ကုလသမဂ္ဂ၊ သိပ်တမ်ပါ ၂၇
ဂကောံ နေတိုဝ်ကဵု ယူရောပ်တံဂှ် စကာယူခရုၚ်မွဲအဆံၚ်တုဲ ဝေၚ်မံၚ်ပေါဲပၞာန်ကဵု ဍုၚ်ပိုဲရောၚ် အမာတ်ကလုတ်ရတ်ယှာအဆံၚ်လှုၚ် ပ္ဍဲသိပ်တမ်ပါ ၂၅ ဟီုဏာဂလာန် ကုလသမဂ္ဂဂှ် စောစပ်လဝ်ရ။
ပရေၚ်ဏံဂှ် ဗီုစိုတ်ဒှ် အတိုၚ်စိုတ်ယေန်ချပ်ကေတ်ဗၠေတ်တ်တုဲ ဟီုဂးဏး အဂႅလိက် တးပါဲလဝ်ရ။
သမ္မတအမေရိကာန် ဒဝ်နေဝ်ထရ ထိုၚ်သးဏာ လ္တူပရေၚ်ယူခရုၚ် ဂိုတ်ဂစာန်လဝ်ဂှ်တုဲ ဆက်ဆောံအာ ရတ်ယှာ ကြံၚ်ၚ်မ္ၚိုဟ်ဟ်ဏောၚ် ထ္ၜးဏာအကာဲ ခြာၜါတ္ၚဲ အပ္ဍဲကုလသမဂ္ဂ ကၠောန်ဏာပေါဲကောံဓရီု ဝန်ဇၞော်ဍုၚ်သအာၚ် ဂကောံ G-20 တံဂှ် ဟီုဂးဏာ ဗီုဏံရ။
ၜၚ်ကျာပၞာန်ရတ်ယှာတံ ၜက်ၜေတ်လုပ်ကၠုၚ် ဗလးကျာဇကုဂှ် နကဵုမဟာမိတ်နေတိုဝ်တံ ပန်ဖျေံထေက်ရောၚ် ဒဝ်နေဝ်ထရ ဟီုရ။
ဒရုၚ်ရတ်ယှာတံ ပ္ဍဲကဵုဗလးကျာ ပိုလာန်ဂှ် ၜၚ်ကျနေတိုဝ်တံ ပန်ဖျေံဏာတုဲ လလအ်ပွိုၚ်မွဲသတ္တဟပၠန် ပ္ဍဲကဵုဗလးကျာ အက်သတိုနဳယာဂှ် ၜၚ်ကျာပၞာန်ရတ်ယှာ ၜက်ၜေတ်လုပ်ကၠုၚ်လဝ် အခိၚ်စောဲစပ်လဝ်ဏံဝွံ ပ္ဍဲကဵုမုက်နေတိုဝ်လပါ်ဗၟံက်ဂှ် အကာဲအရာကြံၚ်မ္ၚိုဟ်တိုန်ကၠုၚ်ရ။
ဟိုတ်နူဍုၚ်ပလိုတ်တံ စလဝ်သၞတုဲ ပြဿနာယူခရုၚ်ဏံ က္တဵုဒှ်ကၠုၚ်လဝ်ရောၚ်။ နေတိုဝ်ကဵု ယူရောပ်တံ လလောၚ်တြးလဝ်ပၞာန်ကု ဍုၚ်ပိုဲတုဲ တိုက်ရိုက်ပါလုပ်မံၚ်ပ္ဍဲကဵုပေါဲပၞာန်ရောၚ် ဝန်ဇၞော်ဍုၚ်သအာၚ်ရတ်ယှာ သာဂျဳ လက်ဗရိုတ် ဟီုရ။
ပွိုၚ် ၂၀ ပြၚ် နဒဒှ်ဝန်ဇၞော်ဍုၚ်သအာၚ် ပရေၚ်ဆဵုဂဗနွံလဝ် လက်ဗရိုတ်ဝွံ အခိၚ်ကၠာတေံလေဝ် ပရေၚ်စောဲစပ်ဗီုဗီုတံဏံ ကေၚ်ဟီုကီုလေဝ် ပွမဟီုဂတမုက် ဝန်ဇၞော် G-20 တံဟီုဂးဏာဂှ် အကာဲအရာ ကြံၚ်မ္ၚိုဟ်ကွေံရောၚ် ထမံက်ထ္ၜးမံၚ်ရ။
စပ်ကဵု ပရူပရာဟိုတ် ပေါဲပၞာန်ဂွံက္တဵုဒှ်အာ ညးစၞးရတ်ယှာ ဟီုဂးဗၠေတ်တ်တုဲ တြးမံၚ်ဝါဒရောၚ် ဝန်ဇၞော်ဍုၚ်သအာၚ်အဂႅလိက် ကူပါ ကလေၚ်ပလန်ဏာရ။
ပွိုၚ်ပိသၞာံဘာ် နကဵုဇြဟတ်ပေၚ်ၚ် ရတ်ယှာ ၜက်ၜေတ်လုပ်ဗတိုက်လဝ် ယူခရုၚ် သီဂွံလဝ် တိဍာ်ဗၞတ် ၂၀% တုဲ ပ္ဍဲကဵုသ္ကုတ်ဒေသဗၟံက်ဂှ် ပေါဲဗတိုက်သ္ကာတ်မြဟ် ဒှ်မံၚ်ဖိုအ်ရ။
ပေါဲပၞာန်ညံၚ်ဂွံဒေါအ်အာ လ္တူခရေၚ်မလေၚ် ကဵုဇြဟတ်ဟရိုဟ်ညိဂှ် ညးဇၞော် မူဝါဒပရေၚ်ဍုၚ်သအာၚ် ယူရောပ် ကာဂျာကဝ်လာတ်သ် ဗတိုက်ဖအောဝ်လဝ် ဍုၚ်ဂၠးကဝ်တံရ။
Ref:Reuters