တိုင်ပေ ၊ အံက်တဝ်ပါ ၈
ညံၚ်ဂွံဗလးထောံတဲ အစဳဇန် သွက်ဂွံသီထ္ၜောဝ်ဟပၠုပ်ထိုၚ်ဝါန် နကဵုစကာအာဇြဟတ်ပၞာန်ဂှ် ဟီုပၠုပ်ကဵုကတောဝ် သမ္မတကြုက်ယှဳမာန်မ္ဂး နကဵုသမ္မတအမေရိကာန် ဒဝ်နေဝ်ထရ ဂွံလာဘ် ပရေၚ်ၜိုဟ်လလမ် နိုဗေဝ်လ်ထေက်ရောၚ် သမ္မတထိုၚ်ဝါန် လိုၚ်ချေၚ်တဳ ဟီုရ။
နကဵုပရေၚ်ဆက်ဆောံ အမေရိကာန် ဗွဲမလုပ်သၞောဝ်ဟွံစွံလဝ် ထိုၚ်ဝါန်ကီုလေဝ် ဒှ်ဍုၚ်ညးတံပိုၚ်ရောၚ် အတိုၚ်ကြုက်မဟီုမံၚ် ထိုၚ်ဝါန်ဂှ် အမေရိကာန် ထံက်မံၚ်ဂလာန် ဂၠိုၚ်အိုတ်အကြာဍုၚ်ဂၠးကဝ်ဂမၠိုၚ် မဒှ်ရ။
ဆဂး ပ္ဍဲသၞာံပြဟ်ဟ်ဏံ ဒဝ်နေဝ်ထရ ဗွဲကြဴကလေၚ်စိုပ်ကၠုၚ် သ္ၚိစၠတ်ထဝ်တုဲ ပရေၚ်သွံလွဟ်ကဵု ထိုၚ်ဝါန်ဟၟဲဏီ။
ပ္ဍဲကဵုအစဳဇန်ရေဒဳယောမွဲ အခိုက်ကၞာအစောဲအလာံတြေံ အမေရိကာန်ဂှ် သမ္မတထိုၚ်ဝါန် ဟီုလဝ်ဗီုဏံရ။
ပ္ဍဲအခိၚ်ကာလ ထရ ဒှ်မံၚ်သမ္မတအမေရိကာန်မ္ဂး ကြုက်ကၠုၚ်ဗတိုက် ထိုၚ်ဝါန် ဟွံသေၚ်ပုဟ် အရေဝ်ဟီုလဝ် ပ္ဍဲဂိတုအဝ်ဂတ်ဂှ် ရန်စၞောန်တုဲ သမ္မတ လိုၚ်ချေၚ်တဳ ဟီုရ။
“နကဵုပိုဲ ပရေၚ်အရီုဗၚ်သမ္မတထရ ဆက်ဂွံအာဏောၚ် စၟဳစမံၚ်ရ။ နကဵုပရေၚ်ပၞာန် ကိစ္စကြုက်ဂၠာဲမံၚ်သၞဂှ် ယှဳကျေၚ်ဖျေအ် ညံၚ်ဂွံဗလးထောံတဲ သမ္မတထရ ဖျေံကဵုကတောဝ်မာန်မ္ဂး ညးတေံ သွက်သ္ဂောံဂွံလာဘ် နိုဗေဝ်လ်ဟီုဂှ် ဘိုအ်ဂွံဒးဒှ်သံသယဟၟဲရောၚ် သမ္မတလိုၚ် ဟီုလဝ်ရ။
ပ္ဍဲသ္ၚိစၠတ်ဗု ယိုက်ဂၠေၚ်လဝ်တာလျိုၚ်သမ္မတ ၄ တၠကၠာတေံ ဗီုကေၚ်ဂွံလဝ် လာဘ်နိုဗေဝ်လ်ဂှ် နကဵုဇကုလေဝ် ထေက်ကြိက်မံၚ်ကီုရောၚ် ထရ ကေၚ်ဟီုဂးလဝ်ကီုရ။
သွက်လာဘ်နိုဗေဝ်လ် ပရေၚ်ၜိုဟ်လလမ် သၞာံဏံဂှ် စိုပ်အံက်တဝ်ပါ ၁၀ မ္ဂး ပ္ဍဲကဵုဍုၚ်နဝ်ဝေ လလောၚ်တြးအာရောၚ်။
နကဵုညးတေံ ယဝ်ရဒှ်ဆဵုဗဂကဵု ထရမ္ဂး ညံၚ်ဟွံဂွံၜက်ၜေတ် ဍုၚ်ထိုၚ်ဝါန် ဒှ်ဟီုမာန်ဟာ သၟာန်ဏံ သမ္မတလိုၚ် ကဵုအာကသပ်ရောၚ် ဟီုလဝ်ရ။
Ref:Reuters