နေပျဳဒဝ်၊ မာတ် ၃။
ပ္ဍဲအလုံဍုၚ်မွဲ ကောန်ထံၚ်မွဲဠက်ပြၚ်ၚ် ဒးဒုၚ်ယိုက်မံၚ်ဒုဟ်ဒဏ် ပ္ဍဲထံၚ်ဂမၠိုၚ်ကီု ထံၚ်အချုက်ကေုာံ ဗ္ဒိုပ်ထံၚ်နာနာတံဂှ် ကဵုအခေါၚ်ဗၠးဒုဟ်ဒဏ်ရောၚ် ပ္ဍဲဂိတုမာတ် ၂ အခိၚ်နူဂယးဂှ်ကဝ်မယှေန်ပၞာန် လလောၚ်ပတိတ်ပရိုၚ်ရ။
ဂိတုမာတ် ၂ ဒှ်တ္ၚဲသၟာဗ္ၚဂှ်တုဲ သွက်စိုတ်ဓာတ်ညးဍုၚ်ကွာန်တံ ဂွံမိပ်မြဟ်ကေုာံ စွံအဓိက လတူပရေၚ်ဓရ်ဗ္စာရဏာမၞိဟ်တံတုဲ ကဵုအခေါၚ်ဗၠးဒုဟ်ဒဏ် သာ်ဏအ်ရောၚ် သ္ဂးရ။
ပ္ဍဲကဵုဏာအခေါၚ်ဗၠးဒုဟ်ဒဏ်တံမ္ဂး ကောန်ထံၚ်နကဵုဥပဒေဗတိုက်သရိုဟ်ပရေၚ်ပကီုပရာတ် ၝောံပိုဒ် ၅၀(ည)၊ ၅၂(က) ၇၃၃၇ တၠတံဂှ် ကဵုအခေါၚ်ဗလးကဵုဏာဒုဟ်ဒဏ် မဒှ်ရ။
တုဲပၠန် နကဵုၝောံပိုဒ်တၞဟ်သအာၚ် ကောန်ထံၚ် ၂၈၂၅ တၠဂှ်လေဝ် ကဵုဏာအခေါၚ်သက်သာဗၠးဒုဟ်ဒဏ်ကီုရ။
ညးမကလိဂွံအခေါၚ်ဗၠးဒုဟ် တိတ်လဝ်လၟုဟ်ဏံဂှ် ယဝ်ရကလေၚ်ကတဵုဒှ် ဒုဟ်ဒဏ်မွဲဝါပၠန်မ္ဂး ပါဲနူဒုဟ်ဒဏ်တၟိတုဲ သီုဒုဟ်ဒဏ်မသှ်ေဒၟံၚ်လၟုဟ်ဏံဂှ် ဒးကလေၚ်ဆာပ်လေဲဒုၚ်အာဒုဟ်ရောၚ် နကဵုစေဝ်ပၞောန် တၚ်စၟတ်သာ်ဏအ် ကဵုဏာလဝ်အခေါၚ်ဗၠးဒုဟ်ဒဏ်တံရောၚ်။
ဆက်တုဲပၠန် အမှုမၞုံပ္ဍဲရုၚ်သၞောဝ်ဓဝ် ၉၅၃၂ အမှု၊ မၞိဟ် ၁၂၄၈၇ တၠတံ ဒးဒုၚ်စောဲလဝ်အမှု နကဵုဥပဒေ ဗတိုက်သရိုဟ်ပရေၚ်ပကီုပရာတ် ၝောံပိုဒ် ၅၀(ည)၊ ၅၂(က) တံဂှ် ကၟာတ်ထောံအမှုတုဲ ဗၠးကဵုဏာမၞိဟ် တံဏံဂှ်ရောၚ် ကဝ်မယှေန်ပၞာန်လလောၚ်ပတိတ်လဝ်ရ။
ပရိုၚ် – သြၚ်လောန်တိုၚ်မ်
Photo – PPNM