြာမွဲၜါတ္ၚဲဏံကီုလေဝ် လ္တူဍုၚ်ရေဝ် ဟိုတ်နူဆေၚ်ဖျာမွဲ ဒးဒုၚ်ဖံက်ကၠတ်ဂၠံက်ဏာတုဲ ကပေါတ်နွံကဵုၚုဟ်မးဗွဲမဂၠိုၚ် ပါအာကီုရောၚ် ညးဒေသတံဟီုမံၚ်အိုတ်ရ။
အကြာသၠုၚ်လဝ်ပရေၚ်ဂီုကၠီု အပ္ဍဲဍုၚ်ရေဝ်ဂှ် အခိၚ်မွဲကာလသီလဝ်အဝဵုဏံ ပရေၚ်ကမၠတ်ပၠံၚ်ၜး ပွမကၠတ်ဂၠံက်တံ ဟွံလံဟွံလံက္တဵုဒှ်မံၚ်ကီုလေဝ် နကဵုဒပ်ဗၠာဲသၟိၚ်တံ ဗက်ရပ်ထမံက်ပတိတ်ဂွံလဝ်ဟၟဲဏီရ။
ပရိုၚ်-သြၚ်လောန်တိုၚ်မ်
Photo-Social Media