မဝ်တံၚ်၊ ဂိတုမေ ၅
ဍုၚ်မဝ်တံၚ် ပွိုၚ်ဍုၚ်တနၚ်သဳ ရးတနၚ်သဳ ဒၞာဲဂကောံပၠန်ဂတးတံ ထိၚ်ချုက်လဝ်ဂှ် ဒပ်ပၞာန်ဗမာ ထပ်ကြဳဖျေံဗုမ် ဗတိုက်လဝ်ကဵုၜၚ်ကျာရ ဂှ် ဂွံတီကေတ် နူကဵုဗော်သွးကောန်ဂကူကရေၚ် KNU ခရိုၚ်ဗိက်-ထဝါဲရ။
အပ္ဍဲဂိတုမေ ၂ အခိၚ်တ္ၚဲစေၚ်ၜိုတ် ၂ နာဍဳပြၚ်ၚ်ဂှ် ပ္ဍဲကဵုဍုၚ်မဝ်တံၚ် နူကဵုဒပ်ကဝ်မယှေန်ပၞာန်ဗမာ ဗတိုက်လဝ်ကဵု ၜၚ်ကျာဂျက် ကြဳဖျေံလဝ်ဗုမ် ၂၅၀ ပံၚ်ၜါမရ။
ဗုမ်ဒပ်ပၞာန်ကြဳလဝ်ဏံ ဒတုံဗတိုဟ်စှ်ေအာ အပ္ဍဲဍုၚ်မဝ်တံၚ်ဂှ်ရ ကောန်ၚာ်အာယုက် ၜါဂိတုမွဲတၠ၊ ညးတြုံမွဲတၠ ကေုာံ ညးဗြဴမွဲတၠ သီုဖအိုတ် ၃ တၠ ဒးအာဝပ်ရ။
ပေါဲဗတိုက်ဟွံမွဲသာ် လ္တူကောန်ညးဍုၚ်ကွာန် ရန်တၟအ်နွံနွံ ကၠုၚ်ကြဳဖျေံလဝ်ဗုမ် သက်က်ရောၚ် ညးတာလျိုၚ်လလေၚ်ပရိုၚ် KNU ခရိုၚ်ဗိက်-ထဝါဲ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲဍုၚ်မဝ်တံၚ်ဂှ် ဟိုတ်နူကဵုဒပ်ကဝ်မယှေန်ပၞာန် ကၠုၚ်ကြဳမံၚ်ဗုမ် မွဲဏှမွဲဏှဂှ်ရ ကောန်ညးဍုၚ်ကွာန် မံၚ်စံၚ်မံၚ်အပ္ဍဲဍုၚ်တံဂှ် ဒးဂြိပ်ပါဲမံၚ်အိုတ်ရောၚ် ဂွံတီကေတ်ရ။
ဂိတုအေဗရာ ၂၇ တုဲကၠုၚ်ဏံလေဝ် အပ္ဍဲဍုၚ်မဝ်တံၚ် စၟတ် ၃ ကေုာံ ကွာန်ဖံၚ်သုက်ဂှ် ဟိုတ်နူကဵုဒပ်ကဝ်မယှေန်ပၞာန် ကြဳဗုမ်ကဵုၜၚ်ကျာတုဲ ကောန်ညးဍုၚ်ကွာန်ၜါတၠ ချိုတ်အာလဝ်နွံရ။
ဍုၚ်မဝ်တံၚ် မဒှ်ဍုၚ် ကူသာန်သွံရာန်ဗၞိက်ဒေသပယျဵု ကိစ္စဇၞော်မွဲဏံဂှ် ပ္ဍဲဂိတုနဝ်ဝေမ်ပါ ၁၄ သၞာံအာ တုဲကၠုၚ်တေံဂှ် နူကဵုဒပ်ပၞာန်ဗၠးၜး ကောန်ဂကူကရေၚ် KNLA ကဵု ဒပ်ပံၚ်ကောံ မဟာမိတ်ပၠန်ဂတးတံ သီဗတိုက်ကေတ်လဝ်ရ။
ဒပ်ကဝ်မယှေန်ပၞာန် သွက်ဂွံကလေၚ်သီကေတ်ဍုၚ်မဝ်တံၚ်ဂှ် နူကဵုဗလးကျာ ဗလးတိကီု ထပက်မံၚ်ကရောၚ်ပၞာန်ကီုလေဝ် စဵုကဵုလၟုဟ် ကလေၚ်သီကေတ် ဟွံမာန်ဏီပုဟ်။
ပရိုၚ် – သြၚ်လောန်တိုၚ်မ်
Photo – KNU