နယူယံက်၊ သိပ်တမ်ပါ ၂၅
စပ်ကဵုအစဳဇန် ဆေၚ်စပ်ကဵုသဘာဝဂၠးကဝ်တုဲ လ္တူဍုၚ်ဂမၠိုၚ် ပါ်ပါဲဂၠိုၚ်တိုန်ၜါဆဂှ် နကဵုသမ္မတအမေရိကာန် ဒဝ်နေဝ်ထရ ဟီုဂးမြော်လဝ်ဂလာန် ပ္ဍဲကဵုသဘၚ်သဳကၠဳဇၞော် ကုလသမဂ္ဂ သိပ်တမ်ပါ ၂၃ ဝွံ စပ်ကဵု ပရေၚ်အပြံၚ်လှာဲဥတုရာသဳဂှ် ဒှ်ကမၠောန်မၞိဟ်လီဠာန်ဂၠးကဝ်ဇၞော်အိုတ်ရောၚ် တးပါဲဟီုဂးဏာရ။
ပရေၚ်အပြံၚ်လှာဲဥတုရာသဳဂှ် ဒှ်မံၚ်ဍာံဍာံတုဲ အရာဗွဲမဂၠိုၚ်တံဝွံ ဟိုတ်နူမၞိဟ်တံရ ဒှ်မံၚ်ရောၚ် ပဵုတုဲပရေအ်ကၠုၚ်မံၚ်ရောၚ် တၠပညာသိပ္ပံတံ ဟီုဂးလဝ်ရ။
အသိၚ်ဂမ္တဴသၠုၚ်တိုန်တံ၊ အသိၚ်လဗိုတ်ကျာ သ္ကာတ်မြဟ်တိုန်တံ၊ ခတီုဍာ်ကလောအ် ပြာဲအာတံဟီုဂှ် လက်ျှန် ပွမအပြံၚ်လှာဲဥတုရာသဳ ကၠးမးတံရောၚ် တၠပညာသိပ္ပံတံ ထံက်ထ္ၜးလဝ်ရ။
သွက်ဂွံဖန်ဖက်ရေၚ်တၠုၚ်အာ မၚ်မံၚ်အခိၚ်လအ်လောန်ဂၠိုၚ်အာမ္ဂး သွက်ဂၠးကဝ်ကဵု မၞိဟ်တံ တင်ယုတ်ဒေက်ဇၞော်ကဵုဇြဟတ် ဒှ်ကၠုၚ်မာန်ရောၚ် ဂကောံကုလသမဂ္ဂတံ ကဵုလဝ်သတိနွံရ။
ပ္ဍဲကဵုကုလသမဂ္ဂ အခိၚ်ကြပ်ပွိုၚ်မွဲနာဍဳ အပ္ဍဲကဵု ထရ ဟီုဂးလဝ်ဂလာန်မ္ဂး စပ်ကဵု ပွမအပြံၚ်လှာဲဥတုရာသဳတုဲ အခိၚ်မိနေတ်ဍောတ်ဟီုဂးလဝ်ဏံ တင်ဏာဒုဟ်ကဵု သမဂ္ဂယူရောပ်တံ ဟိုတ်နူယှအ်ဖျေံထောံလဝ် ပရေၚ်ပတိတ်ဓါတ်ကာဗောန်ရ။
နကဵု ယူရောပ် ဟိုတ်နူယှအ်ဖျေံထောံလဝ် ပရေၚ်ပတိတ်ဓါတ်ကာဗောန်တံဂှ်ရ ပရေၚ်ပိုန်ဒြပ်ယုတ်ဒေက်အာ ဟီုဂးလဝ်တုဲ ဗွဲမဂၠိုၚ်ဍုၚ်ဓလိုက်လဝ်တမ်ရိုဟ် ပ္ဍဲကဵုဓါတ်လလဳအရာကလေၚ်ပေၚ်ကေတ်တ်တံဂှ် ပရေၚ်ပိုန်ဒြပ်ယအ်ဒေက်မာန်ရောၚ် ကဵုဏာသတိရ။
အရာသွက်ပရေၚ်အရာ ဟွံခိုဟ်သြန်တံမ္ဂး ခြာဟွံလံဟွံလံ နကဵုကုလသမဂ္ဂကဵု ဂကောံတၞဟ်ဟ်တံ ဟဝ်ပတိတ်လဝ်ဂှ် မှာရာဒၟံၚ်ရောၚ် ထ ရသ္ဂးရ။
ပ္ဍဲဂျာန်နဝါရဳ ထရ ကလေၚ်စိုပ်သ္ၚိစၠတ်ဗုတုဲ ဗွဲကြဴဏံ နူကဵုတၚ်တုပ်စိုတ်ဥတုရာသဳပါရဳ ၂၀၁၅ ဂှ် ထရ ကဵုအမေရိကာန် နုက်တိတ်ထောံရ။
အသိၚ်ဂမ္တဴဂၠးကဝ် ညံၚ်ကဵုဟွံပဵုၜက်နူကဵု ၁ ဒဿမ ၅ သေဝ်သဳယာတ်ဂှ် ညံၚ်ဂွံထိၚ်ဒဝ်အာ အပ္ဍဲကဵု ၁၉၅ ဍုၚ် တုပ်လဝ်စိုတ် လိက်ကသုက်ဏံဝွံ ဆၜိုတ်ဍုၚ် အဳရာန်၊ ယဳမေန် ကဵု လေတ်ပျာတံဟေၚ် ဟွံပါလုပ်ကၠုၚ်လဝ်ရ။
အလဵုအသဳ ထရဝွံ စပ်ကဵုပရေၚ်ဓါတ်လလဳ အရာကလေၚ်ပေၚ်ကေတ်တ်တံဂှ် ပါဲတးလဝ်တုဲ ဓါတ်နျူကလဳယာ၊ ကၠေၚ်ဍေၚ်၊ သၟုဟ်ဓါတ်သဘာဝ ကဵု ပရေၚ်ပလံၚ်ဗစိုပ် ပတိတ်တၟအ်ဆးတံ စွံအဓိကတုဲ သွက်ဂွံအုပ်ဓလီုအာမာန် ဂစာန်ကၠောန်မံၚ်ရ။
Ref:Reuters