တဳဟဳရာန်၊ အေဗရာ ၂၀
ယဝ်ခါရ အမေရိကာန် ဆက်တုဲကၟာတ်ဆိုအ်လဝ် သၞေဟ်က္ၜၚ်အဳရာန်တံမ္ဂး သွက်ဂွံဆက်ပံက်ကဵု ပ္ၚံက်ၜဳဟဝ်မုဇ်ဂှ် ဒှ်မာန်ဟွံသေၚ်ရောၚ် ဥက္ကဌစၠတ်ထဝ်အဳရာန် ကဵုလဝ်သတိရ။
စဵုကဵုကလိဂွံ တင်တုပ်စိုပ်ပရေၚ်ၜိုဟ်လလမ်မွဲဂှ် သွက်ဂွံဆက်ကၟာတ်ဆိုအ်လဝ် သၞေဟ်က္ၜၚ်အဳရာန်တံရောၚ် ဂၠံၚ်ဍာ်ဂှ်ပံက်လဝ်တုဲ မင်လဝ်ဂွန် သွက်ပရေၚ်ပိုန်ဒြပ်ရောၚ် သမ္မတအမေရိကာန် ဒဝ်နယ်ထရ ဟီုရ။
အပ္ဍဲပွိုၚ်အခိၚ် တင်တုပ်စိုပ်ဒေါအ်ပန်ပှော် လမျီုလုပ်မံၚ်ဏီမ္ဂး ပ္ၚံက်ၜဳဟဝ်မုဇ်ဂှ် ပံက်ကဵုလဝ်ပေၚ်ၚ်ရောၚ် ဝန်ဇၞော်ပရေၚ်ဍုၚ်သအာၚ်အဳရာန် ဟီုလဝ် နူကိုပ်ကၠာတေံရ။
အပ္ဍဲဂိတုအေဗရာ ၁၈ ဂှ် နူကဵုဂၠံၚ်ဏံ က္ၜၚ်ဖ္ဍိုက်ကပေါတ်လ္ၚဵုတံ တတ်အာကၠုၚ်လဝ်ရောၚ်ဂှ် ပ္ဍဲဝက်ဘ်သိုက်ဗက်ဂၠိုက်ဂၠာဲဒၞာဲဇိုၚ် လၟေၚ်တရဴက္ၜၚ်တံ ဗၟံက်ထ္ၜးလဝ်ရ။
သီုကဵု သွက်ဂွံသောၚ်နုက်ပ္တိတ် ယူရေနဳယာန် အဳရာန်တောမ်သ္အးလဝ်တံ ပါလုပ်မံၚ်အရာတင်တုပ်လဝ်စိုတ်ရောၚ် ထရ ဟီုရ။
သွက်ဂွံကေတ်ပ္တိတ်ဏာ ယူရေနဳယာန်မတောမ်သ္အးလဝ် နူအဳရာန် အရာထရ ဟီုဂးမံၚ်ဂှ် နကဵုအဳရာန် တးပါဲလဝ်ရ။
သမ္မတအမေရိကာန် ၜိုန်ရစၟဳစမံၚ် သွက်ဂွံကလိဂွံပေါဲအံၚ်ဇၞး နကဵုနဲကဲအမာတ်ကလုတ်ကီုလေဝ်၊ အကြာညးၜါလ္ပာ်ဂှ် အရာလစွံစိုတ်တၞဟ်ခြာမံၚ်ကၠးကၠးတံ သှ်ေမံၚ်ဖိုဟ်ဏီ မဒှ်ရ။
ကြဴနူအဳရာန် လလောၚ်တြး ကလေၚ်ပံက်ပ္ၚံက်ၜဳဟဝ်မုဇ်တုဲ င္ၚုဟ်ကၠေၚ်ဍေၚ်ဂၠးကဝ် ယအ်စှ်ေအာ ၁၀% ပြၚ်ရ။
ဆဂး ယဝ်ရအသိၚ်ပေါဲပၞာန် ကလေၚ်သၠုၚ်တိုန်အာမ္ဂး င္ၚုဟ်ကၠေၚ်ဍေၚ်လေဝ် ကလေၚ်သၠုၚ်တိုန်မာန်ရောၚ် ညးစီုသကီုဗွဝ်ဖျာတံ ကဵုလဝ်သတိရ။
အမေရိကန်နဲ့ အစ္စရေးတို့က ဖေဖော်ဝါရီလကုန်ပိုင်းမှာ အီရန်ကို စတင်တိုက်ခိုက်ပြီးနောက် အီရန်က ကမ္ဘာ့စွမ်းအင် ထောက်ပံ့မှုအတွက် အရေးပါတဲ့ ဟောမု့ဇ် ရေလက်ကြားကို ပိတ်ဆို့ထားပါတယ်။
ကြဴနူအမေရိကာန် ကေုာံ အေဿရေတံ စဗတိုက်အဳရာန် ပ္ဍဲကၞောတ်ဂိတုဖေဖဝ်ဝါရဳတုဲ၊ သ္ပဟိုတ်ကဵုပရေၚ်အထံက်ပၚ်ဓာတ်အစောမ်ဂၠးကဝ် ကိစ္စဇၞော်တုဲ ပ္ၚံက်ၜဳဟဝ်မုဇ်ဂှ် နကဵုအဳရာန် ကၟာတ်ဆိုအ်လဝ်ရ။
ယဝ်ရအမေရိကာန် ဆက်တုဲကၠောန်အာ ပရေၚ်ကၟာတ်ဆိုအ်တံမ္ဂး သီုကၟာတ်ဆိုအ်အာ ၜဳဗ္ကေတ်ကီုရောၚ် အဳရာန် ကဵုလဝ်သတိရ။
ၜိုန်ရအဳရာန် ပံက်လဝ်ပ္ၚံက်ၜဳဟဝ်မုဇ်ကီုလေဝ် က္ၜၚ်လ္ၚဵုတံ ပြံၚ်သၠာဲဒဳအာမံၚ် တရဴဂၠံၚ်ဍာန်ရောၚ် ဂွံတီကေတ်ရ။
Ref:BBC