မတ်မလီု၊ ဒဳဇြမ်ပါ ၁၆
အခိၚ်ပၞာန်သီလဝ်အဝဵုအလုံဍုၚ် ပွိုၚ်ပန်သၞာံပြၚ်ဏံဂှ် ပ္ဍဲကဵုထံၚ်ဂမၠိုၚ် ဟိုတ်နူဟွံရံၚ်စံၚ်ကဵု ပရေၚ်ထတ်ယုက် ကောန်ထံၚ်ပရေၚ်ဍုၚ်ကွာန်တံတုဲ ၁၃၉ တၠချိုတ်လဝ်နွံမံၚ် ဂကောံသက်သဳထံၚ်ဍုၚ်ဗမာ Myanmar Prison Witness လလောၚ်တြးလဝ်ရ။
ကောန်ထံၚ်ပရေၚ်ဍုၚ်ကွာန်ဗွဲမဂၠိုၚ်တံ ပရေၚ်ရံၚ်စံၚ် ပရေၚ်ထတ်ယုက် ဟွံဂွံလဝ်ရုံရုံဂပ်ပ်အိုတ်တုဲ ဗွဲမဂၠိုၚ်တံ ထေက်ကဵုဒးချိုတ်ဟွံသေၚ် ဒးချိုတ်အာလဝ် ပ္ဍဲကဵုထံၚ် မဒှ်ရ။
အတိုၚ်လၟိဟ် ကောန်ထံၚ်ပရေၚ်ဍုၚ်ကွာန်တံချိုတ်လဝ်မ္ဂး စနူ သၞာံသီအဝဵု ၂၀၂၁ ဂိတုဖေဖဝ်ဝါရဳ ဒဵုကဵု သၞာံ ၂၀၂၅ ဂိတုဒဳဇြမ်ပါ ၁၃ ပွိုၚ်ပန်သၞာံပြၚ်ဏံ ကောန်ထံၚ်ပရေၚ်ဍုၚ်ကွာန်ညးတြုံ ၁၂၃ တၠ၊ ကောန်ထံၚ်ပရေၚ်ဍုၚ်ကွာန် ညးဗြဴ ၁၅ တၠကဵု LGBT မွဲတၠ ပါလုပ်ရ။
ဗွဲမဂၠိုၚ် ကောန်ထံၚ်ပရေၚ်ဍုၚ်ကွာန် နူအယုက် ၄၆ သၞာံကဵု ၅၉ သၞာံတံ ချိုတ်လဝ်နကဵုယဲကောန်တၟံ၊ ယဲဆီၜေတ်၊ ယဲဟယျာဍာတ်ကဵု ယဲကေန်သာတံ ဗၞတ်ချိုတ်အာလဝ်ပ္ဍဲထံၚ် ၃၈% မဒှ်ကီုရ။
မွဲလပါ်ပၠန် ဟိုတ်နူပရေၚ်ထုတ်ယုက် ချိုတ်အပ္ဍဲထံၚ်မာန်ကီုလေဝ် ဗွဲမဂၠိုၚ်တှ်ေ ဟွံဂွံလဝ် ပရေၚ်ရံၚ်စံၚ်ပရေၚ်ထတ်ယုက်ခိုဟ်ဟ်တုဲ ထေက်ကဵုချိုတ်ဟွံသေၚ် ဒးချိုတ်လဝ်ရ။
ပ္ဍဲကဵုထံၚ်ဗွဲမဂၠိုၚ်တံဂှ်တှ်ေ ရုၚ်ဂဥုဲထံၚ်လေဝ်ဟၟဲ အစာသဝ်ဝဳယဲ ပ္ဍဲထံၚ်လေဝ်ဟၟဲတုဲ ကောန်ထံၚ်ပရေၚ်ဍုၚ်ကွာန် ဟွံဂွံလဝ် အထံက်ပၚ် ပရေၚ်ထတ်ယုက်ရုံရုံဂပ်ပ်ကီု သွက်ဂွံအာတိုန်ရုၚ်ဂဥုဲမ္ၚးပၠန် ဒးအာတ်အခေါၚ်တ္ၚဲဂၠိၚ်သ္ၚောဲကွေံကွေံတုဲ ချိုတ်လဝ် နွံမံၚ်ရောၚ် MPW သ္ဂးလဝ်ရ။
ပရိုၚ်-သြၚ်လောန်တိုင်မ်
Photo – Social Media