ၜဳလေၚ်၊ အံက်တဝ်ပါ ၃
ပ္ဍဲတွဵုရးမန် ပွိုၚ်ဍုၚ်ၜဳလေၚ် ကၚ်ဒမၠုက်ဒပ်ပၞာန်ဗမာ နွံမံၚ်ပ္ဍဲကွာန်အလူလေဝ်ဂှ် ဒးဒုၚ်တံၚ်မာင်ဗတိုက်ဂှ်ရ ညးဒေသကရပ် ၂၀ ဒးဒုၚ်ရပ်ကၠေၚ်ဏာရဂှ် ညးဒေသတံဟီုကဵုဌာန်ပရိုၚ်သြၚ်လောန်တိုၚ်ရ။
ပ္ဍဲဂိတုအံက်တဝ်ပါ ၁ အခိၚ်တ္ၚဲစေၚ် ၂ နာဍဳဂှ် သွက်ဂီုကၠီုကွဳစက် ဒပ်ပၞာန်ပြေၚ်ရေၚ်ဇက်ဂၠောဲကၠုၚ်တံ ပ္ဍဲကရပ်ရုၚ်စက်ဆုဂတဝ်ကြဳ မွဲဒၞာဲ ဖျေံလဝ်ကၚ်ဒမၠုက် ကောန်ပၞာန်ဇြဟတ် ၅၀ ပြၚ်တံဂှ် ဂကောံပၠန်ဂတးတံ တံၚ်မာင်တုဲဗတိုက်လဝ်ရ။
ဟိုတ်နူဒးဒုၚ်တံၚ်မာင်တုဲ ဒပ်ကဝ်မယှေန်ပၞာန် ဒးဘဲဒဏ်ဂိလောန်အာဂှ်ရ ရဲနွံမံၚ်ကရပ်ဗ္ဒာဲ မာၚ်ဟတိုဟ်အာလဝ် မဗ္တံကဵု ကောန်ကမၠောန်ရုၚ်စက်ဆုတံကီု ရဲသွံဖျာရဲရာန်ဖျာတံသီုဖအိုတ် ညးတြုံ ၁၇ တၠ ဒးဒုၚ်ရပ်ကၠေၚ်ဏာရ။
ညးတြုံ ဒးဒုၚ်ရပ်ကၠေၚ်ဏာလဝ်တံမ္ဂး နွံအယုက် အကြာ ၁၇ သၞာံကဵု ၅၀ သၞာံတုဲ စွံလဝ်ပ္ဍဲကဵုတမ်ဒပ် ခလရ ၈ ဖျေံသ္ဇိုၚ်ဍုၚ်ၜဳလေၚ်ဂှ်တုဲ ဒဵုကဵုအံက်တဝ်ပါ ၂ ဏံ ဟွံကလေၚ်ဗလးဖျဴကဵုဏီရောၚ် ဂွံတီရ။
တုဲပၠန် ဒၞာဲကရပ်ဒှ်လဝ်ဟိုတ် ဒးဒုၚ်တံၚ်လဝ်မာင် ဆဵုညာတ်လဝ်ကွဳလိုန်ဓါတ်ပိမဂှ်လေဝ် ရဲဒပ်ကဝ်မယှေန်ပၞာန်ဗမာတံ သီကေတ်ဏာရောၚ် ညးဒေသတံဟီုရ။
အပ္ဍဲပရေၚ်ဒးဒုၚ်တံၚ်မာင်ဏံ ကောန်ပၞာန်ဗမာ ပိတၠ ဒးဘဲဝပ်ဂိလောန်အာရဂှ် ရဲဆဵုလဝ်နမတ်တံ ဟီုလဴတုဲဂွံတီရ။
ပ္ဍဲကဵုပွိုၚ်ဍုၚ်ၜဳလေၚ် စနူကဵုဂိတုလောန်ကၠုၚ်ဏံတုဲ နူကဵုဒပ်ကဝ်မယှေန်ပၞာန်ဗမာတံ သၠုၚ်ပတိုန်ဇြဟတ်ကီု အပ္ဍဲဒၞာဲဂၠံၚ် ရဲပၠန်ဂတးတံလုပ်တိတ်စလေပ်တံဂှ်လေဝ် ဖျေံစွံကၚ်ဒမၠုက် ကၠောန်ကၠုၚ်မံၚ်ဆက်က်နွံရ။
ပရိုၚ်-သြၚ်လောန်တိုၚ်မ်
Photo – Social Media