ကိဗ်၊ ဒဳဇြမ်ပါ ၂၄
ပ္ဍဲသတ္တဟအိုတ်ကၠုၚ်တုဲကၠုၚ်ဏံ မၞိဟ်ဇကုတံ ကၠတ်လုပ်စိုပ် ဗဒိုပ်ပၞာန်ကျာရတ်ယှာတုဲ ၜၚ်ကျာပၞာန်ၚုဟ်မး ဒဝ်လာ ၁၀၀ ပြကောတိကိုဋ်ၜါမဂှ် ပလီုမာန်ကၠုၚ်လဝ် ယူခရုၚ်ဟီုရ။
နူကဵုမုက်ပၞာန် သ္ၚောဲခြာမံၚ်နကဵုတိုင်လၟိဟ်ကဵုကၠမ် ဗဒိုပ်ၜၚ်ကျာဖျေံလဝ်သ္ဇိုၚ်တံဂှ် မၞိဟ်ပိုဲတံ နွံကဵုအစောန်စရာဲဗတိုက်မာန်တုဲ ကၠာကၠာတေံလေဝ် ကေၚ်ပလီုကၠုၚ်လဝ် ၜၚ်ကျာပၞာန်ရတ်ယှာတံနွံ ဟီုရ။
အတိုင်းညးတာလျိုၚ် ယူခရုၚ်တံဟီုလဝ်ဂှ် သ္ပဂွံသ္ပအးဒတန် ဗွဲမဗၠးၜးဂှ် ဒှ်ဟွံမာန်ဏီပုဟ် ပ္ဍဲပရိုၚ် Business Insider ချူလဝ်ရ။
ၜၚ်ကျာရတ်ယှာ ညံၚ်ဂွံလီုလာ် ယူခရုၚ် ဗတိုက်မာန်လဝ်ဂှ် ဗဒေါအ်တာလဝ် နူကဵုဗလးကျာမဝ်သကိုတံမာန် သွက်ဂွံကၠောန်ပေါဲဗတိုက် ၜက်ၜေတ်တံရ။
လ္ၚတ်ကေတ်လဝ် ဗီုယူခရုၚ် ပလီုပလာ်ဗတိုက်လဝ်ၜၚ်ကျာရတ်ယှာဂှ်တဲ ယဝ်ရသၞဍုၚ်ပလိုတ်တံ စကာသုၚ်စောဲကၠုၚ် ဗီုပြင်နဲကဲဏံမ္ဂး ဗီုလဵုဂွံစဵုဒၞာအာမာန်ရော ပရိုၚ်ကြုက်ကဵုရတ်ယှာတံ ဂွိၚ်ဂွာဲမံက်တိုန်ကၠုၚ်ရ။
ပ္ဍဲပရေၚ်လဝေၚ်ပၞာန်မွဲဂှ် ၜၚ်ကျာရတ်ယှာ Su-30 ၜါမ မုလေဝ်ညံၚ်ဟွံစကာသုၚ်စောဲဟွံဂွံ ကၠောန်လဝ်မာန်ကၠုၚ် နူကဵုဌာနထံၚ်ပရိုၚ် ယူခရုၚ် ဟီုရ။
ဖိုၚ်ဗဳဒဳယော တက်ဂွံလဝ်နူကဵု ဗဒိုပ်ၜၚ်ကျာရတ်ယှာမွဲဒၞာဲ ထံၚ်ပရိုၚ်ယူခရုၚ် ပတိတ်ထ္ၜးလဝ်ဂှ် ခဒမ်သ္ကိုပ်ဒဳၜၚ်ကျာကဵု မဂၞန်ၜၚ်ကျာလေဝ် ဂွံဆဵုရ။
အေဂျေအ်ဇကုတံမွဲတၠ ကၠတ်လုပ်စိုပ် ပလီုထောံလဝ် ၜၚ်ကျာ ပ္ဍဲကဵုဗဒိုပ်ၜၚ်ကျာရတ်ယှာ နွံမံၚ်သ္ကုတ်ဒေသပလိုတ် ပ္ဍဲကဵုဍုၚ်လဳပက်သ်တက်သ်ရ။
ၜၚ်ကျာပၞာန် Su-30 တံဂှ် ပတိတ်လဝ်နကဵုဒဳဇြာၚ် သိုဝ်ဗဳယက်တံ စက်အေၚ်ဂျေၚ်ပါမံၚ်ၜါမရ။
ဗီုလဵုပလီုပလာ်လဝ်ဂှ် တၚ်နၚ်ချိုတ်တ်ပၠိုတ်တ် နူကဵုထံၚ်ပရိုၚ်ယူခရုၚ် ထမံက်ထၜးလဝ်ဟၟဲပုဟ်။
ပရေၚ်လဝေင်ပၞာန်ဏံ ဒးပလေဝ်ပလေတ်စလဝ် ၜိုတ်ပွိုၚ်ၜါသတ္တဟ လံလဝ်တုဲ အေဂျေအ်မွဲတၠ ဆက်စပ်မံၚ်ကဵု ဂကောံပၠန်ဂတးရတ်ယှာတံ ကၠောန်လဝ်ရောၚ် ယူခရုၚ်ဟီုရ။
ရံၚ်အာနဲကဲယူခရုၚ်ဗတိုက်လဝ်ဏံတုဲ စပ်ကဵုပရေၚ်စဵုဒၞာၜၚ်ကျာ ဍုၚ်ပလိုတ်တံလေဝ် ဒှ်တိုန်ဒွိၚ်နွံမံၚ်ကီုရ။
Ref:Bussiness Insider