တယိတ်ချံၚ်၊ မာတ် ၁။
တွဵုရးတၞၚ်သဳ ပွိုၚ်ဍုၚ်တယိတ်ချံၚ် ပ္ဍဲကၠအ်ရာဘာ ဗဒါဲကွာန်သုင်သေၚ်ဖျာဂှ် ကရောၚ်ပၞာန်ကဝ်မယှေန်ပၞာန် ဂစိုတ်ထောံ ညးဍုၚ်ကွာန် ၇ တၠ မွဲဂအုံဓဝ်ရောၚ် ဂွံတီကေတ် နူဂကောံဇြဟတ်ပၠန်ဂတးတအ်ရ။
ကြဴနူ ကရောၚ်ပၞာန်တိတ်အာတုဲ ပ္ဍဲဂိတုဖေဖဝ်ဝါရဳ ၂၇ အခိၚ်ဗ္တံ ၃ နာဍဳပြၚ်ၚ် အခိၚ်ဂကောံပၠန်ဂတးတအ် အာပသောင်ဒေသဂှ် ဂွံဆဵုညာတ်လဝ် ဇွညးဍုၚ်ကွာန် ဒးဒုၚ်ဂစိုတ်လဝ်တအ်ဂှ်ရောၚ်။
ညးဒးဒုၚ်ဂစိုတ်တအ်ဂှ် ဒှ်ညးဂြိပ်ပါဲဓလေတ်ဘဲပၞာန် ညးတြုံ ၂ တၠ ကေုာံ ညးဗြဴ ၅ တၠ မၞုံအာယုက်အကြာ ၃၀ သၞာံ ကဵု ၅၀ သၞာံတအ် မဒှ်ရ။
အတိုၚ်စၟတ်သမ္တီဗီုရုပ် ဌာန်ပရိုၚ်သြၚ်လောန်တိုၚ်မ်ကလိဂွံလဝ်မ္ဂး ညးဍုၚ်ကွာန်သီု ၇ တၠဂှ် ကရောၚ်ပၞာန်ကဝ်မယှေန်ပၞာန်တအ် ပန်ဂစိုတ်လဝ် ပ္ဍဲပဠက်ကဴ နကဵုလွဟ်စုက်က်ရောင် ဂွံဆဵုကေတ်လဝ် ဗီုပြင်ဂှ်ရ။
ညးဍုၚ်ကွာန် ၇ တၠတံဏအ်ဂှ်တှ်ေ ဇီုဒးမုက်ကဵုကရောၚ်ပၞာန်ဗမာတုဲ ဒးဒုၚ်ဂစိုတ်လဝ်ရောၚ် ညးတာလျိုၚ်ဂကောံပၠန်ဂတးတအ် ဟီုရ ။
ညးဒးဒုၚ်ဂစိုတ်မွဲဂအုံဓဝ်တအ်ဏံ ဒှ်ညးဂှ်ရောဟီုဂှ် ဆက်ဗက်ဂၠိုက်ဂၠာဲမံၚ်ဏီတုဲ သွက်ဂွံပတိတ်ပရိုၚ် ဗွဲမလှဲလးမာန်ဂှ် ဆက်ကၠောန်အာရောၚ် သ္ဂးရ။
ပ္ဍဲပွိုၚ်ဍုၚ်တယိတ်ချံၚ်ဂှ် စနူဂိတုဖေဖဝ်ဝါရဳ ၁၀ တေံ ဒပ်ပၞာန်ဗမာ နကဵုဇြဟတ်ဗွဲမဂၠိုၚ်ထပက်ကၠုၚ်ပၞာန်ဂှ် ပေါဲဗတိုက်ၜါလပါ် ကတဵုဒှ်ဒၟံၚ်တုဲ လပါ်ဒပ်ပၞာန်လေဝ် ဗတိုက်မံၚ် နကဵုၜၚ်ကျာအဆက်က် မဒှ်ရ။
သီုကဵုပေါဲဗတိုက်ၜါလပါ် ကေုာံ သီုကဵုထောံဖျေံဗုမ် နကဵုၜၚ်ကျာတုဲ ညးဒေသနူပွိုၚ်ဍုၚ်တယိတ်ချံၚ် ၂၀ ကွာန်ပြၚ် မၞုံလၟိဟ် မွဲဠက်ပြၚ် တံဂှ်ထောံဌာန်ဒၞာဲဝါဲ ဂြိပ်ပါဲဓလေတ်ဒၟံၚ်တုဲ အခိၚ်လၟုဟ်ဏံ ကလေၚ်စဴဌာန်ဇကု ဟွံမာန်ဏီပုဟ်။
ပရိုၚ် – ဌာန်ပရိုၚ်သြၚ်လောန်တိုၚ်မ်
Photo – CJ