ထဝါဲ၊ အံက်တဝ်ပါ ၁၄
ရးတနၚ်သဳ ပ္ဍဲကဵုသ္ကုတ်ဂၠံၚ်ကၟိန်ဍုၚ် ထဝါဲ-ဗိက်ဂှ် ပ္ဍဲတ္ၚဲအကြာတံဏံ သၟတ် ၇၀ တၠပြၚ် ဒးဒုၚ်ရပ်လဝ် သွက်ဂွံယိုက်ဂၠေၚ်ဝန်ပၞာန်ရောၚ် နူကဵုတမ်ရိုဟ်ကၞက်ဒပ်ပၞာန်တံ ကဵုပရိုၚ်တုဲဂွံတီလဝ်ရ။
စနူကဵုအံက်တဝ်ပါ ၇ ဂှ်တုဲ ပ္ဍဲသ္ကုတ်ဂၠံၚ် ထဝါဲ-ဗိက်ဂှ်မ္ဂး ထဝါဲ(ပေါက်တိုင်းဂိတ်)၊ ဂၠံၚ်လုပ်ဍုၚ်တယိတ်ချံၚ်၊ ပလဝ်(သၞေဟ်ကၚ်ဒဒန်)တံဂှ် ပတဝ်လဝ်ကဵုသၟတ်တံတုဲ ဒပ်ကဝ်မယှေန်ပၞာန် ရပ်ဏာရ။
အပ္ဍဲကဵု သၟတ်ဒးဒုၚ်ရပ်လဝ်တံဂှ်တှေ် အကြာ ၁၇ သၞာံကဵု ၃၀ မဒှ်တုဲ သၟတ်ရဲအာတရဴတံ ဗွဲမဂၠိုၚ်ပါလုပ်မံၚ်ရောၚ်။
သၟတ်ဒးဒုၚ်ရပ်လဝ်တံဂှ် ပလံၚ်ဗစိုပ်လဝ် ဒၞာဲကဵုဘာပကတ်ပကေၚ်ကွတ်ပၞာန် ရးဗဟဵုစၟတ် (၁၂) ကေုာံ ပ္ဍဲကဵုဗ္ဒိုပ် ဘာပၞာန်ဒပ်ဍာ် လပါ်တကအ်ဗိက်တံကီုရောၚ် သ္ဂးရ။
ဒပ်ကဝ်မယှေန်ပၞာန်ဂှ် စွံပတဝ်လဝ်ကဵုသၟတ်တံ သွက်ဂွံယိုက်ဂၠေၚ်ဝန်ပၞာန်တုဲ ဟိုတ်နူရပ်မံၚ်ဂှ်ရ ဗွဲတၟေၚ်စွံသတိတုဲ ညံၚ်ဂွံအာကၠုၚ်အိုတ်ညိဂှ် ညးတာလျိုၚ်ဒပ်တၟေၚ် ဗော်သွးကောန်ဂကူကရေၚ် KNU မဟာဒပ် ၄ ဟီုကဵုဌာန်ပရိုၚ်သြၚ်လောန်တိုၚ်မ်ရ။
မွဲလပါ်ပၠန်ဂှ်လေဝ် သွက်တန်ဗတောန်ယိုက်ဂၠေၚ်ဝန်ပၞာန်ဂှ် သၟတ်အလုံဍုၚ်မွဲ ညးလုပ်မံၚ် အဝေါၚ်ယိုက်ဝန်ပၞာန်တံမ္ဂး ရပ်ကေတ်မံၚ်နဲကဲစုၚ်ၚ်တုဲ ဒပ်ကဝ်မယှေန်ပၞာန် ကၠောန်သ္ပပကောံကေတ်မံၚ် ကောန်ပၞာန်တၟိတံ နွံရ။
ပရိုၚ်-သြၚ်လောန်တိုၚ်မ်
Photo – CJ