မတ်မလီု၊ ဒဳဇြမ်ပါ ၁၉
အနှေန်ၚုဟ်ထဝ်ဂၠးကဝ် ဗီုသၠုၚ်တိုန်ကၠုၚ်ကီု ၚုဟ်ထဝ်အပ္ဍဲဍုၚ် ထဝ်ဟကောၚ်မဳလေန် လျိုၚ်မွဲဒကေဝ် တိုန်ၜက်အာ ၉၀ ကိုဋ် ပြင်ယျရောၚ်ဂှ် တၠကမၠောန်ဆေင်ထဝ်တံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
တုဲကၠုၚ်ပ္ဍဲသတ္တဟပထမ ဂိတုဒဳဇြမ်ပါဏံ အနှေန်ၚုဟ်ထဝ် မဳလေၚ် လျိုၚ်မွဲဒကေဝ် နွံမံၚ်ကြပ် ၈၇ ကိုဋ်ကီုလေဝ် ပ္ဍဲကဵုဒဳဇြမ်ပါ ၁၈ ဏံ တိုန်ၜက်အာ ၉၀ ကိုဋ်ပြင်ရ။
အနှေန်ၚုဟ်ထဝ်ဂွံသၠုၚ်တိုန်ဂှ်တှ်ေ ဟိုတ်နူအနှေန်ၚုဟ်ထဝ်ဂၠးကဝ် သၠုၚ်တိုန်ကၠုၚ်မဒှ်တုဲ အနှေန်ၚုဟ်ထဝ် ဂၠးကဝ် မွဲအံၚ်သမ္ဂး နူကဵုဗ္ဒာဲ ၄၂၀၀ ဒဝ်ဠာဂှ် စိုပ်ကၠုၚ်ကြပ် ၄၃၃၀ ဒဝ်ဠာ ထပက်တိုန်လဝ်ရ။
ဟိုတ်နူပရေၚ်ဍုၚ်ကွာန်ဂၠးကဝ်ကဵု ပရေၚ်ပိုန်ဒြပ်တံဟွံညိင်ဝပ်ကီု၊ အမေရိကာန်လေဝ် သၠုၚ်ပတိုန်ကံက်အခေါန် ကီု သီုကဵုပရေၚ်ဒွိၚ်ဒွာဲ ဍုၚ်ဂၠးကဝ်ဂမၠိုၚ်တံရာန်ပကောံထဝ် ဂၠိုၚ်တိုန်တုဲ အနှေန်ၚုဟ်ထဝ်သၠုၚ်တိုန်အာ သ္ဂးရ။
သီုကဵု အနှေန်ၚုဟ်ထဝ်ဂၠးကဝ် ၚုဟ်ထဝ်အပ္ဍဲဍုၚ် သၠုၚ်တိုန်အာၜက်သၞောတ်ဂှ် ဆေင်ထဝ်လ္ၚဵုမာတ်လဝ်ဂှ်ကီု၊ ထဝ်ဟကောၚ်မဳလေန် လျိုၚ်မွဲဒကေဝ်မ္ဂး ဆေင်လ္ၚဵုခြာလဝ်ၚုဟ်သွံရာန် နူ ၅ ဠက်အကြာမွဲကိုတ်လေဝ်နွံရ။
ဆဂး နူကဵုကမ္မတဳခုတ်စၟတ်ၚုဟ်မး သတ္တုဓါတ်(ထဝ်) ကဝ်မယှေန်ပၞာန် ပ္ဍဲဒဳဇြမ်ပါ ၁၈ စၟတ်လဝ်ၚုဟ်ထဝ် ဍိုက်ဒကေဝ်ပေၚ် လျိုၚ်မွဲဒကေဝ်မ္ဂး ၅,၉၉၀,၀၀၀ ဒကေဝ်ကီုလေဝ် ခြာမံၚ်ကဵု ၚုဟ်ဆေင်ထဝ်မ္ၚး သြန်ကြပ် ၃၀ ကိုတ်ဒကေဝ် မဒှ်ရ။
ပရိုၚ်-သြၚ်လောန်တိုၚ်မ်
Photo – Social Media