နယူဒေလဳ၊ ဒဳဇြမ်ပါ ၃၀
အခိၚ်သၠဒကေဝ် ပ္ၚံက်ပရေၚ်ဍုၚ်ကွာန်ပထဝဳ ဟွံဒုၚ်ဒစေၚ်ဝေင်မံၚ်နွံမံၚ်ဏံ သၞာံဂတးမ္ဂး အန္ဒိယ သွက်ဂွံဒှ်ဒၞာဲဥက္ကဌ ဂကောံ BRICS ဂှ် စဳဇန်မံၚ်ရ။
ပရေၚ်ဇြဟတ်ဟရိုဟ်နူဝါယှေန်တန်၊ တင်ရန်တၟံဍုၚ်ဂၠးကဝ်တံပဵုဂၠိုၚ်တိုန်၊ ပရေၚ်ပြိုၚ်ပကာန် သွက်ဂုဏ်ဖဵု အခိၚ်ဂၠိုၚ်မံၚ်ဂှ် သွက်ဂွံကေတ်အာဒၞာဲဥက္ကဌ BRICS ဂကောံလၟိဟ်ဂၠိုၚ်တိုန်ပဵုဂၠိုၚ်တိုန်ဏံ မဒှ်ရ။
လ္တူအကာဲအရာ အပြံၚ်အလှာဲ အလုံဂၠးကဝ်တံဂှ် ဆက်မၚ်ရံၚ်အာ နကဵုသတိနွံနွံ ရန်တၟံလဝ် ပရေၚ်ချဳဒရာၚ်သ္ကုတ်သၠုၚ်ကျာဂၠးကဝ်တုဲ ကဵုအာဖျုန်ရောၚ် အေန္ဒိယ ကဵုလဝ်ပယျးနိမိတ်ရ။
နကဵုဥက္ကဌ BRICS ဂှ် စွံအာရုံကဵု သွဟ်ပရေၚ်ပိုန်ဒြပ် ဍုၚ်စတဴတက်တံတုဲ အကြာဂုဏ်ဖဵုပရေၚ်ပိုန်ဒြပ်တၞဟ်ခြာမံၚ် နာနာသာ်တံ သွက်ဂွံဆဵုဂဗအာ တၚ်ကော်ဆောဘုံတံမ္ဂး ကောန်ဂကောံတံ ညံၚ်ဂွံညဳသၟဟ်မာန်ဂှ် နူကဵုနယူဒေလဳ ကၠောန်အာရောၚ်။
နူတမ်မူလ ဒက်လဝ်ဂကောံ BRICS ဂှ်တှ်ေ ဍုၚ်ဗရာသဳ၊ ရတ်ယှာ၊ အန္ဒိယ ကဵု ကြုက်တံဂှ် နကဵုနဲကလုတ် ထိၚ်ချုက်အာ ဍုၚ်ပလိုတ်ဇြဟတ်ဇၞော်တံမာန်ရောၚ် ညာတ်လဝ်တုဲ အာဖရိကသၠုၚ်ကျာလေဝ် ပါလုပ်ကၠုၚ်ရ။
ပ္ဍဲသၞာံတုဲကၠုၚ်ဏံ ပ္ဍဲကောန်ဂကောံတၟိတံဂှ် ဍုၚ်အိဂျေတ်၊ အဳတဳယောပဳယာ၊ အဳရာန်၊ ယူအေအဳကဵု အေန်ဒိုနဳယှာတံ ပါလုပ်ကၠုၚ်ရ။
ဂကောံဏံ သ္ပလဝ်စၞးကဵု လၟိဟ်ဇြဟတ်မၞိဟ်ကဝက်ဂၠးကဝ်နွံတုဲ ကၠောန်ပတိတ်ပရေၚ်ပရေၚ်ကပေါတ်ဂၠးကဝ် ကြပ် ၄၀% သ္ပလဝ်စၞး မဒှ်ရ။
အန္ဒိယ သ္ကိုပ်သ္ကအာ BRICS မ္ဂး ပရေၚ်အပြံၚ်အလှာဲဥတုရာသဳ၊ ဗတိုက်သရိုဟ်ပရေၚ်ဒိုက်ဝါတ်၊ ပြံၚ်လှာဲစကာဓါတ် ကေုာံ ပရေၚ်သ္ဇိုၚ်ဒၞာဲစမြိုၚ်တံ ညံၚ်ဂွံမံက်ဂတဝ်တိုန် ဓလိုက်တမ်ရိုဟ်မာန်ရောၚ် ညးလ္ၚတ်တံ ဟီုရ။
စပ်ကဵုပရေၚ်ဘဏ္ဍာ ဂကောံပၠန် နနဲဗီုပြၚ် ဂကောံဇြဟတ်ဇၞော် သၞောတ်ဍုၚ်ပလိုတ်တံထိၚ်လဝ်ဟွံသေၚ် ရန်တၟံလဝ် ညံၚ်ဂွံဒှ်ကၠုၚ် သၞောတ်ကောန်ဂကောံတံ ထိၚ်ချုက်ရ။
စပ်ကဵုအကံက်အခေါန် အခိၚ်ကေတ်ပညဳမံၚ်ပရေၚ်တုပ်စိုတ် ဝါယှေန်တန်မွဲမွဲ ဂစာန်မံၚ်ဏံ အေန္ဒိယ ဒုၚ်တဲ တာလျိုၚ် ဥက္ကဌ BRICS ရောၚ် ဂွံတီရ။
Source: CAN