ကျာ်ထဝ်၊ ဒဳဇြမ်ပါ ၁၈
တွဵုရးမန် ပွိုၚ်ဍုၚ်ကျာ်ထဝ် ဒပ်ကဝ်မယှေန်ပၞာန်ပန်ဏာလွဟ်ဇၞော် ဒတုံစှ်ပ္ဍဲကွာန်ခရဲဂှ်ရ ညးဗြဴၜါတၠဒးဝပ်တုဲ သ္ၚိ ၅ မ လီုလာ်အာလဝ်နွံ ဂွံတီနူ ညးဒေသတံရ။
ပ္ဍဲကဵုဒဳဇြမ်ပါ ၁၆ ၜိုတ်အခိၚ်ဒေါဝ်တ္ၚဲ ၁ နာဍဳဂှ် နူကဵုတမ်ဒပ် ကဝ်မယှေန်ပၞာန် တိၚ်ဇြယျာတ်ကဵု ဍုၚ်ဝဝ် ပန်စုတ်ဏာ မကမ်လွဟ်ဇၞော် ပ္ဍဲကွာန်ခရဲ ဟွံအောန်နူကဵု ၅ မရ။
ဟိုတ်နူမကမ်လွဟ်ဇၞော်ခတိုဟ်တုဲ ကောန်ကွာန်ခရဲ ဒဝ်ကျေန်ယှိုဲ အာယုက် ၅၆ သၞာံကဵု ဒဝ်သာန်ထိုဲ အာယုက် ၄၄ သၞာံတံ ဒးကဝေက်မကမ် ပ္ဍဲကဵုနော်တဲကဵုဇိုၚ်တံရ။
ပေါဲဗတိုက်ဟၟဲကီုလေဝ် ဟိုတ်နူဒပ်ကဝ်မယှေန်ပၞာန် ပန်မံၚ်လွဟ်ဇၞော် ပ္ဍဲကွာန်ကွာန်ခရဲ ဗီုဏံဂှ်တုဲ ညးဒေသ ၜိုတ် ၉၀% တံ ဒးဂြိပ်ပါဲမံၚ်ဒၞာဲဗၠးဘဲရောၚ် ညးဒေသတံဟီုတုဲ ဂွံတီလဝ်ရ။
တုဲကၠုၚ် ဂိတုဒဳဇြမ်ပါ ၁၂ ဂှ်လေဝ် ကရောၚ်ပၞာန်ဗမာထပက်လုပ်ကၠုၚ်လဝ် ပ္ဍဲကွာန်ဖိုဝ်ဝါတိၚ် ပွိုၚ်ဍုၚ်ကျာ်ထဝ်တုဲ ဟိုတ်နူပန်လွဟ်ဇၞော်ဂှ် ကောန်ကွာန်ၜါတၠဒးချိုတ်လဝ်ရ။
ကရောၚ်ပၞာန်ဏံ ရပ်လဝ်ကောန်ကွာန်လ္ၚဵုတံ သ္ပညံၚ်ဂဒံၚ်မၞိဟ်တုဲ ဒဵုကဵုလၟုဟ်ဟွံကလေၚ်ဗလးဖျဴဏီပုဟ်ဂှ် ဗော်သွးကောန်ဂကူ ကရေၚ် KNU ခရိုင်သဓီု လလောၚ်တြးလဝ်ရ။
ပရိုၚ်-သြၚ်လောန်တိုင်မ်
Photo – Social Media