ရေဝ်၊ အံက်တဝ်ပါ ၁၄
ပ္ဍဲကဵုတွဵုရးမန် အပ္ဍဲကဵုပွိုၚ်ဍုၚ်ရေဝ် အကြာဒပ်ၜါလပါ် ပေါဲဗတိုက်ကလေၚ်ဒှ်လဝ်ဂှ် လပါ်ဒပ်ကဝ်မယှေန်ပၞာန်ဗမာ ဒးဂိမံၚ်ရောၚ် ညးတာလျိုၚ်ဒပ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒပ်ကဝ်မယှေန်ပၞာန်ဗမာ စနူကဵုအံက်တဝ်ပါ ၁၀ ဏံ ပ္ဍဲကဵု ပွိုၚ်ဍုၚ်ရေဝ် ကွာန်စဳပျး၊ အံၚ်တပျေ၊ ကၞေင်တၟအ်ကဵု ကရပ်ကွာန်ၝောံလၟိုၚ်တံဂှ် ဍိုက်ကဵုဇြဟတ်ဂၠိုၚ်ၚ်တုဲ ထပက်မံၚ် ကရောၚ်ပၞာန်မဒှ်ရ။
ပ္ဍဲအံက်တဝ်ပါ ၁၂ အခိၚ်နူဂယးဂှ် ပ္ဍဲကရပ်ဗ္ဒာဲ အံၚ်တပျေကဵု ကွာန်ၝောံလၟိုၚ် ဒပ်ကဝ်မယှေန်ပၞာန် ဒးဒုၚ်ကြတ်ဗတိုက်တုဲ ဒးလဝ်ဂိအာရ။
အပ္ဍဲပေါဲဗတိုက်ဏံ နူကဵုဒပ်ကဝ်မယှေန်ပၞာန် ဟွံအောန်နူကဵု ၁၀ တၠ ဒးဘဲဝပ်ချိုတ်အာမာန်ကီု ပေါဲဗတိုက်တုဲအာတုဲ ရဲဒပ် ကဝ်မယှေန်ပၞာန်ဆုတ်အာလပါ် ကွာန်ကၞေင်တၟအ်ရဂှ် ညးတာလျိုၚ် YPDF ဒပ်စဵုဒၞာညးဍုၚ်ကွာန်ပွိုၚ်ဍုၚ်ရေဝ် ဗိုလ်ယာန်နိုင် ဟီုကဵုဌာန်ပရိုၚ်သြၚ်လောန်တိုၚ်မ်ရ။
ကၠာဟွံစိုပ်ပေါဲရုဲမာဲ ဒပ်ကဝ်မယှေန်ပၞာန် သွက်ဂွံကလေၚ်ထိၚ်အာ သ္ကုတ်ဂၠံၚ်ရေဝ်-ထဝါဲမာန်ဂှ် ဍိုက်ကဵုဇြဟတ်ဂၠိုၚ်ၚ် ထပက်မံၚ်ကရောၚ်ပၞာန်မဒှ်တုဲ ဗွဲမအောန်အိုတ် ဇြဟတ်ၜိုတ် ၅၀၀ နွံ မာန်ရောၚ် ဂကောံဒပ်ပၠန်ဂတးတံ ဟီုမံၚ်နွံရ။
ပ္ဍဲကဵုတွဵုရးမန် ပွိုၚ်ဍုၚ်ရေဝ် ပေါဲရုဲမာဲကဝ်မယှေန်ပၞာန်ကၠောန်အာသ္ကုတ် ၁ ဏံ ၜိုန်ရဟွံပါကၠာဏီကီုလေဝ် ဒှ်မံၚ် ဒပ်ပၠန်ဂတးဗွဲမဂၠိုၚ် ဖျေံလဝ်သ္ဇိုၚ်ရောၚ် ဂွံတီရ။
ပရိုၚ်-သြၚ်လောန်တိုၚ်မ်
Photo – YPDF