ၜင်ကံက်၊ မာတ် ၂၆
စပ်ကဵုပရေၚ်ဂီုကၠီုကောန်ဂကူ ဟိုတ်နူဒှ်ဒွိၚ်တုဲ သွက်ညးအာတရဴဂၠးကဝ်တံ ကဵုအခေါၚ်လုပ်ဍုၚ် ၆၀ တ္ၚဲဂှ် ဗဳဇာဟွံဒးကေတ် သွက်ဂွံယှအ်ဖျေံအာ ၃၀ တ္ၚဲဂှ် ဌာနဝန်ဇၞော်ပရေၚ်ဍုၚ်သအာၚ်သေံ ပတိုန်ထ္ၜးလဝ်ရ။
ပရေၚ်ပ္ညဳပ္ညပ် ပတိုန်ထ္ၜးလဝ်ဏအ်ဂှ် ဇီုကပိုက်အာ ကဏ္ဍညးအာတရဴဂၠးကဝ်တံ ဟွံသေၚ်တုဲ ဇြဟတ်ပရေၚ်ဂီုကၠီုဍုၚ် ညံၚ်ဂွံခိုၚ်ဗိုန်တိုန်ရောၚ် ဝန်ဇၞော်ပရေၚ်ဍုၚ်သအာၚ် သဳဟာက် ဟီုလဝ် ပ္ဍဲမာတ် ၂၄ ဂှ်ရ။
ညးအာတရဴဍုၚ်မ္ၚးတံဝွံ ပဵုနူကဵုအစီအဇန် တရဴပရေင်အာဝေင်တုဲ သုၚ်စောဲလဝ်ဗၠေတ်မံၚ်ဒၞာဲရောၚ် ဂွံလဝ်ပရိုၚ်တံနွံမံၚ် ဝန်ဇၞော်သဳဟာသက် ဟီုလဝ်ရ။
ညးတာလျိုၚ်ရုၚ်ကလုတ်သေံ၊ ရုၚ်ကလုတ်ပၞာန် ကေုာံ ရုၚ်ပရေၚ်ကူသာဗၞိက် မၞုံအလုံဂၠးကဝ်တံ ပ္ဍဲအရာပၠတရဴ သဳကၠဳပ္ညဳပ္ညပ်လဝ်ဂှ် သဳဟာသက် ပတိုန်ထ္ၜးကၠုၚ်လဝ် မဒှ်ရ။
စပ်ကဵုလၟေၚ်ကမၠောန် တၞးလိက်ကၠောံဍုၚ် ညံၚ်ဂွံပြေပြံၚ်ဂၠိုၚ်တိုန်အာ ကၠောန်ကဵုလဝ်တုဲ ညးဂမၠိုၚ်ထိုၚ်သးမံၚ် ဌာနဝန်ဇၞော်ပရေၚ်ဍုၚ်သအာၚ်ပိုဲတံတုဲ ကမၠောန်ရေၚ်တၠုၚ်တံဂှ်လေဝ် အလုံမွဲဍုၚ် စွံလဝ်ကဵု သၠဲသၠဲလးလးလဝ်ရောၚ် ညးဟီုရ။
စပ်ကဵုပေါဲပၞာန် ဒေသဗၟံက်အဒေါဝ်ဂှ်တှ်ေ ဝန်ဇၞော် စွံအဓိကရေၚ်တၠုၚ်အာမံၚ် သွက်ကောန်ဍုၚ်သေံတံ ဂွံဂီုကၠီု ကေုာံ ပရေၚ်ဟံၚ်ပြာ်တံတုဲ ကောန်ဍုၚ်သေံ ၁၀၀၀ ပြၚ်တံ ဂွံလဝ်အရီုဗၚ်လဝ်တုဲရောၚ် ညးတေံဟီုရ။
ဌာနဝန်ဇၞော်ပရေၚ်ဍုၚ်သအာၚ်သေံဝွံ သွက်ဂွံစကာနဲကဲပညာ၊ သွက်ပရေၚ်ပံၚ်တောဲရေၚ်တၠုၚ် ဇြဟတ်ဂွံခိုဟ်တိုန် ကေုာံ မူဝါဒအဓိက ၄ တင် သ္ပလဝ်ဗဟဵုကဵုညးဍုၚ်ကွာန် သီုကဵုသၞောတ်ဗ္ၜတ်ဒဂေတ်ဝတ်ပဋိပတ်တံဂှ် လးထ္ၜးလဝ်ရောၚ်။
ပ္ဍဲအကြာဏအ်လေဝ် သွက်ၜၚ်ဖ္ဍိုက်ကၠေၚ် သေံတံ ဂွံတတ်အာပ္ၚံက်ၜဳဟဝ်မုဇ်မာန်ဂှ် သဳကၠဳလဝ်ကဵုဍုၚ်အဳရာန်တုဲ ကြဴနူဂှ် ၜၚ်ဖ္ဍိုက်ကၠေၚ်သေံၜါမ ဘဲအန္တရာဲဟၟဲ တတ်အာလဝ်မာန်ယျ ဝန်ဇၞော်သဳဟာသက် ဟီုဂးလဝ်ရ။
Ref:Bangkokpost