ရေဝ်၊ အံက်တဝ်ပါ ၁
တွဵုရးမန် ပွိုၚ်ဍုၚ်ရေဝ် ပ္ဍဲဍုၚ်လၟိုၚ် သ္ကိုပ်ပရေၚ်အုပ်ဓုပ် အရာပ်(၁) ဒးဒုၚ်ပန်ဂစိုတ်တုဲ သၟတ်မွဲဒါဇြေၚ်ပြၚ် ဒးဒုၚ်ရပ်ထိၚ်လဝ်ရဂှ် ညးလ္တူဍုၚ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
လောန်ကၠုၚ်ဂိတုသိပ်တမ်ပါ ၂၈ ပ္ဍဲကဵုဍုၚ်လၟိုၚ် သ္ကိုပ်ပရေၚ်အုပ်ဓုပ်အရာပ်(၁) ဥူကျဝ်ဥူဂှ် မၞိဟ်ၜါတၠရပ်လဝ်လွဟ်တံ ကၠုၚ်ပန်ဂစိုတ်ဏာဂတးမုက်သ္ၚိညးကီုရ။
သ္ကိုပ်ပရေၚ်အုပ်ဓုပ်ဒးဒုၚ်ပန်ဂစိုတ်တုဲ ဒပ်ကဝ်မယှေန်ပၞာန်ကဵု ဒပ်ဗၠာဲသၟိၚ်ပံၚ်တောဲလဝ်တံ ကၟာတ်ဆိုအ်စၟဳစၟတ်မံၚ် ဒၞာဲဂၠံၚ်လုပ်တိတ်ဍုၚ်လၟိုၚ်ဂှ် ရပ်ဏာသၟတ်အာကၠုၚ်မံၚ်လ္တူဂၠံၚ်တံ သ္ဂးရ။
သၟတ်ဒးဒုၚ်ရပ်လဝ်တံဂှ် ကော်ဟပၠုပ်စွံလဝ် ပ္ဍဲတမ်ဒပ် ခလရ ၁၀၆ ကွာန်တၟံကၞေၚ်တုဲ ကွဳလိုန်ဓါတ်သၟတ်တံဂှ်လေဝ် မွဲအလန်ဓဝ်သီဏာရောၚ် သ္ဂးရ။
မိမကောဒေံရဲသ္ၚိကၟိန်သၟတ်တံဂှ် ဗက်ဂၠာဲဂစာန်ဆဵုကီုလေဝ် ရဲဒပ်ပၞာန်တံဟွံကဵုအခေါၚ်ဆဵုဏီရောၚ်ဂှ် ဂွံတီကေတ်ညးကြပ်ကဵုမိမသ္ၚိကၟိန် သၟတ်တံဂှ်ရ။
တုပ်ကဵုပရေၚ်ဏံကီု လောန်ကၠုၚ် ဂိတုသိပ်တမ်ပါ ၂၈ ဂှ်လေဝ် ဒပ်ကဝ်မယှေန်ပၞာန် ဍိုက်လုပ်ကဵုဇြဟတ် ပ္ဍဲကဵုကွာန်သၞေဟ်ကရေၚ်ဍောတ် ပွိုၚ်ဍုၚ်သဓီုတုဲ ကော်ရပ်ဏာညးဒေသ ၃၀ ပြၚ်ဂှ်တှ်ေ အပ္ဍဲဂှ်ကော်ၚာ်အယုက်ဟွံပေၚ်တံလေဝ် ပါလုပ်အာလဝ်ကီုရ ။
ပရိုၚ်-သြၚ်လောန်တိုၚ်မ်
Photo – CJ