ဘေဂျေၚ်၊ ဒဳဇြမ်ပါ ၃၁
ပရေၚ်အမေရိကာန်ဂၠာဲသၞ သွံကဵုလွဟ်ထာဲဝါန်ဂှ် ကလေၚ်ပ္လန်ကဵုဇြဟတ်ပေၚ်ၚ်ရောၚ် ဝန်ဇၞော်ဍုၚ်သ္အာၚ်ကြုက် ဝါန်ယိ ဟီုလဝ် ပ္ဍဲဒဳဇြမ်ပါ ၃၀ ရ။
ပ္ဍဲသတ္တဟဏံ ပ္ဍဲပွဳပွူတ္ကအ်ထာဲဝါန် ၅ ဒၞာဲဂှ် ဒပ်ပၞာန်ကြုက် ကၠောန်ခန်လ္ၚတ်လဝေၚ်ပၞာန် ပန်မံၚ်နကဵုမကမ်ဇေတ်တ်တံဂှ် ဝန်ဇၞော်ဝါန်ယိ ဟီုကၠုၚ်ဗီုဏံ မဒှ်ရ။
အရာကိစ္စဍုၚ်ထာဲဝါန်ဂှ် ဒှ်ပရေၚ်အပ္ဍဲဍုၚ်ကြုက်တုဲ နွံမံၚ်ပ္ဍဲဒၞာဲလဒေါအ်ဂြိုဟ် ဂုဏ်ဖဵုပရေၚ်ပိုန်ဒြပ်ဍုၚ်ကြုက်ရောၚ်၊ ဂကောံဇြဟတ်သၠးပွးထာဲဝါန်၊ အခိၚ်အမေရိကာန် သွံကဵုမံၚ်လွဟ်ဇြဟတ်ဇၞော်ဇၞော်ဂှ် ဒးစဵုဒၞာအာ နကဵုဇြဟတ်ပေၚ်ၚ်ရောၚ် ဝါန်ယိဟီုရ။
ပွမစၟတ်သမ္တီ ပေၚ် ၈၀ သၞာံ ဍုၚ်ထာဲဝါန်သၠောဲပြံၚ်တိဍာ်ဍုၚ်မိ ညးဟီုတုဲ သွက်ဂွံကၠောန်အာ အရာပံၚ်ပစပ်ကီု အဝဵုပိုၚ်ပြဳဍုၚ်ကြုက် ပယျဵုဒၞက်တံ ညံၚ်ဂွံဂီုကၠီုအာ အလဵုအသဳဘေဂျေၚ် တာလျိုၚ်မ္ဒးကၠောန်အာနွံမံၚ် ဝါန်ယိသ္ဂးရ။
ဍုၚ်ဒဳမဝ်ကရေသဳထာဲဝါန် အုပ်ဓုပ်မံၚ်နကဵုပရေၚ်အုပ်ဇကုဂှ် ဒှ်တိဍာ်ဗေဂျေၚ်ပိုၚ်ပြဳရောၚ် ကြုက်ညာတ်လဝ်တုဲ ညံၚ်ဂွံကလေၚ်စိုပ်သၟဝ်တဲပရေၚ်အုပ်ဓုပ်မာန်ဂှ် ကာလထေက်ဒးစကာအာဇြဟတ်မ္ဂး စကာအာရေၚ် ကြုက်ဟီုလဝ်ရ။
ယဝ်ရကြုက် ဗတိုက်ထါဲဝါန်တှ်ေ ဂျပါန်လေဝ် ပါလုပ်ပၞာန်ကီုရောၚ် သ္ကိုပ်ဝန်ဇၞော်ဟီုလဝ်တုဲ အကြာၜါဍုၚ် ကြံၚ်မ္ၚိုဟ်အာရ။
အမေရိကာန် သွံလွဟ်ကဵု ထာဲဝါန် ၚုဟ်မး ၁ ဒဿမ ၁ ဒဝ်လာရောၚ် လလောၚ်တြလဝ်တုဲ ကြုက် ကၠောန်မံၚ်ခန်လ္ၚတ်လဝေၚ်ပၞာန် ပန်မံၚ်နကဵုမကမ်ဇေတ်တ်တံရ။
သွက်ထာဲဝါန် ညံၚ်ဂွံဒုၚ်ဒဝ်အာဇကုညးတံကေတ်တ်မာန် အစောံစရာဲဂွံနွံကၠုၚ် နကဵုဥပဒေ တာလျိုၚ်အမေရိကာန် သွက်ဂွံရီုဗၚ်အာနွံ စပ်ကဵုမူဝါဒဏံ နူကဵုဗေဂျေၚ် ဒစဵုဒစးလဝ်ပိုတ်တ်ရ။
Ref:CNA