ပံၚ်၊ သိပ်တမ်ပါ ၂၆
ဟိုတ်နူ ဒးလဝ်ဘဲဒဏ်လဗိုတ်ကျာ ရာဂါသာဂှ် ဖံၚ်ဒကးအာတုဲ ပ္ဍဲတွဵုရးမန် ပွိုၚ်ဍုၚ်ပံၚ်ကွာန်အလှာပ်ဂှ် ဟံၚ်ပြာ်ဂွံလဝ် သၟာဖံၚ်ကၠပှ်မံၚ်အကြာၜဳ ၁၅ တၠရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
လောန်ကၠုၚ် ပ္ဍဲဂိတုသိပ်တမ်ပါ ၂၄ ၜိုတ်အခိၚ်သဝ်တ္ၚဲ ၄ နာဍဳဂှ် ပ္ဍဲကဵု ပြၚ်ၜဳအလှာပ် ဟံၚ်ပြာ်ရီုဗၚ်ဂွံဏာ သၟာဖံၚ်ကၠ ၁၅ တၠ ဖံၚ်ဒကးပှ်မံၚ် ပ္ဍဲၜဳတံဂှ်ရ။
အတိုၚ် သၟာဖံၚ်ကၠတံဟီုမ္ဂး ပ္ဍဲကဵုသိပ်တမ်ပါ ၁၆ အခိၚ်ပါမ်မံၚ်က ပ္ဍဲဗလးၜဳကွာန်အမာ၊ ပွိုၚ်ဍုၚ်ဖျာပုၚ် ရးဒေသဇၞော်ဧရာဝတဳဂှ် ဒးအာလဗိုတ်ကျာတုဲ ပွိုၚ် ၈ တ္ၚဲ ပှ်မံၚ်အကြာၜဳ ဟဳမံၚ်ဂးရ။
ဟိုတ်နူ ဒးလဝ်ဘဲဒဏ်လဗိုတ်ကျာဂှ် ဖံၚ်ကၠ ၂၀၀ မပြၚ် ဟဳအာပှ်မံၚ်အကြာၜဳတုဲ အပ္ဍဲဏံသၟာကမၠောန်ဖံၚ်ကၠတံဗွဲမဂၠိုၚ် ကၠေံမံၚ်ဖိုအ်ရောၚ်။
သၟာဖံၚ်ကၠရီုဗၚ်ဟံၚ်ပြာ်ဂွံလဝ်တံဂှ် စဳဇန်ကဵုလဝ်ပရေၚ်စၞစသုၚ်တံတုဲ သွက်ဂွံကလေၚ်စဴဌာန်ဇာတိ ညးတံမာန်ဂှ်လေဝ် ဖန်ဇန်ရေၚ်တၠုၚ်မံၚ်ရောၚ် ဂွံတီရ။
သၟာဖံၚ်ကၠ ၁၅ တၠ ဟံၚ်ပြာ်လဝ်တံဂှ် ဒှ်သၟာကမၠောန်ၜဳ နူကဵုရးဧရာဝတဳ ပွိုၚ်ဍုၚ်ယေကျဳ၊ ဖျာပုၚ်ကဵု အုၚ်မေဝ်တံ ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media