ဝါယှေန်တာန်၊ ဂိတုမာတ် ၁၅
ဗီုရုပ်ဝဳဒဳယဝ် ရုၚ်ကလုတ်အမေရိကာန် မၞုံပ္ဍဲဍုၚ်ဗဂ္ဂဒက် ဒးဒုၚ်ပန်လဝ်ကမ်သၠောဝ်မွဲမတုဲ ပၟတ်တူယက်တိတ်မံၚ်ဂှ် ပ္ဍဲအန်လာၚ် ညးတြးပရအ်မံၚ် ဂၠိုၚ်ဗွဲမလောန်ရောၚ်။
ဒၞာဲစွံလဝ်ပွန်ပၞာန် လ္တူတ္ကအ်ကၠေၚ်ဍေၚ်ကိစ္စဇၞော်အိုတ် ပ္ဍဲဍုၚ်အဳရာန်သီုဖအိုတ်တံဂှ် ပသေၚ်သ္အးဇ္ၚးထောံတုဲယျ သာ်ဝွံ သမ္မတအမေရိကာန် ဒဝ်နေဝ်ထရ ဟီုလဝ်ကီုလေဝ် ဒၞာဲသ္ဇိုၚ်စမြိုၚ်ကၠေၚ်ဍေၚ်တံဂှ် လီုလာ်အာလဝ် ဟၟဲပုဟ် သ္ဂးရ။
နူကဵုဇိုၚ်သၞေဟ်ၜဳအဳရာန် ခြာ ၂၂ တိုၚ် တ္ကအ်ခါချ် နွံမံၚ်ဂှ် ၜိုန်ရဍောတ်ကီုလေဝ် သွက်လပါ်သၟဝ်ကျာ ပ္ၚံက်ၜဳမ္ဂး ဒှ်ဒၞာဲဗျူဟာကိစ္စဇၞော်မွဲ မဒှ်ရ။
ယဝ်ရစမြိုၚ်ဇြဟတ်ဓါတ်ညးတံ ဒးဒုၚ်ဗတိုက်မ္ဂး စမြိုၚ်ကၠေၚ်ဍေၚ် ကေုာံ ဇြဟတ်ဓါတ် မပံၚ်တောဲကၠောန်မံၚ် ကဵုအမေရိကာန်တံဂှ် ညံၚ်ဂွံဒှ်ဗတေၚ် စံၚ်ပလီုထောံရောၚ် အဳရာန်ကြဴဇာ လဝ်ရောၚ်။
အခိၚ်အဳရာန်ကဵုအေဿရေတံ ကဵုမံၚ်သတိ ပေါဲဗတိုက်တံ ထပ်သ္ကာတ်မြဟ်တိုန်မာန်ဂှ် ပ္ဍဲဍုၚ်ဇၞော်အဳရာန် တဳဟဳရာန်ဂှ် မခတိုဟ်ဇၞော်ဇၞော်တံ က္တဵုဒှ်မံၚ်ရောၚ်။
အေဿရေလေဝ်တံ ထပ်ဗတိုက်မံၚ် ဍုၚ်လက်ဗနန်တုဲ အခိၚ်လက်ကရဴအိုတ်ဏံမ္ဂး ညးတာလျိုၚ်သွာၚ်ဂဥုဲ ၁၂ တၠ ချိုတ်အာလဝ်ရောၚ် ဂွံတီရ။
ပ္ဍဲအခိၚ်ဏံ ဒၞာဲဒေသဖဵုဂုဏ်အမေရိကာန်တံ ကောံမံၚ်တံဂှ် ညးတန်တဴမံၚ်စံၚ်မံၚ်တံ စဆုဲပြံၚ်တိတ်အာ ဒၞာဲဗၠးဘဲအိုတ်ယျ။
ပ္ဍဲဍုၚ်ဒိုဝ်ဟာ နိဂီုဍုၚ်ကာတာဂှ် ပ္ဍဲဂိတုမာတ် ၁၃ အခိၚ်သ္ဂါတ္ၚဲလောန်ဂှ် ညးဒေသတံ ဆုဲပြံၚ်တိတ်အာ ဒၞာဲဗၠးဘဲတံရောၚ်။
ညးဒေသလ္ၚဵုတံ ကေုာံ ကၟုဲဇူဒီုဟဝ်တေဝ်တံ ဖေက်လကိုတ်တုဲ ဒးအာပါဲဓလေတ်မံၚ် ပ္ဍဲဒၞာဲစွံကွဳစက်သၟဝ်တိရ။
ဍုၚ်ဇၞော်အဳရာန် တဳဟဳရာန် ဂှ် အဃောဒးဒုၚ်မံၚ်ဘဲပၞာန်ကျာ ယီုပီုဟွံမာန်ဏီဂှ် အမေရိကာန်ဟီုမံၚ် ပေါဲပၞာန် ခြာဟွံလအ် တုဲဒှ်အာရောၚ် သ္ဂးမံၚ်ရ။
သွက်ဂွံထပ်ဗတိုက်အာ ဒၞာဲပွန်တၟိတံပၠန် ဂမၠိုၚ်ပ္တိုန်ဇြဟတ်ပန်ရေၚ် ဒဝ်နေဝ်ထရ ဟီုလဝ်ရ။
Ref:BBC