မဝ်သကို၊ ဒဳဇြမ်ပါ ၂၅
ကိုန်အစဳဇန်ဆေင်စပ်ကဵုဂိတုအာကာသ ကေုာံ ဗ္ဒိုပ်သုတေသန ပံၚ်တောဲ ရတ်ယှာ-ကြုက်တံ သွက်ဂွံကဵုအာအထံက်ပၚ်ဓါတ်မာန် ပ္ဍဲအကြာဗွဝ်စှ်သၞာံဏံ ရတ်ယှာ စဳဇန်လဝ် သွက်ဂွံသိုၚ်ခၞံအာ ရုၚ်စက်စကာဓါတ် နျူကလဳယာလ္တူဂိတုရ။
သွက်ဂွံလ္ၚတ်အာ ဂြိုဟ်ပတောအ်သဘာဝဂၠးကဝ်မွဲ အခိၚ်ဍုၚ်ဇြဟတ်ဇၞော်တံ ဂစာန်လွဳဃရေက်ကၠောန်မံၚ်တံဂှ် တၚ်လလောၚ်တြးဏံ မံက်တိတ်ကၠုၚ် မဒှ်ရ။
ပ္ဍဲကဵုသၞာံ ၁၉၆၁ တေံ သ္ကိုပ်ယာန်သိုဝ်ဗဳယက် ယူရဳ ဂါဂါရေၚ် ဒှ်မၞိဟ်အာစိုပ်လဝ်အာကာသ အလန်ပထမကၠာအိုတ်တုဲ ပ္ဍဲအရာလ္ၚတ်ပရေၚ်အာကာသမ္ဂး ဍုၚ်ဇြဟတ်ဇၞော်နွံမံၚ်အဆံၚ်လ္တူအိုတ် အလဵုရတ်ယှာ ညးတံကေတ်မံၚ်ဂုဏ်စရာဲ ဇကုညးတံရ။
ဆဂး ပ္ဍဲဗွဲစှ်သၞာံ ခြာဟွံလံဏံ ရတ်ယှာ လဇုဲသှ်ေအာ လက်ကရဴအမေရိကာန်တုဲ ပရေၚ်ပြိုၚ်ပကာန်ကြုက်တံလေဝ် ပဵုဂၠိုၚ်တိုန်ကီုရ။
ပ္ဍဲသၞာံ ၂၀၂၃ ဂိတုအဝ်ဂတ်တေံ သွက်တင်ရန်တၟံရတ်ယှာတံ တၚ်ဇီုကပါ်ဇၞော်ဇၞော်မွဲ ဗီုဒှ်လဝ်ဂှ်တှ်ေ အခိၚ်ယာန်အာကာသ လူနာ-၂၅ ဂစာန်စှ်ေဂှ် ဇီုဒးအာကဵု ဗလးမုက်ဂိတုရ။
ဂကောံကမၠောန်အာကာသရတ်ယှာ Roscosmos နူကၠာဟွံစိုပ်သၞာံ ၂၀၃၆ စဳဇန်လဝ် သွက်ဂွံသိုၚ်ခၞံရုၚ်စက်ဓါတ်ဂိတုတုဲ သွက်ဂွံသိုၚ်ခၞံဂှ် ချုက်လဝ်လိက်ကဵု ကာန်ပနဳအာကာသ Lavochkin Association တုဲယျ လလောၚ်တြးလဝ်ရ။
သွက်ဂွံကဵုဓါတ်လလီ သွက်ယာန်ဗ္ဒိုပ်လ္ၚတ်အာကာသ ကေုာံ ဗ္ဒိုပ်သုတေသနဂိတုဂၠးကဝ် ရတ်ယှာကြုက်တံ ရန်တၟံတုဲ စဳဇန်လဝ်ရောၚ် Roscosmos ဟီုရ။
ရန်တၟံကဝ်ပိုရေယှေန်ပိုဲတံမွဲမ္ဂး လ္တူဂို စွံလဝ်ရုၚ်စက်စကာဓါတ်နျူကလဳမွဲမတုဲ သွက်ဂွံလ္ၚတ်အာ ဂြိုဟ်ဗဳနာတ်သ် ၝဲဒေံဂၠးကဝ်ပိုဲရောၚ် က္ဍိုပ်သ္ကိုပ် Roscosmos ဒဳမဳထရဳ ဗာကာနံက်ဗ် ဟီုလဝ်ပ္ဍဲဂိတုဂျောန်ရ။
နူကဵုဂၠးကဝ်သ္ၚောဲခြာမံၚ် ၂၃၈၈၅၅ တိုင်ဂှ် ဟိုတ်နူဂိတုနွံမံၚ်ဂှ် ပ္ဍဲကဵုဂၠးကဝ် ဇွိုန်လပှ်တံဒှ်တုဲ ပရေၚ်ဥတုရာသဳတံ ဂွံညိၚ်ဝပ်ဂှ် ဆက်စပ်မံၚ်ဗွဲမဂၠိုၚ်ရောၚ်။
Ref:Reuters