မတ်မလီု ၊ ဒဳဇြမ်ပါ ၂၄
အနှေန်ၚုဟ်ထဝ်ဂၠးကဝ် ထပ်တိုန်ကၠုၚ်မံၚ်ဆက်က်ဂှ် အနှေန်ၚုဟ်ထဝ်အပ္ဍဲဍုၚ် ထပ်တိုန်အာၜက်နူသၞောတ် ပ္ဍဲကဵုဝင် ပရေၚ်သွံရာန်ထဝ် ဍုၚ်ဗမာဂှ် မွဲအလန်မှဟွံကေၚ်ဒှ်ကၠုၚ်ပုဟ် တၠကမၠောန်ဆေင်ထဝ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အနှေန်ၚုဟ်ထဝ်အပ္ဍဲဍုၚ်ဂှ်တှ်ေ ပ္ဍဲကဵုဒဳဇြမ်ပါ ပထမသတ္တဟ ထဝ်ဒကောၚ် လျိုၚ်မွဲဒကေဝ် နွံမံၚ်ကြပ် ၈၇ ကိုတ်ဒကေဝ်ဒှ်မံၚ်ဂှ် စိုပ်ဒဳဇြမ်ပါ ၂၃ ဏံ တိုန်ကၠုၚ်ဒဵုကဵု ၉၂ ကိုတ်ဒကေဝ် ၜက်အာနူသၞောတ်ရ။
ဒဒှ်ရ အနှေန်ၚုဟ်ထဝ်အပ္ဍဲဍုၚ် ဂွံတိုန်အာဗီုဏံဂှ် ဟိုတ်နူအနှေန်ၚုဟ်ထဝ်ဂၠးကဝ်ထပ်တိုန်တုဲ ၚုဟ်ထဝ်ဂၠးကဝ်မွဲအံၚ်သ နူကဵု ၄၂၀၀ ဒဝ်လာဂှ် ဆက်တိုန်အာကရပ် ၄၄၉၀ ဒဝ်လာမဒှ်ရ။
အခိၚ်လၟုဟ်မ္ဂး အနှေန်ၚုဟ်ထဝ်အပ္ဍဲဍုၚ် တိုန်အာၜက်သၞောတ်ဒှ်အာရဂှ် တၠကမၠောန်ဆေင်ထဝ်မွဲတၠ ဟီုကဵုဌာန်ပရိုၚ် သြၚ်လောန်တိုၚ်မ်ရ။
ဆက်စပ်မံၚ်ကဵု ပရေၚ်ပိုန်ဒြပ်ကဵုပရေၚ်ဍုၚ်ကွာန်ဂှ်ရ၊ ပ္ဍဲသၞာံဂတဏံ သြန်အိက်ဗာန်ဗဟဵု ဍုၚ်အမေရိကာန် ထပ်ယအ်စှ်ေမာန်ကီု စပ်ကဵုပရေၚ်ဂွိၚ်ဂွာဲအလုံဂၠးကဝ်တုဲ အနှေန်ၚုဟ်ထဝ်တံတိုန်စှ်ေမံၚ်ရောၚ် ရဲပွဳဗွိုၚ် တၠကမၠောန်ဆေင်ထဝ်တံ ဟီုရ။
ပ္ဍဲဗွဝ်ဖျာဂှ် အနှေန်ၚုဟ်ထဝ်အပ္ဍဲဍုၚ်ဟိုတ်နူတိုန်အာၜက်သၞောတ်ဂှ်ရ ပရေၚ်သွံရာန်ဆေင်ထဝ်ဗွဲမဂၠိုၚ် မာတ်စွံလဝ်တုဲ နူကဵုကဝ်မယှေန်ပၞာန်တံလေဝ်မၚ်ရံၚ်အာမံၚ် ဂွံတီရ။
အနှေန်ၚုဟ်ထဝ်ဂၠးကဝ်ကီု အနှေန်ၚုဟ်ထဝ်အပ္ဍဲဍုၚ် ၜိုန်ရတိုန်မံၚ်ၜက်အာသၞောတ်ကီုလေဝ် လပါ်ကဝ်မယှေန်ပၞာန်ဂှ်တှ်ေ အနှေန်ထဝ်လျိုၚ်မွဲဒကေဝ်ဂှ် ခုတ်စၟတ်လဝ်ၚုဟ်မး ကရပ် ၆၀ကိုတ် ဒကေဝ်ဓဝ်ရ။
ပရိုၚ်-သြၚ်လောန်တိုၚ်မ်
Photo – Social Media