ဝါယှေန်တန်၊ အံက်တဝ်ပါ ၃
အကာဲအရာ ပရေၚ်သြန်ဂအုံထံက်ပၚ် ဟွံတိုန်ဟွံစှ်ေတံဂှ် ဟွံသောၚ်ကလးကဵု သမ္မတထရ ဒဳမဝ်ကရိတ် နွံပ္ဍဲစၠတ်ထဝ်တံ ကလေၚ်စဴအာသ္ၚိတုဲ ဒၞာဲကမၠောန် ကဏ္ဍအလဵုအသဳဂမၠိုၚ် နုက်ပတိတ်ထောံရောၚ် အခိၚ်သ္ၚိစၠတ်ထဝ် ဘပဠလဝ်ဏံ ပရေၚ်ဌာနအလဵုအသဳအမေရိကာန် ပွမဂစာန်မံၚ်ညံၚ်ဂွံဒေါအ်အာဂှ် ပ္ဍဲအံက်တဝ်ပါ ၁ လီုလာ်အာရ။
ဆေၚ်စပ်ကဵု ဌာနအလဵုအသဳတံ သွက်ဂွံဂေတ်အာ နကဵုတၚ်တုပ်စိုပ်မွဲဂှ် ဒဝ်နဝ်ထရကဵု အမာတ်စၠတ်ထဝ်တံ ဟွံတုပ်စိုတ်ညးသ္ကံတုဲ အယုက်သြန်ဂအုံ ထံက်ပၚ်ဖိတ်ဒရေဝ် အိုတ်အာ ပ္ဍဲအခိၚ်သ္ဂါဗ္တံ အောက်တဝ်ပါ ၁ ဂှ်ရ။
ဟိုတ်ဂှ်ရ ဒးယှအ်ဖျေံဏာ ပရေၚ်ပွမရေၚ်တၠုၚ် အေဂျေန်သဳအလဵုအသဳတံတုဲ ဒးနုက်ပတိတ်ထောံ သၞာဲဒါကဏ္ဍအလဵုအသဳတံ ချိုတ်ပၠိုတ်အာယျ သ္ၚိစၠတ်ဗု ကဵုလဝ်သတိရ။
သွက်ကၟိန်အိန်ထံၚ် ရဲသြန်လုပ်အောန်တံ ပွမမၚ်မွဲရံၚ်စံၚ်ပရေၚ်ထုတ်ယုက် ဂွံဆက်ကဵုသြန်ၚုဟ်မးလျိုၚ်တံမာန် ဌာနအလဵုအသဳ အာတ်မိက်လဝ်ကု အမာတ်စၠတ်ထဝ်ဒဳမဝ်ကရိတ်တံဝွံ သတ္တဟဗွဲမဂၠိုၚ် သွက်ဂွံဆက်ပံက်အာ ဥပဒေအပြောံ နူကဵုစၠတ်ထဝ်သ္ပလဝ်ဒတန်တုဲတုဲတံ ရဳဗာတ်ဗလေကေန်တံ သွက်ဂွံသ္ပအာဒတန်မာန် တးပါဲလဝ်ပရေၚ်အရီုဗၚ်ရ။
ပရေၚ်ပညဳပညပ် ဆက်နွံကီုလေဝ် ပွမပါ်မာဲပ္ဍဲစၠတ်ထဝ်လ္တူဂှ် ပဆုဲလဝ် အံက်တဝ်ပါ ၃ တုဲ တၚ်စၟဳစသွက်ဂွံ သွက်ဂွံပသောၚ်ပြဟ်ဟ်တံ ဟဳအာဍာ်ဒှ်အာသၟးသၟးရ။
သၟာကမၠောန်ဖိတ်ဒရေဝ် ၇၅၀,၀၀၀ ဒးဒုၚ်ဇူကမၠောန်မာန်တုဲ ဒဵုကဵုအခိၚ်ညးတံ ကလေၚ်စှ်ေကမၠောန်ဂှ် ဂွံသြန်ဂိတု ဟွံသေၚ်ရောၚ်။
ဒပ်ပၞာန်ကဵု ဒပ်အေဂျေအ်မၚ်ပယျဵုဟၟဲဟွံတုဲ ဆၜိုတ်သၞာဲဒါ နွံပၟိက်တံဟေၚ် ဟွံဂွံသြန်ဂိတုကီုလေဝ် ဒးဆက်ကၠောန်ကဵုအာ ကမၠောန်ရောၚ် စၟဳညာတ်မံၚ်ရ။
အန္တရာယ် ကၟာတ်ကမၠောန် အလဵုအသဳ အမေရိကာန် လၟုဟ်ဏံဂှ် အန္တရာဲ ပဵုတုဲ ဂၠိုၚ်နူကဵု ပရေၚ်ကၟာတ်ကမၠောန် အခိၚ်ကၠာတေံဏီ။
သွက်ဂွံယှအ်ဖျေံအာ ဌာနအလဵုအသဳတံ ဒးနုက်ပတိတ်ထောံ သၞာဲဒါဲဗွဲဂၠိုၚ်ရောၚ် ထရ ဘပဠလဝ်ရ။
ပရေၚ်ကမၠောန်ဌာနအလဵုအသဳတံ ဒေါအ်ဒေၚ်အာ ပ္ဍဲကဵုဝါယှေန်တန် က္တဵုဒှ်လေပ်မွဲခဏမွဲခဏကီုလေဝ် လၟုဟ်ဝွံ ပ္ဍဲကဵုအယုက်သမ္မတထရ အလန်ပထမ ပ္ဍဲသၞာံ ၂၀၁၉ တေံ ဒေါအ်ဒေင်အာလဝ် ပွိုၚ် ၃၅ တ္ၚဲစၟတ်သမ္တီလဝ်တုဲ ဗွဲကြဴဏံ ဒှ်အလန်ကိုပ်ကၠာအိုတ်မွဲပၠန်ရောၚ်။
Ref:AFP