သထုံ၊ အံက်တဝ်ပါ ၁၀
တွဵုရးမန် ကရပ်သၞေဟ်ၜၚ်ကျာ ပ္ဍဲဍုၚ်သဓီုမါ်ဟတိုဟ်အာတုဲ ဒၞာဲကဵုပၞော်လုပ်တိတ်ဍုၚ်တံဂှ် နူကဵုဒပ်ကဝ်မယှေန်ပၞာန် ကၠောန်ပရေၚ်မာတ်ဆိုအ်စၟဳစၟတ်ဂၠိုၚ်တိုန်မံၚ်ရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုင်မ်ရ။
လောန်ကၠုၚ်ဂိတုအံက်တဝ်ပါ ၄ တေံဂှ် ပ္ဍဲကဵုရုၚ်ပံၚ်ကောံဍုၚ်သဓီု၊ ရုၚ်ကဝ်မယှေန်ပေါဲရုဲမာဲခရိုၚ်၊ ဒပ်ထံက်ပၞာန် ကေုာံ ဒၞာဲသ္ၚိဌာန်သၞာဲဒါဌာနနာနာတံနွံမံၚ် ကရပ်ဗ္ဒာဲသၞေဟ်ၜၚ်ကျာ မါၚ်ဟတိုဟ်လဝ်ရ။
မါၚ်ဟတိုဟ်အာတုဲ ပ္ဍဲကဵုဂၠံၚ်ကွဳစက် သဓီု-ၜဳလေၚ် ကရပ်ဗ္ဒာဲကျာ်ပဝ်တဝ်မူ၊ ဂၠံၚ်ကွဳစက်သဓီု-ဘာအၚ် လပါ်ဍုၚ်တၟိကေုာံ ပ္ဍဲကဵုဒဒန်သၞေဟ်ဒူရေၚ်တံဂှ် နူကဵုဒပ်ကဝ်မယှေန်ပၞာန် သၠုၚ်ဇြဟတ်ကၠောန်ပရေၚ်မာတ်ဆိုအ် စၟဳစၟတ်ဂၠိုၚ်တိုန်ရ။
ပ္ဍဲကဵုအရာစၟဳစၟတ်တံမ္ဂး ကွဳစက်ကွဳလိုန်ဓာတ်တံသၟးဟွံက ကာတ်ကောန်ဍုၚ်လေဝ် စၟဳစၟတ်မံၚ်ကီုတုဲ သၟတ်ဟွံကလေၚ်သှ်ဟီုဂးလ္ၚဵုတံ သီုဒးဒုၚ်ၜုၚ်တက်ဏာလဝ်နွံရဂှ် ညးဒေသတံ သ္ဂးရ။
တုဲပၠန် စိုပ်အခိၚ်ပယျာံသဝ်တ္ၚဲပၠန် ဒပ်ကဝ်မယှေန်တံ ဗက်စၟဳစၟတ်စရၚ်ကၟုဲပ္ဍဲသ္ၚိတံသၟးဟွံက ဂေတ်မံၚ်ကၚ်အကြာအရာပ်တံ ကလေၚ်ကၠောန်မံၚ်ရဂှ် ဂွံတီနူကဵုညးဒေသတံရ။
ပ္ဍဲကဵုပေါဲရုဲမာဲကဝ်မယှေန်ပၞာန် ကၠောန်အာသ္ကုတ် ၁ ဏံဂှ် ပွိုၚ်ဍုၚ်သဓီု ဟိုတ်နူပါလုပ်မံၚ်တုဲ ထပ်ဗပေၚ်ဇြဟတ်ပၞာန်တံကီု ထပ်သၠုၚ်လဝ်ပရေၚ်ဂီုကၠီုတံကီု ပဵုတုဲကၠောန်ကၠုၚ်မံၚ်ရ။
ပရိုၚ်-သြၚ်လောန်တိုၚ်မ်
Photo – CJ