ၜၚ်ကံက်၊ ဖနန်ပၚ်၊ ဒဳဇြမ်ပါ ၂၂
ဒပ်ပၞာန်သေံ လဝေင်ပၞာန်ဂှ် တိဍာ်သၠဲလးတိုန်ကၠုၚ်တုဲ မွဲဒမြိပ်ပယျဵုတံ ပေါဲဗတိုက်ဆက်ဒှ်မံၚ်ဂှ် အကြာသေံကဵု ခမေန်တံ သွက်ဂွံယှအ်ဖျေံအာပရေၚ်ကြံၚ်မ္ၚိုဟ်တံ နနဲအမာတ်ကလုတ် အမေရိကာန်ကဵု ကြုက်တံ ဆက်ချဳဒရာၚ်မံၚ်ရ။
ပ္ဍဲအကြာဒေသ ညံၚ်ဂွံကလေၚ်ညိၚ်ဝပ် ညးအကြာတံ အဃောဂစာန်မံၚ် ဍုၚ်သေံကဵု ခမေန်တံ သီုၜါဍုၚ်ဏံ ဗီုယှအ်ညးသ္ကံဟၟဲဏီပုဟ်။
သွက်သ္ဂောံဂွံတင်တုပ်စိုတ် နူအမေရိကာန် ကဵုမံၚ်ဇြဟတ်ဟရိုဟ်ကဵုသေံ ပရိုၚ်တိတ်မံၚ်ဂှ် သဳဟာဆက် တးပါဲလဝ်တုဲ ပရေၚ်ဂၠာဲမံၚ်သၞတၚ်တံ မိက်ဂွံဒေါအ်မ္ဂး နူခမေန်တံ ဒးစကၠောန်ကၠာရောၚ် ဟီုရ။
လပါ်ပိုဲဒေါအ်ထောံ ပရေၚ်လဝေင်ပၞာန်ရောၚ် ကဵုလဝ်ဂတိကုကြုက်ဟၟဲပုဟ်၊ သွက်ဂွံဒေါအ်ပန်ပှော်ဂှ် အတိုင်အာတ်မိက်လဝ်ဗီုကၠာတေံဂှ်ရောၚ် ညးထပ်ဟီုထပေၚ်ရ။
စပ်ကဵုပရေၚ်တက်လဝ်ကျာဖုၚ် ဝန်ဇၞော်အမေရိကာန် မာကို ရူဗဳယိုဂှ်လေဝ် ဟိုတ်နူဍုၚ်ဂၠးကဝ်တံ ပရေၚ်ဒှ်ဒွိၚ်ဒွာဲနွံမံၚ်ရောၚ် ဂွံဒှ်ကၠုၚ်လဝ် သဳဟာဆက် ဟီုရ။
သဘဴပြဿနာ သေံကဵု ခမေန်တံ ပေါဲပၞာန်ဂွိၚ်ဖေက်သၠဲလးတိုန်ကၠုၚ်ဂှ် ဍုၚ်ဗွဲမဂၠိုၚ် ဒှ်မံၚ်ဒဝိၚ်ရောၚ် သဳဟာဆက် ဟီုရ။
အကာဲအရာ ပရေၚ်က္တဵုဒှ်မံၚ် ပ္ဍဲဗလးတိတံဂှ် အမေရိကာန် ညံၚ်ဂွံပဵုတီကၠးတိုန် အမေရိကာန် ဂစာန်မံၚ်တုဲ ဂၠံၚ်ဍာန်နဲကဲဗီုဂွံယှအ်ဖျေံ ပရေၚ်ကြံၚ်မ္ၚိုဟ်မံၚ်တံဂှ်လေဝ် လ္ၚတ်အာတုဲ သွက်ဂွံကဵုအရီုဗၚ်ရေၚ် ညးဟီုထပေၚ်လဝ်ရ။
နကဵုသေံ သွက်ဂွံယှအ်ဖျေံ ပရေၚ်ကြံၚ်မ္ၚိုဟ်မံၚ်ဂှ် မင်လဝ်ဂွန်ကီုလေဝ် ပရေၚ်ဒေါအ်ပန်ပှော်ဟီုဂှ် မွဲလပါ်ဓဝ်ကၠောန်ကေတ်ဟွံဂွံပုဟ် သဳဟာဆက် ဟီုရ။
ကၠာဟွံစကၠောန်ပေါဲသဳကၠဳမ္ဂး ခမေန်ဒေါအ်ထောံပေါဲဗတိုက်တုဲ မိက်ဂွံပြေပြံၚ်ဍာံဍာံ ဒးထ္ၜးကဵုရောၚ် ညးဟီုရ။
ဗီုသေံဟီုဂှ် အမေရိကာန်ကလၚ်ဂၠိုၚ်ၚ်တုဲ ပရေၚ်ကဵုဇြဟတ်ဟရိုဟ်ဟၟဲ၊ သွက်ဂွံကဵုအရီုဗၚ်ရ နွံမံၚ် သဳဟာဆက် ဟီုရ။
သွက်ဂွံဒေါအ်ပန်ပှော်ဟီုဂှ် နူကဵုခမေန် ဂလာန်ပံက်ပါၚ်ဒးတိတ်ကၠုၚ်ကၠာတုဲ နူကဵုဍုၚ်တတိယမွဲမွဲတိတ်ကၠုၚ်မံၚ်ဂှ် သွက်ဂွံဒုၚ်တဲဟၟဲရောၚ် သေံဟီုလဝ်ကၠးကၠးရောၚ်။
ပြဿနာ သေံ-ခမေန်ဂှ် ပ္ဍဲဒဳဇြမ်ပါ ၂၂ မ္ဂး ဆက်သဳကၠဳအာ ပ္ဍဲကဵုကောံဓရီုကာတၟေၚ် ဝန်ဇၞော်ဍုၚ်သ္အာၚ်ဂကောံအာသဳယာန်ရောၚ် နူကဵုဌာနဝန်ဇၞော်ဍုၚ်သ္အာၚ်သေံ ဟီုရ။
သွက်ဂွံဒေါအ်ပန်ပှော် သီုကဵုၜါလပါ်ဆန္ဒနွံမံၚ် စပ်ကဵုဝန်ဇၞော်ဍုၚ်သ္အာၚ်ကြုက် ဝါန်ယိဟီုလဝ်ဂှ်တှ်ေ နူကဵုလပါ်သေံ ကဵုလဝ်ဂတိပါၚ်ဗီုဗီုဏံဟၟဲပုဟ် သဳဟာဆက် ဟီုရ။
သွက်ဂွံယှအ်ဖျေံ ပရေၚ်ကြံၚ်မ္ၚိုဟ် ဟွံမိက်ဇမၠိၚ်ပေါဲပၞာန်ရ ဟီုလဝ်နွံ ညးသ္ဂးရ။
အကြာပဋိပက္ခၜါဍုၚ်ဏံ အမေရိကာန်ကဵု ကြုက်တံ ပညဳပညပ်လဝ်လံကီုလေဝ် ညးမွဲလေဝ်ကြုက်ဟွံကဵုတီလဝ်ရ။
ဆဂး နူကဵုခမေန် ဒပ်ပၞာန်သေံ သီဂွံလွဟ်ဇၞော်ကြုက်တံတုဲ ပ္ဍဲကဵုပရေၚ်ပရေၚ်ဏံ ကြုက်လုပ်ကၠုၚ် စုက်က်လုက်က် မဒှ်ရ။
Ref:Bangkokpost