မတ်မလီု၊ အံက်တဝ်ပါ ၇
ပ္ဍဲတွဵုရးမန် လပါ်မတ်မလီု(ဒဒန်သြၚ်လောန်)ဂှ် စနူကဵုရာန်ဖ္ဍိုက်နၚ်ကပေါတ်သေံ သွက်သ္ၚိဌာန်သုၚ်စောဲတံဂှ်လေဝ် နနဲအဓ္ဓမဒးဒုၚ်ဓရတ်မံၚ်သြန်နွံရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ရဲဒပ်ကဝ်မယှေန်ပၞာန် ကေတ်လဝ်ပရေၚ်ဂီုကၠီုပ္ဍဲကဵုတွဵုရးမန် ပ္ဍဲလပါ်မတ်မလီု(ဒဒန်သြၚ်လောန်) တံဝွံ စနူကဵုရာန်လဝ်ကပေါတ်ဍုၚ်သေံ ကၠေၚ်စ၊ ၜဵုခၞာတ်၊ သတ်ဆုတံကီု သီုကဵုစၞစသုၚ်သ္ၚိဌာန်သုၚ်စောဲ ဘပဠရပ်ကေတ် အာတ်ဓရတ်မံၚ်သြန်တံရ။
ကွဳစက်ဖ္ဍိုက်နၚ်ကပေါတ်တံဂှ် ဒပ်ကဝ်မယှေန်ပၞာန် မာတ်ဆိုအ်စၟဳစၟတ်မံၚ်သီုဖအိုတ်တုဲ ယဝ်ရဆဵုဒးကပေါတ်ဍုၚ်သေံမ္ဂး ဘပဠရပ်အာတ်ဓရတ်ကေတ်သြန်နွံရ။
သွက်ဂွံစကာအရၚ်သ္ၚိရာန်ဖ္ဍိုက်ဖျဴနၚ် ကၠောၚ်စနူသေံ ၅ စေဝ်ဂှ် ရဲဒပ်ကဝ်မယှေန်ပၞာန်တံနနဲအဓ္ဓမ ဘပဠရပ်အာတ်ဓရတ်ကေတ်ဏာသြန် ပိဠက်ဒကေဝ်ရဂှ် ညးဒေသဍုၚ်ပံၚ် ဒးဒုၚ်ဘပဠကဵုလဝ်သြန်မွဲတၠဟီုရ။
ကပေါတ်နူဍုၚ်သေံတံဂှ် နူမွဲပွိုၚ်ဍုၚ်ကဵုမွဲပွိုၚ်ဍုၚ် ဖ္ဍိုက်ပြံၚ်ဏာဟွံဂွံ ထ္ၜးဟိုတ်သာ်ဏံတုဲ ရဲဒပ်ကဝ်မယှေန်ပၞာန်တံ ဘပဠရပ်ဓရတ်အာတ်ကေတ်ဏာသြန် မဒှ်ရ။
မွဲလပါ်ပၠန် ကပေါတ်သေံဖ္ဍိုက်နၚ်လဝ်ကွဳစက်ဇၞော်ဇၞော်တံဟွံက စနူကွဳစက်သ္ၚိဍောတ်တ်တံလေဝ် ရဲဒပ်ကဝ်မယှေန်ပၞာန်တံရပ်တုဲ သီကေတ်ကပေါတ်ကၠောန်မံၚ်ပွဗီုဏံရ။
ကပေါတ်သေံ သီရပ်ဂွံလဝ်တံဂှ် ဒပ်ကဝ်မယှေန်ပၞာန်သီအဝဵုတံ ကလေၚ်သ္ပထောံကပေါတ်ဇွောံမ သွက်တမ်ဒမ်၊ သွက်ဒပ်ပၞာန်တံတုဲ ရဲကောန်ဇာတ်သမ္ဘာကၟိန်အိန်ထံၚ်ပၞာန်တံ ဗက်ကလေၚ်သွံမံၚ်ဒၞာဲကဵုဖျာမ္ၚးမ္ၚးတံနွံရ။
ပရိုၚ်-သြၚ်လောန်တိုၚ်မ်
Photo – CJ