တနၚ်သဳ ၊ ဒဳဇြမ်ပါ ၃၁
ရးတနၚ်သဳ ပွိုၚ်ဍုၚ်တနၚ်သဳ ပ္ဍဲကဵုကရပ်ဂၠံၚ်ၜါသွာၚ် ထုၚ်ကတေဝ် ကွာန်ဗ္တဳဗုဂှ် ကရောၚ်ပၞာန်ဒပ်ပၞာန်ဗမာ ဒးဒုၚ်ကြတ်ဗတိုက်တုဲ ချိုတ်အာၜါတၠရဂှ် ဂွံတီနူကဵု တမ်ဒပ် ၃ ခရိုၚ်ဗိက်ရ။
ပ္ဍဲဒဳဇြမ်ပါ ၂၉ အခိၚ်ၜိုတ် ၇ နာဍဳကဝက်ဂှ် ကရောၚ်ပၞာန်ဒပ်ပၞာန်ဗမာ ဇြဟတ်ၜိုတ် ၁၀၀ တံ ထပက်ကၠုၚ်လပါ်ကွာန်ဗ္တဳဗုဂှ် ဒှ်လဝ်ပေါဲဗတိုက်ကဵု ဒပ်ပံၚ်တောဲဂကောံဇြဟတ်ပၠန်ဂတးတံရ။
ပေါဲဗတိုက်အကြာၜါလပါ် လအ်အာၜိုတ်ပွိုၚ်မွဲနာဍဳပြၚ်ဂှ် ရဲလပါ်ဒပ်ကဝ်မယှေန်ပၞာန်ဗမာ ၜါတၠချိုတ်တုဲ ဟွံအောန်နူကဵုၜါတၠဒးဝပ်နွံမံၚ် ညးတာလျိုၚ်တမ်ဒပ် ၃ ခရိုၚ်ဗိက်မွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပေါဲဗတိုက်ဒှ်တုဲ ကရောၚ်ပၞာန်ဒပ်ကဝ်မယှေန်ပၞာန် ဟွံကလေၚ်ဆုတ်တိတ်ဖျေံလဝ်ဒပ် စွံလဝ်ကၚ်ဒမၠုက် ကရပ်ကွာန် ဗ္တဳဗု သ္ဂးရ။
ပ္ဍဲပေါဲဗတိုက်ဏံ ဒပ်ပၞာန်စဵုဒၞာညးဍုၚ်ကွာန် PDF ခရိုၚ်ဗိက်၊ တမ်ဒပ် (၃)၊ ဒပ်ပါ (၁/၂) တမ်ဒပ် (၂) ဒပ်ပါ်(၁) ကဵု ဒပ်ပံၚ်တောဲမဟာမိတ်ပၠန်ဂတးတံ ပါလုပ်ဗတိုက်လဝ်ရ။
ဒေသပယျဵုသေံ-ဗမာ ဍုၚ်မဝ်တံၚ် ဒးဗလးလဝ်တဲဂှ် ဒပ်ပၞာန်ဗမာညံၚ်ကလေၚ်ဂွံသီကေတ်မာန်ဂှ် ဍိုက်ကဵုဇြဟတ်ပေၚ်ၚ် ထပက်မံၚ်ကရောၚ်ပၞာန်ဂှ်ရ အရိုဟ်ဒဒှ်တ္ၚဲဒှ်မံၚ်ပေါဲဗတိုက် မဒှ်ရ။
ပရိုၚ်-သြၚ်လောန်တိုၚ်မ်
Photo – TPDF(ဗီုတြေံ)