သမုဒ်သာခန်၊ မာတ် ၂၇
ဟိုတ်နူပေါဲပၞာန်အဳရာန်တုဲ ၚုဟ်ဒဳဇြေလ်သၠုၚ်တိုန်အာဂှ်ရ ကဏ္ဍကမၠောန်ရပ်က ဍုၚ်သေံ မၞုံကဵုၚုဟ်မးဗွဲမဂၠိုၚ်ကဵုဗဳလဳယာန်ဒဝ်လာတံဂှ် ယဝ်အလဵုအသဳ ဟွံလုပ်သှ်ကလးကဵုမ္ဂး ဒေါအ်အာမာန်ရောၚ်။
ဟိုတ်နူၚုဟ်မးကၠေၚ်ဍေၚ် သၠုၚ်တိုန်အာတုဲ ဂၠုၚ်ရပ်ကတံဂှ် ပ္ဍဲပွိုၚ်မွဲၜါတ္ၚဲဏအ် တိတ်ၜဳဟွံမာန်ရပုဟ် သၟာရပ်ကတံ ကဵုလဝ်သတိရ။
ပ္ဍဲသၞေဟ်ရပ်ကဇၞော်အိုတ် ဍုၚ်သေံ မၞုံပ္ဍဲရးဒေသအဒေါဝ် အကြာသၚ်ဇိုၚ်ပ္ၚံက်ၜဳသေံဂှ် ၜၚ်တၚ်ဇာကဝက်ပြၚ်ၚ်တံ ဒးဒေါအ်ဇူလဝ်တုဲ ၜၚ်ချဳဒရာၚ်မံၚ်ကမၠောန်တံလေဝ် ပ္ဍဲမွဲၜါတ္ၚဲဏအ်မ္ဂး ဒးဒေါအ်ဇူအာမာန်ရောၚ် ဥက္ကဋ္ဌဂကောံသွံရာန်က သမုဒ်သာခန် ဂျမ်ပိုလ် ကာနာဝါရဳ ဟီုရ။
သွက်ဂွံဗပေၚ်ဗုၚ်ဂၞဴ စရိတ်ၚုဟ်အိုတ်သြန် ကောန်ကမၠောန်ကဵု ဂကောံသ္ၚိကၟိန် သၟာရပ်ကတံဂှ် ဟွံသၟဟ်အစောံတုဲ ဂၠုၚ်ရပ်ကတံ တိတ်ၜဳရပ်ကဟွံမာန်၊ ကြဴနူအေဗရာ ၁ မ္ဂး မုကလေဝ် သွက်ဂွံသွံကဵု ဟၟဲရပုဟ် ညးဟီုရ။
ပ္ဍဲအကြာသၞာံ ၂၀၁၄ ဂှ် နူဍုၚ်သေံ ပလံၚ်ဗစိုပ်လဝ်ကဵု ဇရေၚ်ဍုၚ်အမေရိကာန်၊ ဂျပါန် ကေုာံ ကြုက်တံဂှ် သတ်ဍာ် မၞုံၚုဟ်မး ၇ ဗဳလဳယာန်ဒဝ်လာရောၚ် ပ္ဍဲစရၚ်အလဵုအသဳတံ ထမံက်ထ္ၜးလဝ်ရ။
စပ်ကဵုအကာဲအရာဏအ်တုဲ သွက်ဂွံဟီုကဵုတင်စၟတ်သမ္တီဂှ် အာတ်မိက်လဝ်ကီုလေဝ် နူဌာနကမၠောန်ဍာ်သေံ ကလေၚ်သှ်ကဵုဟွံမာန်ပုဟ် ဌာန်ပရိုၚ်ရိုက်တာ ဟီုရ။
အစီအဇန်သွက်ဂွံထံက်ပၚ်အာ သွက်သၟာရပ်ကတံဂှ် အဃောပလေဝ်စမံၚ်ရောၚ် ပ္ဍဲမာတ် ၂၅ ဂှ် ဝန်ဇၞော်ပရေၚ်ဘဏ္ဍာသေံ ဟီုလဝ်ရ။
ပ္ဍဲဍုၚ်သေံ ကၠေၚ်အရၚ် သွက် ၁၀၀ တ္ၚဲ နွံမံၚ်ရောၚ် သာ်ဝွံ အတိုၚ်ညးတာလျိုၚ်တံဟီုဂှ် ဂွံတီကေတ်ရ။
ကြဴနူပရေၚ်ထံက်ပၚ်အလဵုအသဳတံ အိုတ်အာတုဲ ပ္ဍဲမာတ် ၂၆ ဂှ် ၚုဟ်ဒဳဇြေလ်သေံ မွဲလေတ်မ္ဂး တိုန်အာ ၃၈ ဒသမ ၉၄ ၜါတ်ရ။
ကၠာပေါဲပၞာန်အဳရာန်ဟွံစဒှ်ဏီ ပ္ဍဲဂိတုဖေဖော်ဝါရဳတေံဂှ် ပ္ဍဲဍုၚ်သေံ ၚုဟ်ဒဳဇြေလ် မွဲလေတ်မ္ဂး နွံဆၜိုတ် ၂၉ ဒသမ ၉၄ ၜါတ်ဟေၚ် မဒှ်ရ။
ယဝ်ရၚုဟ်ဒဳဇြေလ် မွဲလေတ်စိုပ်အာ ၄၀ ၜါတ်မ္ဂး ၜၚ်တံတိတ်ရပ်ကဟွံမာန်တုဲ သၟာကမၠောန်ဂၠုၚ်ရပ်ကလ္ၚဵုတံ သွက်ဂွံသုၚ်စောဲရပ်စပ်အာကၠေၚ်ဍေၚ်အောန်န်ဂှ် အဃောပ္ညဳပ္ညပ်မံၚ်လၟေၚ်တရဴညးတံရောၚ် သၟာရပ်က ဗန်ချို လောန်လေဝ် ဟီုရ။
ပြဟ်ဟ်ဏအ်ဂှ် ဟိုတ်နူဂၠုၚ်ရပ်ကတံ၊ ၜၚ်တံ ဒးဟအေတ်သုၚ်စောဲမံၚ်အောန်န်တုဲ ဂွံက အောန်မံၚ်ရောၚ် ဗန်ချို သ္ဂးရ။
Ref:Reuters