နေပျဳတဝ်၊ ဒဳဇြမ်ပါ ၁၈
ပေါဲရုဲမာဲသွက်ဂွံကၠောန်အာ အလုံဍုၚ်မွဲဏံ နကဵုဒစဵုဒစးပလီုပထုဲ ပံက်လဝ်အမှုဂှ် ရပ်လဝ်မၞိဟ် ၂၂၉ တၠနွံမံၚ်ရောၚ် ဝန်ဇၞော်ကေၚ်ကာအပ္ဍဲဍုၚ်ကဝ်မယှေန်ပၞာန် ဒုသ္ကိုပ်ပၞာန်ဇၞော် ထောန်န်နံၚ် ဟီုရ။
ပ္ဍဲဂိတုဒဳဇြမ်ပါ ၁၆ ဏံ ကၠောန်လဝ်ကောံဓရီု ကမ္မတဳဗဟဵု အရာကောပ်ကာဲပရေၚ်ဂီုကၠီု ကာလပေါဲရုဲမာဲ ပ္ဍဲနေပျဳဂှ် ဟီုလဝ်ရ။
ပေါဲရုဲမာဲညံၚ်ဂွံလီု မၞိဟ်ဖန်ဖက်ကၠောန်မံၚ် နဲကဲစုၚ်ၚ်တံ ဒဵုကဵုဂိတု ဒဳဇြမ်ပါ ၁၅ ဂှ် နကဵုဥပဒေစဵုဒၞာဲပေါဲရုဲမာဲ အမှုနွံမံၚ် ၁၄၀ ၊ ရပ်ဂွံလဝ် ကောန်ဒုဟ် ၂၂၉ တုဲပံက်လဝ်အမှု သ္ဂးရ။
ပရေၚ်ဂီုကၠီု ပေါဲရုဲမာဲညံၚ်ဂွံယုက်ဒေက်အာ စပ်ကဵု ပရေၚ်ဆဝ်ဗ္ၚုဟ်မံၚ်တံကီု၊ ရဲတြးမံၚ်ဝါဒတံဂှ် ဂၠိုက်ဂၠာဲထမံက်ပတိတ်အာတုဲ ညံၚ်ဂွံကေတ်အရေဝ်ပေၚ်ၚ်ဂှ် ဒုသ္ကိုပ်ပၞာန်ဇၞော် ထောန်န်နံၚ် ဗတိုက်ဖအောဝ် ဟီုရ။
တုဲပၠန် ပ္ဍဲကာလပေါဲရုဲမာဲ ပရေၚ်ဂီုကၠီု ညံၚ်ဟွံဂွံထောၚ်ပြိုဟ်အာကီု၊ ပရေၚ်တိဍာ်ဒေသ ညံၚ်ဂွံညိၚ်ဝပ်အာကေုာံ သွက်ဍုၚ်ကွာန်ဂွံၜိုဟ်သြိုဟ်ရာၚ်ဆာဲအာမာန် ပံၚ်ကောံရေၚ်တၠုၚ်အာကဵုဒပ်ပၞာန်၊ ဒပ်မၚ်ကွာန်ကဵု ဂကောံမိတ်တံရောၚ် သ္ဂးရ။
ပရေၚ်ဒှ်မံၚ်ဍာံဍာံဟီုမ္ဂး ရဲဒစဵုဒစးပေါဲရုဲမာဲထ္ၜးဆန္ဒတံကီု ရဲဆဝ်ဗ္ၚုဟ်မံၚ်တံကီုဂှ် ကဝ်မယှေန်ပၞာန်ဖျေံလဝ်ထံၚ် လၟိဟ်ကဵုစှ်ောသၞာံတံနွံမံၚ် မဒှ်ရ။
ပရိုၚ်-သြၚ်လောန်တိုင်မ်
Photo – MOI