ဍာ်ဗု ၊ ဒဳဇြမ်ပါ ၁၅
ပ္ဍဲရးတနၚ်သဳ ရုၚ်ဗ္ဒိုပ်ဗၠာဲသၟိၚ်ၝောံဍုၚ်ကေုာံရုင်အုပ်ဓုပ်ပွိုၚ်ဍုၚ်ဍာ်ဗုတံဂှ် လုပ်စိုပ်သီကေတ်တုဲ စံၚ်ပလီုထောံရဂှ် ဒပ်ပၠန်ဂတးတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
စနူဒဳဇြမ်ပါ ၁၂ ၜိုတ်အခိၚ်နူဂယး ၉ နာဍဳဂှ် အကြာဒပ်ကဝ်မယှေန်ပၞာန် ဖျေံလဝ်သ္ဇိုၚ်ပ္ဍဲကဵုဒၞာဲရုၚ်တံဏံဂှ် ဂကောံမဟာဒပ်မိတ်ပၠန်ဂတးတံ ပံၚ်တောဲလုပ်ဗတိုက်သီကေတ်လဝ်ရ။
အခိၚ်လုပ်သီဗတိုက်ဏံ အကြာပွိုၚ်ပိနာဍဳ ပေါဲဗတိုက်သ္ကာတ်မြဟ်ဒှ်လဝ်တုဲ သီုရပ်ဂွံနၚ် ကောန်ဒပ်ပၞာန်ဗမာလ္ၚဵုတံကီုရောၚ် သ္ဂးရ။
အဃောပေါဲဗတိုက်ဒှ်မံၚ်ဏံတမ်ဒပ်ပၞာန်ဗမာ နွံမံၚ်ပ္ဍဲကဵုဍုၚ်ဍာ်ဗုၜါတမ်ဒပ်ဂှ် ပန်ပလံၚ်ကဵုမံၚ်လွဟ်ဇၞော် အဆက်က်ကီုလေဝ် ဂကောံမဟာမိတ်ပၠန်ဂတးဒပ်ပံၚ်တောဲတံ လုပ်ဗတိုက်သီကေတ် ရုၚ်ဗ္ဒိုပ်ဗၠာဲသၟိၚ်ၝောံဍုၚ်ကဵု ရုင်အုပ်ဓုပ်ပွိုၚ်ဍုၚ်ဍာ်ဗုတံ မဒှ်ရ။
အတိုၚ်လိက်ပရိုၚ်တြးဝါဒ ကဝ်မယှေန်ပၞာန်ဗမာပတိတ်လဝ် ပ္ဍဲဒဳဇြမ်ပါ ၁၃ ဂှ်မ္ဂး ဂကောံပၠန်ဂတးတံ ဂစာန်လုပ်ဗတိုက်သီကေတ် ရုၚ်ဗ္ဒိုပ်ဗၠာဲသၟိၚ်ၝောံဍုၚ်ဍာ်ဗုတုဲ ဒှ်လဝ်ပေါဲဗတိုက်သ္ဂးလဝ်ရ။
အကြာပေါဲဗတိုက်ဏံမ္ဂး နူကဵုဂကောံပၠန်ဂတးတံစံၚ်ပလီုထောံ ရုၚ်အုပ်ဓုပ်ပွိုၚ်ဍုၚ်၊ ရုၚ်ဂြိုပ်ဆု၊ ရုၚ်ဌာနပံၚ်ကောံနာနာ၊ တိုက်ဗါန်ပရေၚ်ပိုန်ဒြပ်ဗမာကဵု ဒၞာဲသ္ၚိဌာန်သၠာဲဒါတံသ္ဂးလဝ်ရ။
ရဲလပါ်ဂကောံပၠန်ဂတးတံဂှ်တှ်ေ စပ်ကဵုပေါဲဗတိုက်ဍာ်ဗုဏံတုဲ ခြာဟွံလံ လလောၚ်ဗတိတ်ကဵုပရိုၚ် ချိုတ်တ်ပၠိုတ်တ်ရောၚ် သ္ဂးရ။
ပရိုၚ်-သြင်လောန်တိုင်မ်
Photo – CJ