ဝါယှေန်တန်၊ ဒီဇြမ်ပါ ၂၃
သွက်ပေါဲရုဲမာဲအကြာ ဇြဟတ်နာနာပရေၚ်ဇီုကပိုက် ၜိုန်ရနွံမံၚ်ကီုလေဝ် သွက်ဂွံဗက်ရပ်စပ်အာ ပ္ဍဲဌာန်ဒၞာဲတံကီု သၠုၚ်အသိၚ်ကၠောန်အာ ဂၠိုက်ဂၠာဲပရေၚ်ညးမဆုဲပြံၚ်တံပၠန်ရောၚ် သမ္မတအမေရိကာန် ဒဝ်နေဝ် ထရဟီုလဝ်တုဲ သွက်ဂွံစကာအာ သြန်လၟိဟ်ကဵုဗဳလဳယာန်ဂှ် ပလေဝ်စလဝ်ရ။
ပ္ဍဲကဵုဍုၚ်ဇၞော်အမေရိကာန်တံ စပ်ကဵုပရေၚ်ထရ ဗက်ရပ်စပ်မံၚ် ညးမဆုဲပြံၚ်တံဂှ် ဒှ်ပဋိပက္ခကဵု ညးဍုၚ်ကွာန်တံတုဲ ဟၟဲပၟိက်ကဵုဝါဒဧကရာဇ်ဂးတုဲ ပေါဲထ္ၜးဆန္ဒဒစဵုဒစး ထရတံ ဒှ်လဝ်မံၚ်ဖိုအ်ရ။
ပ္ဍဲကဵုသၞာံဏံ ရဲဂကောံပရေၚ်ဂီုကၠီု နူကဵုအေဂျေအ်ဖိတ်ဒရေဝ်တံ ဗက်ဂၠိုက်ဂၠာဲလဝ် ဒၞာဲဒယှ်တှ်တံ နွံမံၚ်ကီုလေဝ် ပ္ဍဲဒၞာဲဗလးတဵုလွဳတံ ရုၚ်စက်တံ ကမၠောန်အဓိက ဒးစကာမံၚ် သၟာကမၠောန်ဟၟဲကဵုလိက်ပတ်ထံက်ဂလာန်တံဂှ် ဗက်ဂၠိုက်ဂၠာဲလဝ်ဟၟဲဏီပုဟ်။
သွက်ဌာန ICE ကေုာံ ဌာနဂေတ်ကၚ်ပယျဵု ဂၠိုက်ဂၠာဲညးမဆုဲပြံၚ်တံဂှ် ဒဵုစိုပ် ၂၀၂၉ တေံ ဂွံလဝ်သြန်ဂအုံဒဝ်ဠာ ၂၇၀ ဗဳလဳယာန်တုဲ မဒှ်ရ။
သ္ပလဝ်ကဵုပွန်ကဵု ညးလိက်ထံက်ဂလာန်ဟၟဲ မံၚ်စံၚ်တန်တဴအပ္ဍဲဍုၚ်တံတုဲ ပံက်အာသေင်တာ ထိၚ်ဒဝ်ရောၚ်၊ ထပ်ဗပေၚ်အာ သၞာဲဒါတံရောၚ် ဟီုလဝ်ကဵုဌာနဆေင်စပ်တံရ။
ပ္ဍဲအယုက်ကဝက်ပေါဲရုဲမာဲ သွက်ဂွံကၠောန်အာနွံမံၚ်ကီုလေဝ် သွက်ဂွံထပ်ထဍေၚ်ပတိတ်အာ ရဲမဆုဲပြံၚ်တံဂှ် အလဵုအသဳထရ ဆက်ကၠောန်အာမံၚ် မဒှ်ရ။
ဒၞာဲရဲမဆုဲပြံၚ်ဒၞာဲဝါဲဂၠိုၚ်အိုတ် ဍုၚ်မဳယာမဳဂှ် ရုဲစှ်ပတိုန်လဝ် ရုဲဆုဲပြံၚ်မွဲတၠ နဒဒှ်သ္ကိုပ်ဝန်ဍုၚ်ဝွံ ဗီုလဵုညးဍုၚ်ကွာန်အမေရိကာန်တံ ကလေၚ်ပ္လန်လဝ်ကဵု အစဳဇန်ထရထဍေၚ်ပတိတ်မံၚ် ရဲမဆုဲပြံၚ်တံ မဒှ်ရ။
ဟိုတ်နူထရ ဗက်ကၠောန်မံၚ် ကမၠောန်ပွဗီုပြၚ်တံဏံဂှ် ပရေၚ်ညးဍုၚ်ကွာန်တံ ထံက်ဂလာန်ညးတေံ မွဲဂိတုတုဲ မွဲဂိတု အောန်စှ်ေကၠုၚ်မံၚ်ရောၚ်။
Ref: Reuters