လ္ဂုၚ်၊ မေ ၂
ကြဴနူအမိၚ်အလဵုအသဳပၞာန် လလောၚ်တြးဏာ က္ဍိုပ်သ္ကိုပ်ညးဍုၚ်ကွာန် ဒဝ်အံၚ်သာန်သုကျဳဂှ် သွက်ဂွံပြံၚ်စွံ ထိၚ်ဒဝ်အပ္ဍဲသ္ၚိ ဒဏ်ထံၚ်မသှ်ေမံၚ်တံဂှ် ဆက်ဒုၚ်အာဂှ်တုဲ သွက်ဂွံအာဆဵုဂဗဒဝ်အံၚ်သာန်သုကျဳဂှ် နူကဵုဂကောံသၟာဥပဒေညးတံ ဖန်ဇန်မံၚ်ရောၚ် ညးစၞးမွဲတၠ ဟီုလဝ် ပ္ဍဲဂိတုမေ ၁ ရ။
ညးတၠလာပ်ၜိုဟ်လလမ်နဝ်ဗေလ် ဒဝ်အံၚ်သာန်သုကျဳဝွံ စနူအခိၚ်ဒပ်ပၞာန်သီအဝဵု ပ္ဍဲဂိတုဖေဖဝ်ဝါရဳ ၂၀၂၁ တေံဂှ် ဒးဒုၚ်ရပ်ထိၚ်လဝ် မဒှ်ရ။
ဒေါ်အောင်ဆန်းစုကြည်ရဲ့ သား ကိုထိန်းလင်းခေါ် ကင်မ် အဲရစ် ဦးဆောင်ပြီးတော့ ဒေါ်အောင်ဆန်းစုကြည် နူကဵုကောန်တြုံ ဒဝ်အံၚ်သာန်သုကျဳ ကိုထိၚ်လေၚ် (ကော်) ကေန်မ် အေဝ်ရေတ် (Kim Aris) သ္ကိုပ်သ္ကတုဲ ဒဝ်အံၚ်သာန်သုကျဳ လမျီုဂျိုၚ်မံၚ်ဏီ ညံၚ်ဂွံထ္ၜးကဵုသက်သဳဂှ် အာတ်မိက်မံၚ်ရ။
အပ္ဍဲသၞာံဗွဲမဂၠိုၚ် နူကဵုဂကောံဏံ ဆၜိုတ်ပတိတ်ထ္ၜးရုပ်မွဲတၞးဓဝ်တုဲ သ္ပသက်သဳ လမျီုဂျိုၚ်မံၚ်ဏီဂှ် ဒှ်ဟွံမာန်ပုဟ် ဟီုဂးမံၚ်အိုတ်ရ။
ပြဟ်ဟ်ဏံမ္ဂး ဒဝ်အံၚ်သာန်သုကျဳ ဆက်နွံမံၚ် ပ္ဍဲနေပျဳဒဝ်ဖိုဟ်ရောၚ် ကောန်ဂကောံသၟာဥပဒေညးမွဲတၠ ဟီုရ။
ပ္ဍဲဗ္တံ ဂိတုအေဗရာ ၃၀ ဂှ် ပြံၚ်စွံလဝ် ဒဝ်အံၚ်သာန်သုကျဳ ထိၚ်ဒဝ်စွံလဝ်အပ္ဍဲသ္ၚိရောၚ် တမ်ရိုဟ်ပရိုၚ်ဂှ် ဟီုရ။
ဆဂး ဒဝ်အံၚ်သာန်သုကျဳဂှ် စွံထိၚ်ဒဝ်လဝ်အပ္ဍဲသ္ၚိဂှ် ကြပ်ပေၚ်စိုပ်အာမွဲသၞာံယျတုဲ အခိၚ်လၟုဟ်မှ ပတိတ်ပရိုၚ်ရောၚ် တမ်ရိုဟ်ပရိုၚ် နူနေပျဳဒဝ်တံ သ္ဂးမံၚ်ရ။။
ပ္ဍဲဍုၚ်လဵု ကွာန်လဵု သ္ၚိမွဲလဵု ထိၚ်ဒဝ်စွံလဝ်ရောဂှ် လပါ်ဒပ်ပၞာန် ဟွံဗၟံက်ထ္ၜးကဵုတုဲ မွဲကဆံၚ်နူမဳဒဳယာအလဵုအသဳဂှ် ဗီုတၞးရုပ် ဒဝ်အံၚ်သာန်သုကျဳ၊ ညးတာလျိုၚ်ပၞာန်မွဲတၠ ကေုာံ ညးတာလျိုၚ်ဗၠာဲသၟိၚ် ကျိုၚ်လဝ်ယူနဳဖံၚ်မွဲတၠ ဆဵုဂဗသဳကၠဳမံၚ်တံဂှ် ဗၟံက်ထ္ၜးလဝ် မဒှ်ရ။
နကဵုတင်စောဲစပ်ဒုဟ်နာနာတုဲ ဒဝ်အံၚ်သာန်သုကျဳ ဒးဒုၚ်ဖျေံလဝ်ထံၚ်ဒဏ် ၃၃ သၞာံဂှ် ၜိုန်ရယှအ်ဖျေံကဵုဒုဟ်ဒဏ် ၜါဝါတုဲကီုလေဝ် ဒးဆက်ဒုၚ်အာ ထံၚ် ၁၈ သၞာံပၠန်ရောၚ်။
Ref:Reuters