သဓီု၊ အံက်တဝ်ပါ ၄
ပ္ဍဲတွဵုရးမန် ပွိုၚ်ဍုၚ်သဓီု သွက်ပေါဲရုဲမာဲကဝ်မယှေန်ပၞာန် ကၠောန်အာဏံ သွက်ဂွံမၚ်ရုၚ်မာဲ ဗက်ဂၠာဲကော်စန်ဒက်မံၚ်ရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
လောန်ကၠုၚ် ဂိတုသိပ်တမ်ပါတတိယသတ္တဟတေံ သွက်ပရေၚ်ဂီုကၠီုပေါဲရုဲမာဲဂှ် နူကဵုသ္ကိုပ်ပရေၚ်အုပ်ဓုပ် ကွာန်/အရာပ် တံမွဲအဆံၚ် ဗက်စန်ဒက်မံၚ်မၞိဟ်ကြပ်ကဵု ဗွိုၚ်ညးတံရ။
ယဝ်ရ ကၠောန်ကမၠောန်မၚ်ရုၚ်မာဲဂှ်မ္ဂး သွက်တ္ၚဲ ဒးတိုန်တန်ဗတောန်၊ တ္ၚဲဒးမၚ်ရုၚ်မာဲတံ မွဲတ္ၚဲ ၂၀၀၀၀ ဒကေဝ်ဟွံက ထံက်ပၚ်ကဵုအာသီုကပေါတ်တံရောၚ် ဗက်စန်ဒက်ဟီုဂးမံၚ် နွံရ။
တုဲပၠန် ကၠောန်ကမၠောန်မၚ်ရုၚ်မာဲမ္ဂး သွက်ပရေၚ်ဂီုကၠီုလေဝ်ဟွံဒးစွံဒွိၚ် ဒပ်ပၞာန်ကဵုဒပ်ဗၠာဲသၟိၚ်တံ မၚ်မွဲစဵုဒၞာကဵုရောၚ်ဂးတုဲ ဗက်ဟီုဂးစန်ဒက်လဝ် ဂွံတီရ။
နူကဵုသ္ကိုပ်ပရေၚ်အုပ်ဓုပ် ကွာန်/အရာပ် သၟဝ်တဲကဝ်မယှေန်ပၞာန်တံ ဗက်ကော်မံၚ်သွက်မၚ်ရုၚ်မာဲကီုလေဝ် မၞိဟ်ဗွဲမဂၠိုၚ်တံဟွံဒုၚ်တဲရဂှ် ညးဒေသတံ သ္ဂးရ။
သွက်ပရေၚ်ဂီုကၠီုရုၚ်မာဲဂှ် ကဝ်မယှေန်ပၞာန်စဳဇန်လဝ် ရဲဒပ်ပၞာန်၊ ဒပ်ဗၠာဲသၟိၚ်၊ ဂကောံ ပရေၚ်ဂီုကၠီုညးဍုၚ်ကွာန်ကဵု ဗတိုက်သရိုဟ်ပကီုပရာတ်ကေုာံ သွက်ဂွံစကာအာဂကောံပရေၚ်အုပ်ဓုပ် ကွာန်/အရာပ်တံကီုရောၚ် ဂွံတီရ။
ပ္ဍဲကဵုဂိတုဒဳဇြမ်ပါ ၂၈ ဏံ နူကဵုကဝ်မယှေန်ပၞာန်သွက်ဂွံကၠောန်အာ ပေါဲရုဲမာဲသ္ကုတ်ပထမဂှ် အပ္ဍဲကဵုတွဵုရးမန် ကျိုက်ထဝ်၊ သဓီု၊ မတ်မလီု၊ ၜါသွာၚ်၊ ပ္ဍဲကဵုပွိုၚ်ဍုၚ်ကျာ်မြဟ်တံ သွက်ဂွံကၠောန်အာ စဳဇန်လဝ်ရ။
ပရိုၚ်-သြၚ်လောန်တိုၚ်မ်
Photo – MOI