သဓီု၊ ဒဳဇြမ်ပါ ၁၂
ပ္ဍဲတွဵုရးမန် ပွိုၚ်ဍုၚ်သဓီု ကရပ်ကွာန်ကအ်လှိုၚ် ပေါဲဗတိုက်အကြာၜါလပါ်ဒှ်ကၠုၚ်လဝ်ဂှ် ကောန်ဒပ်ကဝ်မယှေန်ပၞာန် ဟွံအောန်နူကဵု ပိတၠ ချိုတ်လဝ်နွံမံၚ်ရောၚ်ဂှ် ညးတာလျိုၚ် ဒပ်ပၠန်ဂတးတံ ဟီုကဵုဌာန်ပရိုၚ်သြင်လောန်တိုင်မ်ရ။
ပ္ဍဲဒဳဇြမ်ပါ ၁၀ အခိၚ်နူဂယးဂှ် ပ္ဍဲပွိုၚ်ဍုၚ်သဓီု နူကဵုကွာန် ဝဳယဝ် ကရောၚ်ပၞာန်ဒပ်ကဝ်မယှေန်ပၞာန် ဇြဟတ် ၆၀ ပြၚ်တံ သွက်ဂွံအာပြံၚ်ဒပ် ပ္ဍဲကဵုဗ္ဒိုပ်ဂြိပ်ပၞဟ် ပိန္နဲတောဂှ် ဒပ်မဟာမိတ်ဂကောံပၠန်ဂတးတံ တတ်ဗတိုက်လဝ်ရ။
ပေါဲဗတိုက်ဏံ ဒှ်လဝ်ကဝက်နာဍဳပြၚ်ဂှ် နူကဵုတမ်ဒပ်ကဝ်မယှေန်ပၞာန် နူကဵုဍုၚ်သဓီုတံပန်ပလံၚ်ရီုမံၚ် လွဟ်ဇၞော်တံ အဆက်က်ဂွံတီရ။
ပေါဲဗတိုက်တုဲအာကီုလေဝ် ဒပ်ကဝ်မယှေန်ပၞာန်ဒးဂိအာလဝ်ဂှ် ဆက်တိတ်အာလပါ် ဗ္ဒိုပ်ဂြိပ်ပၞဟ်တုဲ ဆက်ပန်ပလံၚ်မံၚ်ကဵု လွဟ်ဇၞော်ပၠန်ရဂှ် ညးတာလျိုၚ်ဒပ်ပၠန်ဂတးမွဲတၠ ဟီုရ။
ပ္ဍဲကဵုပေါဲဗတိုက်ဏံ ဒပ်ပၞာန်ဗၠးၜးကောန်ဂကူကရေၚ် KNLA ကဵု ဒပ်မဟာမိတ်ဂကောံပၠန်ဂတးတံ ပံၚ်တောဲဗတိုက်လဝ်တုဲ ပရေၚ်ဒးဝပ်ချိုတ်ဂျိုၚ် ညိလေဝ်ဟၟဲပုဟ် သ္ဂးရ။
ကြပ်ကၠုၚ်ကဵုပေါဲရုဲမာဲဟဍၚ် ပ္ဍဲကဵုပွိုၚ်ဍုၚ်သဓီုဂှ် ဒပ်ကဝ်မယှေန်ပၞာန် ထပဵုလဝ်ဇြဟတ်ကီု ပ္ဍဲပၞော်လုပ်တိတ်ဍုၚ်တံဂှ်လေဝ် ဗက်မာတ် ဆိုအ်စၟဳစၟတ်မံၚ်နာနာကီု ဆက်ကၠောန်အာမံၚ် မဒှ်ရ။
အခိၚ်ပေါဲရုဲမာဲကြပ်ကၠုၚ်မံၚ်ဏံ အကြာၜါလပါ် ပရေၚ်ပၞာန်ကြံၚ်မ္ၚိုဟ်ဂၠိုၚ်တိုန်တုဲ ညးဍုၚ်ကွာန်တံ သတိပၞာန်ညံၚ်ဂွံနွံဂှ် ဒပ်ပၠန်ဂတးတံ ဗတိုက်ဖအောဝ်လဝ်ရ။
ပရိုၚ်-သြင်လောန်တိုင်မ်
Photo – CJ