မနဳလာ၊ အေဗရာ ၂၁
အပ္ဍဲအခိၚ်ပေါဲပၞာန်ဒေသလဒေါဝ်ဗၟံက် ကတဵုဒှ်မံၚ်ဏံ ကရောံကောန်ပၞာန်အမေရိကာန် ကေုာံ ဖိလေတ်ပိုၚ် လၟိဟ်လက်ကိုတ်ပြၚ်တံဂှ် ကောန်ပၞာန်ဂျပါန်တံလေဝ် ပါလုပ် ကၠာအိုတ်တုဲ စပံၚ်ပစပ်လဝေၚ်ပၞာန် ပ္ဍဲဂိတုအေဗရာ ၂၀ ဂှ်ရ။
အဲဒီနေရာမှာ ဖိလစ်ပိုင်နဲ့ တရုတ်တို့ အကြိမ်ကြိမ် ထိပ်တိုက်တွေ့မှုတွေ ဖြစ်ပွားနေတာ ဖြစ်ပါတယ်။ ပ္ဍဲဒၞာဲ အကြာဖိလေတ်ပိုၚ် ကေုာံ ကြုက်တံ ဒှ်မံၚ်ပရေၚ်ဇီုကပိုက် ကတဵုဒှ်လဝ်ဂၠိုၚ်ကဵုအလန် မဒှ်ရ။
ဒပ်ပၞာန်ဂျပါန်တံ ပလံၚ်ဏာလဝ်ကောန်ပၞာန် ၁၄၀၀ ဂှ် သုၚ်စောဲကမ်သၠောဝ် Type 88 တုဲ သွက်ဂွံပန်ထဗၠိုက်ထ္ၜး ၜၚ်မစွံလဝ် ဒၞဲပွန်ဂှ်ရောၚ် ညးမၞုံအခေါၚ်ဟီုဂး ဆေၚ်စပ်ကဵုပံၚ်ပစပ်လဝေၚ်ပၞာန်ဖိလေတ်ပိုၚ် သ္ကိုပ်ဗိုလ် ဒန်နေတ် ဟာနန်ဒက်ဇ် ဟီုရ။
ကောန်ပၞာန်ပါလုပ် ၁၇၀၀၀ ပြၚ်တံဏံ သွက်ဂွံကၠောန်ဗဒှ်အာ ပံၚ်ပစပ်လဝေၚ်ပၞာန် ပွိုၚ် ၁၉ တ္ၚဲရောၚ် ဂွံတီကေတ်ရ။
အပ္ဍဲပရေၚ်ပံၚ်ပစပ်လဝေၚ်ပၞာန် သၞာံအာတုဲကၠုၚ်တေံမ္ဂး နယူဇဳလာန်၊ အဝ်သတေလျ၊ ပြၚ်သေတ် ကေုာံ ကနေတာတံ ပါလုပ်ကၠုၚ်လဝ်တုဲ ဇြဟတ်ကောန်ပၞာန်လေဝ် နွံၜိုတ်ဂှ်ကီု မဒှ်ရ။
အရာပံၚ်ပစပ်လဝေၚ်ပၞာန်ဏံဝွံ ဒှ်အရာမဗၟံက်ထ္ၜး ပရေၚ်ဒက်ပ္တန် မဟာမိတ်ဗိုန်ဗတ် ကရောံဖိလေတ်ပိုၚ် ကေုာံ ဂလာန်ကတိပိုဲတံ သွက်အရာအာကၠုၚ်ဗၠးဗၠးၜးၜး ပ္ဍဲဒေသအေန်ဒိုပသဳဖေတ်ရောၚ် ညးမၞုံအခေါၚ်ဟီုဂးနွံ ဆေၚ်စပ်ကဵုပံၚ်ပစပ်လဝေၚ်ပၞာန်အမေရိကာန် သ္ကိုပ်ဗိုလ် ရဝ်ဗာတ် ဗာန် ဟီုလဝ် ကိုပ်ကၠာဟွံစလဝေၚ်ပၞာန် ပ္ဍဲဂိတုအေဗရာ ၂၀ တေံရ။
ပ္ဍဲဒေသလဒေါဝ်ဗၟံက် အမေရိကာန်ဗတိုက်မံၚ်အဳရာန်ကီုလေဝ်၊ လ္တူလၟိဟ်ကောန်ပၞာန် အမေရိကာန် မပါလုပ် အပ္ဍဲပံၚ်ပစပ် လဝေၚ်ပၞာန်လၟုဟ်ဂှ် ပရေၚ်ယုက်ဒေက်ဟၟဲပုဟ် ညးတေံဟီုရ။
ဟိုတ်နူအမေရိကာန် ကေုာံ အေဿရေတံ စဗတိုက်အဳရာန် ပ္ဍဲဂိတုဖေဖဝ်ဝါရဳ ၂၈ တေံတုဲ၊ ပေါဲပၞာန်ဒေသလဒေါဝ်ဗၟံက် မကတဵုဒှ်ကၠုၚ်တံ ဂွံလဝ်တင်တုပ်စိုပ်ဒေါအ်ပန်ညးသ္ကံတံဂှ် ခြာဟွံလံ အာယုက်အိုတ်အာရောၚ် မဒှ်ရ။
အပ္ဍဲအခိၚ်မဒးဗလံၚ်ဏာလဝ် ဇြဟတ်ပၞာန် ပ္ဍဲဒေသလဒေါဝ်ဗၟံက် ဂၠိုၚ်မံၚ်ကီုလေဝ်၊ နကဵုအမေရိကာန် သွက်ပံၚ်ပစပ်လဝေၚ်ပၞာန် ဘာလီကာတန် (Balikatan) ဟွံသေၚ်မ္ဂး ပတဝ်ပၞးဗကတ်ဗကေၚ်ဂှ် ဗလံၚ်ကဵုလဝ်ဇြဟတ်ကောန်ပၞာန် ဗွဲမဂၠိုၚ်ဖိုဟ်ရ။
အပ္ဍဲပွဳဗွိုၚ်ထာဲဝါန်ဂှ် ပ္ဍဲအခိၚ်ကြုက်ကဵုမံၚ်ဇြဟတ်ဟရိုဟ် နကဵုဇြဟတ်ပၞာန်ဗွဲမဂၠိုၚ်ဏံ ပံၚ်ပစပ်လဝေၚ်ပၞာန်ဏံ မံက်တိုန်ကၠုၚ်လဝ် မဒှ်ရ။
ယဝ်ရ ပေါဲပၞာန်ကတဵုဒှ် ပ္ဍဲထာဲဝါန်မ္ဂး ပိုဲတံလေဝ် ဒးပါလုပ်အာ အပ္ဍဲပေါဲပၞာန်မာန်ရောၚ် သမ္မတဖိလေတ်ပိုၚ် မာကိုအ် ကေုာံ သ္ကိုပ်ဝန်ဇၞော်ဂျပါန် သာနေ တာကာအိချိ ညးသီုၜါတၠ ကေၚ်ဟီုလဝ်နွံကီုရ။
Ref:AFP