မတ်မလီု၊ အံက်တဝ်ပါ ၄
ပ္ဍဲအလုံတွဵုရးမန်မွဲ အခိၚ်သီအဝဵု ပွိုၚ်ပန်သၞာံဘာ်ပြၚ်ဏံ ညးဍုၚ်ကွာန် ၃၂၀ ပြၚ်ဒးဒုၚ်ဂစိုတ်လဝ်ရဂှ် ပ္ဍဲအံက်တဝ်ပါ ၃ လိက်လၟေၚ်လ္ဂန်အိန် ဒုၚ်လဝ်စဳရေၚ်ရ။
အပ္ဍဲကဵု မၞိဟ်ဒးဒုၚ်ဂစိုတ်လဝ်တံမ္ဂး ညးကဵုပရိုၚ် ကဝ်မယှေန်ပၞာန် ညးဒစုက်ဓလူစတံကဵု ဂကောံအုပ်ဓုပ်တံဟွံက ညးဍုၚ်ကွာန်ဓမ္မတာတံလေဝ်ပါလုပ်ကီုတုဲ တၠတဲဟွံမံက်ပရေၚ်ဂစိုတ်လဝ်တံလေဝ် နွံမံၚ်ရောၚ်သ္ဂးလဝ်ရ။
တုဲပၠန် ညးယိုက်ဝန်ပၞာန်တံမပါလုပ် ဒးဒုၚ်ရပ်လဝ် ဒဵုကဵု ၂၀၅၀ တၠနွံတုဲ ဒးလဝ်ဘဲလွဟ်ဇၞော်၊ မါၚ်တပ်တိ၊ ဗုမ်ဒရုၚ်ကဵု ညးဒးလဝ်ဘဲဒဏ်အပ္ဍဲပေါဲဗတိုက် ကရပ် ၅၆၀ နွံမံၚ် ပ္ဍဲလိက်ဒုၚ်စဳရေၚ် ချူထမံက်လဝ်ရ။
လောန်ကၠုၚ် ပ္ဍဲဂိတုသိပ်တမ်မွဲဓဝ်ဂှ် ညးဒးဒုၚ်ဂစိုတ် ၈ တၠနွံတုဲ တၠတဲဟွံမံက် ဟိုတ်နူပရေၚ်ဂစိုတ်လဝ်တံဝွံ ညးဍုၚ်ကွာန်တံ လၟိဟ်ပဵုတုဲချိုတ်ဂၠိုၚ်မံၚ်ရဂှ် အတိုၚ်လိက်လလောၚ်တြးဏံ ဂွံတီရ။
ပ္ဍဲအခိၚ်သီလဝ်အဝဵုဏံ အခေါင်ညးဍုၚ်ကွာန်တံ ပရေၚ်အာကၠုၚ် ဒးဒုၚ်ကၟာတ်လဝ်ကီု၊ သ္ၚိဌာန် ဒးဒုၚ်ပလီုပလာ်လဝ်ကီု ဘပဠအာတ်သြန်ကီု ဒးဒုၚ်ရပ်ဏာ သွက်ယိုက်ဂၠေၚ်ဝန်ပၞာန်တံကီု ပရေၚ်ဒးဒုၚ်ဖံက်ပကဝ် အခေါင်အရာမၞိဟ်တံ နွံဗွဲမဂၠိုၚ် သ္ဂးရ။
သွက်အဝဵုအာဏာ ဂကောံပၞာန်သီအဝဵုတံ ညံၚ်ဂွံခိုင်ကၠိုက်ဗိုန်ဗတ်အာဂှ် ပွမပကီုပရာတ်လ္တူညးဍုၚ်ကွာန်တံကီု ပရေၚ်ဖံက်ပကဝ် အခေါၚ်အရာမၞိဟ်တံကီုကေုာံ လုလောန်မံၚ်အမှုရာဇဝတ်ပၞာန် သၠဲသၠဲလးလးနွံမံၚ်ရောၚ် လိက်လၟေၚ်လဂန်အိန် လလောၚ်ပတိတ်လဝ်ရ။
ပရိုၚ်-သြၚ်လောန်တိုၚ်မ်
Photo – CJ