ဗာတဳကန် သဳတဳ၊ အေဗရာ ၇
သွက်ဂွံက္လၚ်ဂလာန် ပေါဲသ္ပဝတ်အဳသတာ နူကဵု သၟိၚ်အစာတၠပုက် လဳယဝ် ၁၄ အလန်ပထမကၠာအိုတ်ဂှ် မၞိဟ်လၟိဟ်လ္ၚီပြၚ်ၚ်တံ ပ္ဍဲဂိတုအေဗရာ ၅ ဂှ် စိုပ်ကၠုၚ် ပ္ဍဲဝၚ်ဗလး သိပ်ပဳတာ အိုတ်ရ။
ပ္ဍဲအရာမဟီုဂး နူဝရာန်တာ နန်ဗာတဳကန်ဂှ် သွက်ညးမၞုံကဵုဇြဟတ် ကေုာံ အဝဵု သွက်ဂွံကတဵုဗဒှ်ပေါဲပၞာန်တံဝွံ ညံၚ်ဂွံရုဲစှ်အာ ပရေၚ်ၜိုဟ်လလမ်အိုတ်ညိဂှ် နူကဵု သၟိၚ်အစာတၠပုက် ဗ္တိုက်ဖ္အောဝ်ဟီုဂးလဝ်ရောၚ်။
ပၟိက်ဆန္ဒမိက်ဂွံဇၞော်သၠဲအုပ်ဓလီုတံ၊ မိက်ဂွံဂွံအဝဵု မမိက်ဂွံကတဵုဗဒှ်ပဋိပက္ခတံဂှ် ညံၚ်ဂွံသၠးပ္တိတ်ထောံကၠအ်အိုတ်ညိ ကေုာံ ပ္ဍဲဂၠးကဝ် မပေၚ်မံၚ်ကဵုပေါဲပၞာန်ဏံဂှ် ညံၚ်ဂွံကဵုအခေါၚ်ကဵု ပရေၚ်ဂစာန်လွဳ ၜိုဟ်လလမ် ကျာ်ထာဝရညိဂှ် သၟိၚ်အစာတၠပုက် လဳယဝ် ၁၄ ဟီုလဝ်ရ။
သၟိၚ်အစာတၠပုက် ကတဵုဒှ်မၞိဟ် ပ္ဍဲအမေရိကာန် ကၠာအိုတ်ဏံဝွံ ဒှ်ကၠုၚ်ညးမပါ်ပါဲ ပေါဲပၞာန်အဳရာန်တုဲ သွက်ဂွံပျုတ်ဗဒေက် ပဋိပက္ခဂၠးကဝ်တံ ကေုာံ သွက်ဂွံယှအ်ဖျေံ အသိၚ်ပရေၚ်ကြံၚ်မ္ၚိုဟ်တံဂှ် ပ္ဍဲအခိၚ်ဟွံလံဏီ ဗ္တိုက်ဖ္အောဝ်လဝ်ရ။
နူကဵု သၟိၚ်အစာတၠပုက် ရာဒနာမိက်ကဵု သွက်ဍုၚ်ဗာတီကန် ကေုာံ ဂၠးကဝ်တုဲ ပ္ဍဲအခိၚ်လၟုဟ်ဝွံ ပရူဒဒှ် အရာမၞိဟ်လၟိဟ်လ္ၚီပြၚ်ၚ် ချိုတ်ဒၟံၚ်တံဂှ် သွက်မၞိဟ်တံမ္ဂး ဒှ်အာညံၚ်ရဴပရေၚ်ဓမ္မတာ ကတဵုဒှ်ကၠုၚ်ရောၚ် ညးဟီုရ။
သွက်ညးမၞုံကဵုလွဟ်တံ ညံၚ်ဂွံဖျေံလွဟ် ကေုာံ သွက်ညးမၞုံကဵုဇြဟတ် သွက်ဂွံကတဵုဗဒှ်ပေါဲပၞာန်တံ ညံၚ်ဂွံရုဲစှ်ပရေၚ်ၜိုဟ်လလမ်ဂှ် သၟိၚ်အစာတၠပုက် ဗ္တိုက်ဖ္အောဝ်ဏာရ။
သၟိၚ်အစာတၠပုက် လဳယဝ် လၟုဟ်ဝွံ ထိုၚ်သးလဝ်ဂုဏ်စရာဲ သၟိၚ်အစာတၠပုက်တြေံ ဖရာသေတ် ကၠာညးဟွံစုတိပ္ဍဲသၞာံအာ ဟီုဂးလဝ်ဂလာန် ပ္ဍဲပေါဲအဳစတာရာဒၞာမိက် တုဲကၠုၚ်တေံကီုရ။
သၟိၚ်အစာတၠပုက် လဳယဝ် ၁၄ ဟီုဂးဏာ ညံၚ်ဂွံဒေါအ်ကၠေံပေါဲပၞာန်တံကီုလေဝ် အရာမဟီုစုတ်လဝ် ယၟုဍုၚ်တံဂှ်တှ်ေ ဟၟဲပုဟ်။
သွက်ဘာသာခရေတ်ယာန်တံမ္ဂး တ္ၚဲအဳစတာဝွံ ဒှ်အရာတ္ၚဲကိစ္စဇၞော်အိုတ်မွဲတ္ၚဲတုဲ ဆေၚ်စပ်မံၚ်ကဵု သ္ပစၟတ်သမ္တီ ကျာ်ခရေတ် မဂျိုၚ်တိုန်ကၠုၚ် နူပွမကာဂစိုတ်ရ။
ညံၚ်ဂွံဒေါအ်ထပိုတ်ထောံ ပေါဲပၞာန်အဳရာန်ဂှ် သၟိၚ်အစာတၠပုက် အာတ်မိက်လဝ်တိုက်ရိုက် ကုသမ္မတအမေရိကာန် ဒဝ်နယ်ထရ ကီုရ။
ပရိုၚ် – သြၚ်လောန်တိုင်မ်
Ref:BBC