ၜဳလေၚ်၊ အံက်တဝ်ပါ ၆
ပ္ဍဲတွဵုရးဍုၚ်မန် ပွိုၚ်ဍုၚ်ၜဳလေၚ် သ္ကုတ်ဂၠံၚ် လ္ဂုၚ်-မတ်မလီု ဒၞာဲကွာန်အလူလေဝ်ဂှ် နူဒပ်ကဝ်မယှေန်ပၞာန် ဖျေံဟပဵုလဝ်ဇြဟတ်ဒပ်ပၞာန်တုဲ ယဝ်ဟွံဒုၚ်စၟဳစၟတ်မ္ဂးကဵုလဝ်အမိၚ်ပန်ရောၚ် ဂွံတီ နူရဲကြပ်ကဵု ကဝ်မယှေန်ပၞာန်တံရ။
စနူကဵုအံက်တဝ်ပါ ၄ အခိၚ်နူဂယး၇ နာဍဳဂှ် နူဒပ်ကဝ်မယှေန်ပၞာန်ဇြဟတ် ၁၅၀ ပြၚ်တံ လုပ်ကေတ်လဝ်ဒၞာဲ မွဲဒမြိပ်သ္ကုတ်ဂၠံၚ် လ္ဂုၚ်-မတ်မလီု ဒၞာဲကွာန်အလူလေဝ်ဂှ်ရ။
အတိုၚ်လဟီု ရဲကြပ်ကဵုကဝ်မယှေန်ပၞာန်တံမ္ဂး ယဝ်ဟွံဒုၚ်စၟဳစၟတ်ဒှ်ဒှ် မိၚ်ရမျှာၚ်လွဟ်ဒှ်ဒှ် ကဵုလဝ်စၞောန်အမိၚ်ပန်ရောၚ် သ္ဂးရ။
နူဒပ်ကဝ်မယှေန်ပၞာန် ဖျေံဟပဵုလဝ်ဇြဟတ်ဒပ်ပၞာန်ဏံဝွံ ခြာဟွံလံမ္ဂးပ္ဍဲကဵုကွာန်အလူလေဝ်ကဵု ကွာန်ကရပ်ဗဒါဲတံဂှ် ဘိုအ်ဂွံထပက်ကရောၚ်ပၞာန်လေဝ်ဒှ်မာန်ရဂှ် ရဲသ္ၚဳဂၠိပ်တံ နွံရ။
ပ္ဍဲကဵုမွဲဒမြိပ်ဂၠံၚ် နူကဵုဒပ်ကဝ်မယှေန်ပၞာန် ဖျေံဟပဵုလဝ်ဇြဟတ်ဒပ်ပၞာန်ဏံ စိုပ်ကၠုၚ်မံၚ်ဗွဲမဂၠိုၚ်ဂှ်ရ ဂွိၚ်ဖေက်ပေါဲဗတိုက်ဒှ်တုဲ ညးဒေသတံသွက်ဂွံဂြိပ်ပါဲမာန် ပလေဝ်ပလေတ်စလဝ်ရောၚ် သ္ဂးရ။
ပ္ဍဲကဵုကွာန်အလူ ရဲဒပ်ကဝ်မယှေန်ပၞာန်တံ မွဲဏှမွဲဏှဒးဒုၚ်ဗတိုက်မံၚ်တုဲ ဒးဘဲဝပ်ချိုတ်အာလဝ်တံ နွံရ။
လောန်ကၠုၚ်ဂိတုအံက်တဝ်ပါ ၁ တေံဂှ် ပ္ဍဲကဵုကရပ်ရုၚ်စက်ဆု ဂတဵုကြဳ ကွာန်အလူလေဝ်ဂှ် ကၚ်ဒမၠုက်ကဝ်မယှေန်ပၞာန် အောပ်မံၚ်တံဒးဒုၚ်တံၚ်မာၚ်ဟတိုဟ်တုဲ ဟွံအောန်နူ ပိတၠ ဒးအာဘဲဝပ်ဇၞော်ကဵုဇြဟတ်ရ။
ပရိုၚ်-သြၚ်လောန်တိုင်မ်
Photo – Social Media