မတ်မလီု ၊ ဒဳဇြမ်ပါ ၁၆
ပ္ဍဲကဵုတွဵုရးမန် ဍုၚ်မတ်မလီု စနူဒဳဇြမ်ပါ ၁၂ ဏံ ပြံၚ်ပဆုဲမံၚ် အချုက်ထံၚ်မတ်မလီု အတိုၚ်မွဲမသီုဖအိုတ် နကဵုပရေၚ်ဂီုကၠီုပေၚ်ၚ်ရဂှ် ညးဒေသမတ်မလီုကီု ညးကြပ်ကဵုထံၚ်တံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
အချုက်ထံၚ်မတ်မလီုနူမူလတေံ နွံမံၚ်အရာပ် “ဖက်တာန်” ဂှ် ပြံၚ်ပဆုဲမံၚ် ဇရေၚ်ထံၚ်မတ်မလီုသိုၚ်လဝ်လၟုဟ် ကရပ်ကွာန်မေန်ယွာ ကရပ်ဂၠံၚ်ကွဳစက် မတ်မလီု-ကျာ်မြဟ်ရ။
အဃောပဆုဲပြံၚ်အာမံၚ် ကောန်ထံၚ်ညးတြံုညးဗြဴတံဂှ် သုၚ်စောဲစကာလဝ် ဇြဟတ်ပရေၚ်ဂီုကၠီုဗွဲမဂၠိုၚ်ကီု ပ္ဍဲဇရေၚ်မွဲဒမြိပ်ဂၠံၚ်ဂှ်ပၠန် ဖျေံလဝ်ဂီုကၠီုပေၚ်ၚ်ဂှ် ဂွံဆဵုညာတ်မံၚ်ရ။
ပြဟ်ဟ်ဏံမ္ဂး ပဆုဲပြံၚ်မံၚ် ကောန်ထံၚ်ဒးလဝ်ဒုဟ်ဒဏ်တံမဒှ်တုဲ ကောန်အချုက်သှ်ေမံၚ်တံဂှ်တှ်ေ ပြံၚ်ပဆုဲဏာ သာ်သာ်ရောၚ် ညးကြပ်ကဵုထံၚ်မွဲတၠ သ္ဂးရ။
ဂကောံခရိုနဳဇေကမ္ဘာ ရာန်ကေတ်လဝ် ဒၞာဲအချုက်ထံၚ်မတ်မလီုဏံ နူကဵုလက်ထက် အလဵုအသဳဥူတိၚ်သိၚ်တေံ မဒှ်တုဲ ပ္ဍဲကဵုဒၞာဲဏံဂှ် မုကိုန်အစဳဇန် ကၠောန်အာရောဟီုဂှ် နူကဵုဌာန်ပရိုၚ်သြၚ်လောန်တိုၚ်မ် ဆက်လ္ၚတ် ဂၠိုက်ဂၠာဲမံၚ်ဖိုအ်ရောၚ်။
နူကဵုအချုက်ထံၚ်မတ်မလီုမူလဏံ ကောန်ထံၚ်ညးတြုံညးဗြဴ ၂၀၀၀ ပြၚ်ၚ်ဂှ် နူကဵုဌာနက္ဍိုက်ပ်ထံၚ် သၟဝ်တဲကဝ်မယှေန်ပၞာန်တံ သွက်ဂွံပြံၚ်ပဆုဲအာ ထံၚ်မတ်မလီုတၟိနွံမံၚ်ပ္ဍဲကဵု ကွာန်မေန်ယွာတေံရောၚ် ဂွံတီလဝ်ရ။
ပ္ဍဲကဵုအချုက်ထံၚ်မတ်မလီုဏံ ကောန်ထံၚ်ပရေၚ်ဍုၚ်ကွာန်တံဟၟဲ၊ ကောန်ထံၚ်စှ်ေမံၚ်ဒုဟ် နကဵုအမှုတၞဟ်ဟ်တံရ နွံမံၚ်ဂၠိုၚ်ရောၚ် ညးကြပ်ကဵုထံၚ်တံ ဟီုရ။
ထံၚ်မတ်မလီုတၟိ နွံမံၚ်ကွာန်မေန်ယွာဂှ် ကဝ်မယှေန်ပၞာန်ထပ်သိုၚ်ခၞံ လဝ် ပ္ဍဲကဵုသၞာံ ၂၀၂၂ တေံတုဲ အခိၚ်လၟုဟ် ပရေၚ်သိုၚ်ခၞံတုဲဒှ်တုဲ ကၠောန်မံၚ်ပရေၚ်ဆုဲပြံၚ် ကောန်ထံၚ်တံ မဒှ်ရ။
ပရိုၚ်-သြၚ်လောန်တိုင်မ်
Photo – Social Media