ဝါယှေန်တာန်၊ မာတ် ၃၁
သွက်လဝေၚ်ပၞာန်ဗလးတိအဳရာန် လံအာသတ္တဟမာန်ဂှ် ဌာန်ဂအုပ်ပၞာန်အမေရိကာန် ပေန်တဂန် ဒစးဒုၚ်ပဠေတ်ပဠေဝ် လဝ်ကၠာ နွံမံၚ်ရောၚ် ဌာန်ပရိုၚ် The Washington Post ချူဗၟံက်လဝ်ရ။
လဝေၚ်ပၞာန်ဗလးတိ ဗီုကတဵုဒှ်ကၠုၚ်မာန်တံဂှ် ၜိုန်ရဟွံဒှ်ပရေၚ်လုပ်သီဗတိုက် ၁၀၀ က္ဍိုပ်ကၠံပေၚ်ၚ်ကီုလေဝ် ပရေၚ်လုပ်ဗတိုက် နကဵုဒပ်ဇိုၚ်ပြဟ် ကေုာံ ဒပ်တၟေၚ်တံ ပါလုပ်မာန်ရောၚ် နူကဵုညးတာလျိုၚ်အမေရိကာန် ဟွံမိက်ဒုၚ်ယၟုတံဂှ် နိဿဲလဝ်တုဲ ဗၟံက်ထ္ၜးလဝ်ရောၚ်။
သွက်တၚ်ရန်တၟအ်တံ ဂွံဍိုက်ပေၚ်မာန်ဂှ် လံအာသတ္တဟညိညမာန်တုဲ ဟွံလံစဵုကဵုဂိတုဂၠိုၚ်င်ပုဟ် သာ်ဝွံ နူကဵုတမ်ရိုဟ်ပရိုၚ်မွဲ ဟီုကဵုဌာန်ပရိုၚ် The Washington Post ရ။
ပရေၚ်မဖျေံလဝ်အစဳဇန် သွက်ဂွံထပက်လဝေၚ်ပၞာန်ဗလးတိ ပ္ဍဲအဳရာန်ဂှ် သမ္မတ ဒဝ်နယ်ထရီု ကဵုအခေါၚ်ဟာ ဟွံကဵုဟာဂှ် စဵုကဵုလၟုဟ် ဟွံဂွံတီဏီပုဟ် သာ်ဝွံ တမ်ရိုဟ်ပရိုၚ်တံ ဟီုရ။
အမေရိကာန် ဖျေံလဝ်ကောန်ပၞာန် ၂၅၀၀ ပ္ဍဲဒေသလဒေါဝ်ဗၟံက်တုဲ ကြဴနူဂှ် ထပ်ဗလံၚ်ဏာ ၂၅၀၀ နကဵုၜၚ်ပၞာန်တံပၠန်ရောၚ်ဂှ် ပ္ဍဲပရိုၚ်ဂၠးကဝ်တံ မာတ် ၃၀ ဂှ် ဗၟံက်ထ္ၜးလဝ်ရ။
သွက်ဂဥုပ်သ္ကိုပ်ပၞာန် ဂွံရုဲစှ် ဂၠိုၚ်ၚ်မာန်ဂှ် နူပေန်တဂန် ကၠောန်လဝ် ဒစးဒုၚ်ပဠေဝ်ပဠေတ်စလဝ်ကၠာနွံမံၚ်ရောၚ် ညးတာလျိုၚ်လလောၚ်ပရိုၚ်သ္ၚိဗတာၚ် ကေလ်လိုရေၚ် လေဗေတ် ဟီုကဵု ဌာန်ပရိုၚ် The Washington Post ရ။
ၜိုန်ရပဠေဝ်ပဠေတ်စလဝ်ကၠာနွံကီုလေဝ် သမ္မတကဵုလဝ်အခေါၚ်တုဲတုဲ ဟွံသေၚ်ဏီပုဟ် သာ်ဝွံ ညးတာလျိုၚ်အမေရိကာန်တံ ဟီုရ။
သွက်တၚ်ရန်တၟအ်ပိုဲတံ ဂွံဍိုက်ပေၚ်ဂှ် ဗလံၚ်ဏာဒပ်ပၞာန်ဗလတိဂှ် နွံမံၚ်ပၟိက်ဟွံသေၚ်တုဲ ဒှ်ကၠုၚ်ပေါဲပၞာန်လံလ ဟွံသေၚ်ရောၚ် ဝန်ဇၞော်ပရေၚ်ဍုၚ်သအာၚ် မာကို ရူဗဳယို ဟီုကဵုရဲပရိုၚ်တံရ။
ဟွံဗလံၚ်ဏာဒပ်ပၞာန်ဗလးတိလေဝ် ညံၚ်တၚ်ရန်တၟအ်ပိုဲတံ ညံၚ်ဂွံဍိုက်ပေၚ်ဂှ် ကၠောန်ဗဒှ်မာန်မံၚ်ရောၚ် ဝန်ဇၞော် ရူဗဳယို သ္ဂးရ။
တ္ကအ်ခါခ် မဒှ်ဒၞာဲပတိတ်ကၠေၚ်ဍေၚ် ကေုာံ လမျီုပရေၚ်ပိုန်ဒြပ် သွက်အဳရာန်ဂှ် အမေရိကာန် သွက်ဂွံသီကေတ် ဖန်ဇန်မံၚ်ရောၚ် သ္ဂးရ။
Ref:Independent