ပလဝ်၊ အံက်တဝ်ပါ ၁၄
ပ္ဍဲရးတနၚ်သဳ ပွိုၚ်ဍုၚ်ပလဝ်ဂှ် ကောန်ကွးဘာယိုက်ဝန်ပၞာန် ပန်တၠ ဂြိပ်တိတ်စိုပ်ကၠုၚ်လဝ်ရဂှ် နူကဵု ခရိုၚ်ဗိက်-ထဝါဲ ဗော်သွးကောန်ဂကူ ကရေၚ် KNU လလောၚ်လဝ်ပရိုၚ်ရ။
အဃောကာလ တိုန်မံၚ်ဘာပၞာန် နူကဵုဒၞာဲဘာပကတ်ပကေၚ် ကွတ်ပၞာန် ရးဗဟဵုစၟတ် (၁၂) ဖျေံသ္ဇိုၚ်ဍုၚ်ပလဝ်ဂှ် ကောန်ကွးဘာယိုက်ဝန်ပၞာန်တံဏံ ဂြိပ်တိတ်ကၠုၚ်လဝ်ရောၚ် သ္ဂးရ။
ပ္ဍဲကဵုအံက်တဝ်ပါ ၅ ဂှ် ပိတၠ၊ အံက်တဝ်ပါ ၈ ဂှ် မွဲတၠ ဂြိပ်တိတ်စိုပ်ကၠုၚ်လဝ် မဟာဒပ် (၄) ဒပ်ပၞာန်ဗၠးၜးကောန်ဂကူကရေၚ် KNLA မဒှ်ရ။
လွဟ်ဟွံပါမွဲသာ် နူကဵုဘာပၞာန် ကောန်ကွးဘာယိုက်ဝန်ပၞာန် ပန်တၠဏံ မၞိဟ်သၟးဂြိပ်ကၠုၚ်တုဲ ချိက်ဂွံအဆက်ကဵု ဒပ် KNLA တုဲ ကၠုၚ်ဖျေံလဝ်လွဟ်ရ။
ဒၟာနူကဵုဟိုတ်နာနာသာ်တုဲ ပ္ဍဲကဵုဒပ်ပၞာန်ဗမာ ညးဒးဒုၚ်စကာလဝ်ယိုက်ဂၠေၚ်ဝန်ပၞာန် ဟၟဲကဵုဗဗွဲဓရ်တံဝွံ နဲလဵုဒှ်ဒှ် သွက်ဂွံကၠုၚ်ဖျေံလွဟ် ပံၚ်တောဲကရောံ ဂကောံပၠန်ဂတးတံညိဂှ် KNU မဟာဒပ်(၄) ဗတိုက်ဖအောဝ်လဝ်ရ။
ပ္ဍဲအကြာဂိတုတံဏံ ကောန်ပၞာန်ယိုက်ဂၠေၚ်ဝန်ပၞာန် နူကဵုဒပ်ကဝ်မယှေန်ပၞာန်ဗမာတံဂှ် ခြာဟွံလံဟွံလံ ကၠုၚ်ဖျေံလွဟ်လုပ်စိုပ်ကၠုၚ်လဝ် ပ္ဍဲကဵု မဟာဒပ် (၄) KNU မဒှ်ရ။
ပရိုၚ်-သြၚ်လောန်တိုၚ်မ်
Photo – KNU