ကိဗ်၊ မာတ် ၁၉
ဗွဲဟိုတ်နူကဵုပေါဲပၞာန် ဒေသဗၟံက်အဒေါဝ်တုဲ သွက်ဂွံဗတိုက် ရတ်ယှာဂှ် လပါ် ယူခရုၚ် ဒးဆဵုဂဗအာမံၚ် ပရေၚ်ကမ်သၠောဝ်ပိုတ်အိုတ်အာရောၚ် သမ္မတ ဗိုလိုဒဳမာ ဇဳလာန်သကဳ ဟီုလဝ်ရ။
ပ္ဍဲအရာဆဵုဂဗဗွဲတၞဟ်ခြာကဵု ဌာန်ပရိုၚ် BBC ဂှ် သမ္မတ ယူခရုၚ် ဇဳလာန်သကဳ ဟီုဏာ ဆန္ဒသမ္မတရတ်ယှာ ဗလာဒဳမာ ပူတေန်ဂှ် မိက်ဂွံကဵုပေါဲပၞာန်အဳရာန် လအ်အာဍာ်ဇမၠိၚ်ရောၚ် သ္ဂးရ။
ယဝ်ရပေါဲပၞာန်အဳရာန် ပဵုတုဲလအ်လဂၠိၚ်အာမ္ဂး ယူခရုၚ် ဇြဟတ်ဍိုန်လျစှ်ေအာမာန်ဂှ် ပူတေန် တော်ခယျလဝ်ရောၚ် ဇဳလာန်သကဳ ဂးရ။
ပ္ဍဲအကြာပေါဲပၞာန် ရတ်ယှာ-ယူခရုၚ်မ္ဂး သမ္မတ ဒဝ်နေဝ်ထရ လပါ်လဵုလေဝ်ဟွံပါတုဲ ဟွံမိက်ကဵုညံၚ်စိုတ်ပူတေန် ဒှ်သၠေဟ်ပၟာရောၚ် ဇဳလာန်သကဳ ဆက်ဟီုရ။
ဒဝ်နေဝ်ထရကဵု သ္ကိုပ်ဝန်ဇၞော် ဗြိတိၚ် ကဳယာသတာမာတံ ညံၚ်ဂွံဆဵုဂဗအာတုဲ သွက်ဂွံကေတ်တၚ်တုပ်စိုတ်ဘုံဂှ် ဇဳလာန်သကဳ ဗ္တိုက်ဖ္အောဝ်လဝ်ရ။
ကြဴနူ ဒဝ်နေဝ်ထရ ပါ်ပါဲလဝ် သ္ကိုပ်ဝန်ဇၞော် သတာမာ ဗွဲမဂၠိုၚ်ကဵုဝါတုဲ ဇဳလာန်သကဳ ဗ္တိုက်ဖ္အောဝ်ကၠုၚ်လဝ် ဗီုဏအ်ရ။
ဟိုတ်နူပေါဲပၞာန် ဒေသဗၟံက်အဒေါဝ်တုဲ ပရေၚ်ဇီုကပိုက် လ္တူပေါဲပၞာန် ယူခရုၚ်တံဂှ် စိုတ်ဟွံခိုဟ်ပုဟ် ဇဳလာန်သကဳ ဟီုရ။
လၟုဟ်မ္ဂး ဂါံလုပ်စိုပ်ကၠုၚ် သတ္တဟအလန်တတိယဂှ် ပေါဲပၞာန်အဳရာန် ပြးဇးအာအလုံဒေသပ္ၚံက်ၜဳတံယျ။
သွက်ပရေၚ်ၜိုဟ်လလမ် ဒးကၠောန်အာပရေၚ်ပ္ညဳပ္ညပ်သဳကၠဳတံ ဒးဒုၚ်ဆုတ်ကလေၚ်မံၚ်လၟိုန်ဂှ် ဟိုတ်ညံၚ်ပေါဲပၞာန်အဳရာန် ဂွံကတဵုဒှ်တိုန် ဒှ်မံၚ်တင်နၚ်မွဲသာ်ရောၚ် ဇဳလာန်သကဳ ဟီုရ။
ပေါဲပၞာန်အဳရာန်ဂှ် သွက်ပူတေန်မ္ဂး မၞုံကဵုဖဵုဂုဏ်တုဲ ဟိုတ်နူၚုဟ်မးဇြဟတ်ဓါတ်တံ သၠုၚ်တိုန်အာဂှ် သွက် ရတ်ယှာ ဂွံဆက်ဝေၚ်အာပၞာန် သြန်လုပ်ပဵုဂၠိုၚ်တိုန်အာရောၚ် ဇဳလာန်သကဳ ဟီုရ။
ဣဏအ်ဂှ် သွက်ယူခရုၚ်မ္ဂး ဒှ်ပြသၞာမွဲတုဲ ဒးဆဵုဂဗမံၚ်ကဵု ပရေၚ်ကမ်သၠောဝ်အိုတ်ပိုတ်အာမာန်၊ သွက်ပူတေန်တှ်ေ ပေါဲပၞာန်အဳရာန်ဂှ် ဒှ်လကျှ်န်အပံၚ်ရောၚ် ဇဳလာန်သကဳ ဟီုရ။
အဳရာန်တံ ကၟာတ်ဆိုအ်လဝ် ပ္ၚံက်ၜဳဟဝ်မုဇ် ဒၞာဲဇြဟတ်ဓါတ်ဂၠးကဝ် ၅ ဂအုံ ၁ ဂအုံ တတ်ကၠောံမံၚ်ဂှ်တုဲ ပ္ဍဲအခိၚ်အလုံဂၠးကဝ် နွံပၟိက်ဇြဟတ်ဓါတ်ဂၠိုၚ်တိုန်မံၚ်ဂှ် အမေရိကာန်တံ ယှအ်ဖျေံကဵုလဝ် ပရေၚ်ကၟာတ်ဆိုအ်ကၠေၚ်ဍေၚ် လ္တူရတ်ယှာရ။
ယဝ်ရကမ်သၠောဝ် Patriot တံ အိုတ်အာမ္ဂး သွက် ယူခရုၚ် ဒှ်ကၠုၚ်ပရေၚ်တၚ်ကော်ဆောမွဲရောၚ် ဇဳလာန်သကဳ ဟီုလဝ်ရ။
Ref:BBC