မတ်မလီု၊ သိပ်တမ်ပါ ၂၆
ကၠာဟွံစိုပ်အခိၚ်မုဟ်ကျာဏီ ပ္ဍဲကဵုတွဵုရးမန်ဂှ် နူကဵုကဝ်မယှေန်ပၞာန်သီအဝဵုတံ ပၠုပ်ပေါဲဇာတ်တုဲ ကဵုလဝ်အခေါၚ်ပံက်ဝိုၚ်ဝေင် ဇၞော်ကဵုဇြဟတ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
နူကဵုကဝ်မယှေန်ပၞာန် ထိၚ်ချုက်လဝ် ပ္ဍဲကဵုအလုံတွဵုရးမန်မွဲဏံ ညံၚ်ဂွံမိပ်ဇြိပ်ရာၚ်ဆာဲမံၚ် နကဵုပေါဲဇာတ်နာနာတံရောၚ် ထ္ၜးဟိုတ်တုဲ ကဵုလဝ်ကာန်ထရိုက်ဝိုၚ်ဝေၚ် ဗီုပြၚ်ဂကူစုၚ်ၚ် ညံၚ်ရဴလုပ်မံၚ်ဗဗွဲသၞောဝ်ပံက်ကဵုလဝ်အခေါၚ်ရ။
အကြာအရာပ်ကဵုကွာန်တံဂှ် နူကဵုကဝ်မယှေန်ပၞာန်သီအဝဵုတံ ထ္ၜးလဝ်က္ဍိုပ်လိက် ပေါဲသဘၚ်၊ပေါဲလံၚ်ဗဗေၚ်ဇၞော်တံတုဲ ပၠုပ်ပေါဲတ္ၚဲဇမၠိၚ် ကဵုလဝ်အခေါၚ် ပံက်လဝ် ဝိုၚ်ဝေၚ်ဟဂှ်ရ။
နဲကဵုကဝ်မယှေန်ပၞာန်တံ ထ္ၜးဟိုတ် ပေါဲသဘၚ်ကျာ်၊ သဘၚ်ပ္ဍဲအရာပ်ဂးတုဲ ပံက်လဝ်ဝိုၚ်ဝေၚ်တ္ၚဲဇမၠိၚ် ကၠောန်ဗ္ဒျ်မံၚ်တံဂှ် ဒုၚ်တဲဟွံမာန်ပုဟ် သၟတ်ညးဒေသမွဲတၠ ပါ်ပါဲလဝ်ရ။
“ဗီုလၟေၚ်ၚ်သၞာံ ကၠာကၠာတေံ ကၠောန်ကၠုၚ်လဝ်သဘၚ်ကျာ်ဂှ်ရ ပၠုပ်ပေါဲဇာတ် အကြာအရာပ် ၆ ဗ္တံ ၇ တ္ၚဲ ပံက်လဝ်ဝိုၚ်ဝေၚ်။ နကဵုပိုဲ ဟွံပြေပြံၚ်ပုဟ်။ မုဒှ်ရောတှ်ေ ဗီုကၠာကၠာတေံ ကၠောန်ပေါဲသဘၚ်ဂှ်ဟီုတှ်ေ ပိုဲဒုၚ်တဲမာန်။ လၟုဟ်ပံက်ဝိုၚ်ဝေၚ်တုဲ ကၠောန်သဘၚ်ပေါဲ။ သွက်ဂွံပံက်ဝိုၚ်ဝေၚ် ထ္ၜးလဝ်ဟိုတ်ကဵု ပေါဲသဘၚ်လၟေၚ်သၞာံဟီုဂှ် ဒှ်ဟွံထေက်ပုဟ်” သာ်ဝွံ သ္ဂးရ။
တုဲပၠန် ပေါဲသဘၚ်လ္ၚဵု နူခေတ်အဆက်က်တေံရ အခိုက်ဟွံကဵုလီု ကၠောန်ဗ္ဒျ်ကၠုၚ်လဝ်တံဂှ်ဗီုလၟုဟ် ဟပၠုပ်ဝိုၚ်တုဲမှ ဗ္ဒျ်ပေါဲဒှ်ကၠုၚ်တုဲ လညာတ်ဗၠေၚ်အာမာန်ကီု သၟတ်တံလေဝ် သ္ပဒး အစာံကဵု အခိုက်ဗၠေတ်တ်တံမာန်ရောၚ် ညးဆက်ဟီုရ။
ညံၚ်ရဴလုပ်သၞောဝ် ကၠောန်လဝ်ဝိုၚ်ဝေၚ် ဇၞော်ဇၞော်တံဂှ်တှ်ေ ဒပ်ဗၠာဲသၟိၚ်၊ ဒပ်မၚ်ကွာန်ကဵု ဂကောံဂီုကၠီုညးဍုၚ်ကွာန်ကဵု ဗတိုက်သရိုဟ်ပကီုပရာတ် နွံမံၚ်သၟဝ်တဲကဝ်မယှေန်ပၞာန်တံဂှ် မၚ်မွဲကဵုလဝ်ပရေၚ်ဂီုကၠီု မဒှ်ရ။
ဟိုတ်နူကဵု ကဝ်မယှေန်ပၞာန်တံကဵုလဝ်အခေါၚ် ပံက်လဝ်ဝိုၚ်ဝေၚ် ဇၞာပ်ပ်ဒၞာဲ နွံမံၚ်ဂှ်ရ အကြာဒေသပရေၚ်ပြဿနာ ကွဳလိုန်ဓါတ်ကၠေံ၊ သ္ၚိဌာန်ဒးဒုၚ်ဖံက်ဂၠံက်၊ ပရေၚ်ပၠံၚ်ၜးနာနာတံဟွံက ပရေၚ်ဂစိုတ်မၞိဟ် ပၠံၚ်ကပေါတ်တံလေဝ် က္တဵုဒှ်မံၚ်ရောၚ် ညးဒေသတံ သ္ဂးမံၚ်ရ။
တုဲပၠန် စပ်ကဵုပရေၚ်ဝိုၚ်ဝေၚ်ဂှ် ညးဒေသတံဟၟဲပၟိက်ကီုလေဝ် ဟွံဂံၚ်ဟီုကဵု ကဝ်မယှေန်ပၞာန်တံကီု ယဝ်ရဟီုဂးဒးအာမ္ဂး ပရေၚ်ဘပဠလမျီုတံလေဝ်ဒှ်ကၠုၚ်မာန်တုဲ ညးဒေသတံဒးဂဟဲမံၚ် သ္ၚိတ်တ်ရောၚ်ဂွံတီရ။
အပ္ဍဲကဵုတွဵုရးမန် အခိၚ်ကဝ်မယှေန်ပၞာန်သီလဝ်အဝဵု ကရပ်ပွိုၚ် ၅ သၞာံဏံဂှ် ကဵုကၠုၚ်လဝ်အခေါၚ်ပံက်ဝိုၚ်ဝေၚ်တံ သၠဲသၠဲလးလးနွံကၠုၚ်တုဲ ပရေၚ်ဒးဒုၚ်ကၠတ်ဂၠံက်ပၠံၚ်ၜးတံ ဇၟာပ်အရိုဟ်ဟ်တ္ၚဲ ဒဒုၚ်စသိုၚ်မံၚ်ကဵုဖဵုပရေအ်ပရေအ်တံ က္တဵုဒှ်မံၚ်ရ။
ပရိုၚ်-သြၚ်လောန်တိုၚ်မ်
Photo – CJ