သိုယှဳ၊ အံက်တဝ်ပါ ၄
လ္တူ သမ္မတအမေရိကာန် ဒဝ်နေဝ် ထရ ကော်ခဴလဝ် ရတ်ယှာ ကၠစက္ခူဟီုဂှ် သမ္မတ ဗလာဒဳမာ ပူတေန် ကလေၚ်ပလန်ဏာ ပ္ဍဲအံက်တဝ်ပါ ၂ ဂှ်တုဲ ဂကောံနေတိုဝ်ရ ဒှ်ကၠစက္ခူမာန်၊ ယဝ်ရ ယူရောပ် ထေၚ်ခယျမံၚ် ပိုဲသ္ပမံၚ်သၞရောၚ်ဟီုမ္ဂး ကလေၚ်ပလန်ဏာကဵု ဗွဲမပြဟ်ရောၚ် ဟီုဂးဏာရ။
ဗွဲကြဴပၞာန်ဂၠးကဝ်ဒုတိယတုဲ ပ္ဍဲယူရောပ် မၞိဟ်ချိုတ်လဝ်ဂၠိုၚ်အိုတ် ဟိုတ်နူပေါဲဗတိုက်ယူခရုၚ်ဂှ်တုဲ ၁၉၆၂ ပြဿနာမကမ်သၠောဝ် ကျူဗာ၊ ဗွဲကြဴ အကြာရတ်ယှာကဵု ဍုၚ်ပလိုတ်တံ ပရေၚ်ဇီုထဗတ်ဇၞော်အိုတ်ဆဵုမံၚ်တုဲ အကာဲအရာစိုပ်မံၚ်ကဵု ဒှ်သၞတင်ကဵု ဍုၚ်ပလိုတ်တံယျ ညးတာလျိုၚ်ရတ်ယှာတံ ဟီုဂးမံၚ်ရ။
အပ္ဍဲကဵု မုက်ပၞာန် ယူခရုၚ် ကရပ်ဒၞာဲသီုဖအိုတ်တံဂှ် ဒပ်ရတ်ယှာတံ ဖံက်လုပ်ဗတိုက်မံၚ်တုဲ ကြပ်အလုံဂကောံနေတိုဝ် အမေရိကာန်သ္ကိုပ်သ္ကလဝ်တံ ဒစဵုဒစးဗတိုက်မံၚ်ရတ်ယှာယျ ပ္ဍဲကဵုဒၞာဲဍုၚ်ပရေဝ်လၟောၚ် သိုယှဳ ၜဳလစံက်ဂှ် ပူတေန် ဟီုဏာရ။
နကဵုယူခရုၚ် သွက်ဂွံကေတ်တၚ်တုပ်စိုတ်ပရေၚ်ၜိုဟ်လလမ်မာန်ဂှ် ထေက်ကဵုဒးဗလးကဵုတဲ ဒၞာဲတိဍာ် ရတ်ယှာသီဂွံလဝ်တံရောၚ် အခိၚ်ကၠာတေံ ထရ ကေၚ်ဟီုလဝ်တုဲ နကဵုယူခရုၚ် တိဍာ်ဒးဒုၚ်ကျဗြောံလဝ် နူကဵုရတ်ယှာတံ ကလေၚ်ဂွံမာန်ရောၚ် အခိၚ်လၟုဟ် ဟီုဂးပၠန်ရ။
ရတ်ယှာဝွံ ဒှ်မံၚ် ကၠစက္ခူမွဲရောၚ် ပ္ဍဲသတ္တဟလောန်ကၠုၚ်ဏား ဟီုထမက်လဝ် နွံရ။
ကၠစက္ခူမွဲရောၚ် ကော်ခဴမံၚ်ရတ်ယှာဂှ် နကဵုဇကုတံ ဒးဗတိုက်မံၚ်ကဵု အလုံမွဲဂကောံနေတိုဝ်ကီုလေဝ် ဂလာန်ပတေဟ်ကုဇကုနွံနွံ ဖံက်ပတိုက်အာမံၚ်ရောၚ် ပူတေန် ဟီုလဝ်ရ။
နကဵုပရေၚ်ပၞာန် ဍုၚ်ပၟိက်ဆန္ဒပြိုၚ်ပကာန် လဵုဒှ်ဒှ် နကဵုဆန္ဒကုဇကု ဗွဲမသၠးပွး လုပ်ပြိုၚ်မာန်ရောၚ် ပူတေန် ကလေၚ်ပလန်လဝ်ရ။
ပ္ဍဲကဵုဒပ်ပၞာန်ယူခရုၚ် ဇြဟတ်မၞိဟ်ပိုတ်အိုတ်မံၚ်တုဲ အခိၚ်မၞိဟ်တံ ဂြိပ်တိတ်နူဒပ်ပၞာန်ဏံ ပ္ဍဲကဵုရတ်ယှာ ကောန်ပၞာန်နွံမံၚ်ဍိုက်က်ပေၚ်ၚ်တုဲ သွက်ပေါဲပၞာန်ဂွံဒေါအ်အာ နကဵုယူခရုၚ် ထေက်ကဵုဒးပညဳရောၚ် ပူတေန်ဟီုရ။
ဒပ်ရတ်ယှာတံ ထိၚ်ချုက်ဂွံလဝ် တိဍာ်ယူခရုၚ် ၁၉% ဂှ် ဗီုတိ ရဲလပါ်နွံပၟိက်ကဵု ယူခရုၚ်တံ ထမံက်ထ္ၜးတုဲ ဂွံတီရ။
Ref:Reuters